حمد

[حافظ عبدالکریم]

حمد
شاعر:حبیب الرحمن ناظر​

کر رہا ہوں حمد تیری تو جلالِ شان ہے
اے خدا تو اپنے بندوں پر بڑا رحمان ہے

اے خدا تیری خدائی سب پہ ہے سائہ فگن
خالقِ کونین ہے تو، خالقِ انسان ہے

حمد تیری ہی لبوں پر صبح ہو کہ شام ہو
عیب سے تو پاک ہے تیری صفت سبحان ہے

رہ نمائی کے لیے پیغامبر آتے رہے
آخری قرآن بھی مولیٰ تیرا فیضان ہے

بحر و پروت، باغ و صحراء، مظہر و قدرت تیری
چل رہا ہے نظم عالم تیرا ہی فرمان ہے

تونے مجھ کو عقل و دانش سے نوازا اے خدا
دیکھ کر جلوے تیرے سارا جہاں حیران ہے

حق ہے تو اور حق تیرا ہر فیصلہ ہے بالقیں
تو ہی یا رب حق و باطل کے لیے فرقان ہے

میں ہوں ناظرؔ اے خدا مجھ کو بنا اپنا حبیب
بِن تیرے یہ زندگی بھی مجھ سے اب انجان ہے