====== ضرور پڑھیں ........ اور سوچیں======

[محمد عامر یونس]

======ضرور پڑھیں ........ اور سوچیں======

شیطان نے صرف ایک سجدے کا انکار کیا اور ہمیشہ کے لیے مردود ہو گیا - ضرور پڑھیں ........اور سوچیں!!!
شیطان نے کوئی زنا کیا تھا؟
کوئی قتل کیا تھا؟
شراب پی تھی؟
جواء کھیلا تھا؟
کیا کیا تھا اس نے؟
کوئی شرک کیا تھا اس نے؟
اس نے ایک سجدے کا انکار کیا تھا صرف ایک سجدے کا انکار
اس نے صرف ایک سجدے کا انکار کیا اور ہمیشہ کے لیے مردود ہو گیا
اور مسلمان کو ہوش نہیں جو دن میں پانچ نمازوں میں آنے والے بیسوں سجدوں کا انکار کرتا ہے اور پھر بھی بے فکر ہے یہ سوچتا ہے کہ وہ مردود نہیں ہوا۔۔
کتنے سکون سے سوتا ہے،چائے پیتا ہے کھانا کھاتا ہے بیوی کے پاس جاتا ہے ۔۔کھیلتا ہے کودتا ہے ہرکام کرتا ہے
لیکن
صرف ساتویں دن جمعے والے دن ٹوپی رکھ کر مسجد میں آ جاتا ہے
جیسے نماز صرف جمعے کی فرض ہے؟
کیا اللہ صرف جمعے کو کھلاتا ہے؟
کیا اللہ صرف جمعے کو بلاتا ہے؟
کیا اللہ صرف جمعے کو نعمتیں اتارتا ہے؟
کیسے پتھر دل ہیں ہم لوگ۔۔۔۔مالک بلا رہا ہےاور کان پر جوں نہیں رینگتی
کیسے بےوقوف ہیں ہم لوگ۔۔۔سارا دن کامیابی کی تلاش میں رہتے ہیں اور اللہ کامیابی کی ندا دیتا ہے
حی علی الفلاح۔۔۔آو کامیابی کی طرف۔۔۔لیکن کوئی پرواہ نہیں ۔۔کان تک نہیں دھرتے
ہم تو اس حد تک بے حس ہو چکے ہیں موبائل کھو جائے دکھ ہے۔میچ ہارا جائیں دکھ ہے۔۔۔۔ لیکن نماز چھوٹ جائے دکھ ہی نہیں

اللہ پاک سے دعا ہے اللہ پاک ہم سب کو پانچ وقت کا نمازی بنائے آمین

 

[محمد ارسلان]

جزاك الله خيرا
شیطان کا سجدے سے انکار تکبر کی بنا پر تھا، اور یہ تکبر اسے کفر تک لے گیا۔غور کریں:
إِذْ قَالَ رَ‌بُّكَ لِلْمَلَـٰٓئِكَةِ إِنِّى خَـٰلِقٌۢ بَشَرً‌ۭا مِّن طِينٍ ﴿٧١﴾ فَإِذَا سَوَّيْتُهُۥ وَنَفَخْتُ فِيهِ مِن رُّ‌وحِى فَقَعُوا۟ لَهُۥ سَـٰجِدِينَ ﴿٧٢﴾ فَسَجَدَ ٱلْمَلَـٰٓئِكَةُ كُلُّهُمْ أَجْمَعُونَ ﴿٧٣﴾ إِلَّآ إِبْلِيسَ ٱسْتَكْبَرَ‌ وَكَانَ مِنَ ٱلْكَـٰفِرِ‌ينَ ﴿٧٤﴾۔۔۔سورۃ ص

ترجمہ: جبکہ آپ کے رب نے فرشتوں سے ارشاد فرمایا کہ میں مٹی سے انسان کو پیدا کرنے واﻻ ہوں (71) سو جب میں اسے ٹھیک ٹھاک کر لوں اور اس میں اپنی روح پھونک دوں، تو تم سب اس کے سامنے سجدے میں گر پڑنا (72) چنانچہ تمام فرشتوں نے سجده کیا (73) مگر ابلیس نے (نہ کیا)، اس نے تکبر کیا اور وه تھا کافروں میں سے (74)

شیطان تکبر میں آ گیا اور اس بنا کر اس نے آدم علیہ السلام کو سجدہ کرنے سے انکار کر دیا، یہ تکبر صرف اللہ کی ذات کے لائق ہے۔
(آج بھی کچھ لوگ ایسے ہیں جو دولت، شہرت، دنیاوی تعلیم اور بینک بیلنس کی وجہ سے دوسروں کو حقارت کی نظر سے دیکھتے ہیں، اور بعض تو انسان ہی نہیں سمجھتے۔هداهم الله)

پھر اللہ تعالیٰ نے کہا:
قَالَ يَـٰٓإِبْلِيسُ مَا مَنَعَكَ أَن تَسْجُدَ لِمَا خَلَقْتُ بِيَدَىَّ ۖ أَسْتَكْبَرْ‌تَ أَمْ كُنتَ مِنَ ٱلْعَالِينَ ﴿٧٥﴾۔۔سورۃ ص

ترجمہ: (اللہ تعالیٰ نے) فرمایا اے ابلیس! تجھے اسے سجده کرنے سے کس چیز نے روکا جسے میں نے اپنے ہاتھوں سے پیدا کیا۔ کیا تو کچھ گھمنڈ میں آگیا ہے؟ یا تو بڑے درجے والوں میں سے ہے

پھر اس نے متکبرانہ انداز میں کہا:
قَالَ أَنَا۠ خَيْرٌ‌ۭ مِّنْهُ ۖ خَلَقْتَنِى مِن نَّارٍ‌ۢ وَخَلَقْتَهُۥ مِن طِينٍ ﴿٧٦﴾۔۔سورۃ ص

ترجمہ: اس نے جواب دیا کہ میں اس سے بہتر ہوں، تو نے مجھے آگ سے بنایا، اور اسے مٹی سے بنایا ہے

پس وہ پھر اس تکبر کی وجہ سے ایسا ذلیل ہوا کہ:
قَالَ فَٱخْرُ‌جْ مِنْهَا فَإِنَّكَ رَ‌جِيمٌ ﴿٧٧﴾ وَإِنَّ عَلَيْكَ لَعْنَتِىٓ إِلَىٰ يَوْمِ ٱلدِّينِ ﴿٧٨﴾۔۔سورۃ ص

ترجمہ: ارشاد ہوا کہ تو یہاں سے نکل جا تو مردود ہوا (77) اور تجھ پر قیامت کے دن تک میری لعنت وپھٹکار ہے (78)

اللہ ہمیں سمجھنے کی توفیق عطا فرمائے آمین

 

[محمد عامر یونس]

جزاك الله خيرا

 

[Dua]

جزاک اللہ خیرا

 

[اخت ولید]

السلام علیکم ورحمۃ اللہ وبرکاتہ
جزاک اللہ خیرا۔ ۔ ۔

ہم تو اس حد تک بے حس ہو چکے ہیں موبائل کھو جائے دکھ ہے۔میچ ہارا جائیں دکھ ہے۔۔۔۔ لیکن نماز چھوٹ جائے دکھ ہی نہیں

 

[اخلاق احمد سراجی]

شیطان کا اللہ کے حضور سجدے سے انکار صرف تکبر کی بنا پہ تھا اور اللہ تعالی تکبر کو پسند نہیں کرتا اور شیطان کا یہ عمل اسے شرک تک لے جاتا ہے اسنے کافرانہ عمل کیا ہے
ہمارے اندر حقیقت میں بہت کمیاں اور کوتاہیں پائی جاتی ہیں اس سے کسی کو انکار نہیں ہے اللہ سے دعا ہے کہ مولی تو ہمیں دین اسلام کا سچا شیدائی بنا اور نیک اعمال کی توفیق عطا فرما آمیں

 

[محمد عامر یونس]

 

[محمد عامر یونس]

 

[محمد عامر یونس]

 

[ماریہ انعام]

شیطان کو سزا تکبّر کی وجہ سے ملی ۔تکبّر کے بارے میں ارشاد ہوتا ہے
ان الذین کفروا بایتنا وستکبروا عنھا لا تفتح لھم ابواب السماء ولا یدخلون الجنۃ حتی یلج الجمل فی سم الخیاط
بے شک وہ لوگ جنھوں نے کفر کیا اور اللہ کی آیات کے ساتھ تکبّر کیا ان کے لیے آسمان کے دروازے نہیں کھولے جائیں گے اور نہ ہی وہ جنّت میں داخل ہوں گے یہاں تک کہ اونٹ سوئی کے ناکے میں داخل ہو جا ئے (الاعراف)
اللھم لا تجعلنا منھم