![محدث فورم [Mohaddis Forum]](/styles/default/xenforo/Forum.jpg)
یکا یک حالات خراب ہوجائیں ہڑتالیں ہو جائیں میں ان بگڑتے حالات سے خوف زدہ ہو جاتی ہوں نیز فیملی سے کوئی بیمار ہوجائے تو بھی بہت زیادہ پریشان ہو جاتی ہوں ۔ اور پریشان کن خوابوں سے بھی خوف ذدہ ہوجاتی ہوں ۔گھر والے گھر سے باہر ہوں اور آنے میں لیٹ ہو جائیں تو بھی سانسیں اوپر نیچے ہو جاتی ہیں کیونکہ حالات ہی کچھ ایسے ہیں میرے شہر کے۔
ایک ایسا ادارہ قائم کرنے کی خواہش ہے جہاں میں اسلامی اقدار کی پاسبان ہونے کے ناطے جہالت کی تاریکیوں کے خاتمے اور دینی تعلیم کے سورج کی روشنی سے اپنے شہر کے ماحول کو جگمگا دوں ،جہاں دینی تعلیم محض کتابی علم تک محدود نہ ہو بلکہ تعلیم کے ساتھ ساتھ تشکیل سیرت و کردار جیسے اہم ترین ہدف بھی پیش نظر ہو، جہاں تربیت کا مرکزی نکتہ صرف تعلق باللہ ہو جہاں میں تعلیم حاصل کرنے والی ہر طالبہ کو اندر باہر سے سنوار کر اسے اللہ سے جوڑ دوں اوروہ حکمت ،معاملہ فہمی ،تدبر اور راحت ،ایثار و محبت کا مجموعہ بن کر مدرسہ سے فارغ ہو،
سب سے پہلے تو ظاہری شخصیت پہ ہی نظر جاتی ہے پھر اس کے لباس کی سادگی اور پھر اس کی گفتگو سے اس کی شخصیت کا انداذہ لگاتی ہوں اور گفتگو سے اس کی شخصیت کا کافی حد تک انداذہ ہو جاتا ہے کہ وہ کتنا دین دار ہے اور کتنا دنیا دار ۔ اگر دین دار ہے تو دوستی پکی ہو جاتی ہے ۔
بہت زیادہ سوچتی ہوں ہر ہر پہلو سے سوچتی ہوں کیونکہ بدلتے حالات میں دنیا کا اصل چہرہ تو روپوش ہی ہو گیا ہے اور ایک بھیانک منظر، لادین تہذیب ہے قسم قسم کے نظریات ہیں اور ان میں نمایاں رب کائنات سے سر کشی ہے ،مادہ پرستی و ہوس زر ہے اور اس کے نتیجے میں انسان کا انسان پہ ظلم ہے اپنوں اور غیروں کی ناانصافیاں ہیں عصبیت و نفرتیں ہیں ،خون و لاشیں ہیں جلتے ہوئے مکانات تباہ حال گلی کوچے ہیں ،بے سکون و اداس دل و چہرے ہیں اور ہماری بے حسی ہے کہ ہم چلتے چلتے بھی یہ نہیں پوچھتے کہ یہ کس کا لہو ہے؟؟؟
محدث فورم پہ مجھے بہہہہہت سی مشکلات کا سامنا کرنا پڑا تھا کیونکہ مجھے نیٹ کا تجربہ نہیں تھا ،سب سے پہلے تو رجسٹر ہونے میں مسئلہ ہوا پھر ایدیٹر کو یوز کرنا نہیں اتا تھا اور بار بار محدث فورم کی معلومات کا مطالعہ کرتی جو چیز سمجھ نہیں آتی کلیم بھائی سے پوچھتی کبھی شوہر سے پوچھتی ۔ بحر حال کام جاری رہا اور تجربات بھی خوشگوار رہے۔
ایسے ارکان تو بہت سارے ہیں جن کی تحاریر سے میں متاثر ہوتی ہوں انس بھائی ، شیخ کفایت اللہ ۔ابوالحسن علوی،یوسف ثانی بھائی کلیم حیدر بھائی ،محمد نعیم یونس ، اور استاد محترم عبدہ بھائی کی پوسٹ سے کافی مستفید ہوتی ہوں ۔
گھر کا ماحول تو دینی تھا میں بھی نماز روزے کی پابند تھی مگر لاڈ پیار کی وجہ سے مجھے کوئی روک ٹوک نہ تھی کالج کے فنکشن میں بھی حصہ لیتی حد تو یہ ہے ایک دفعہ ایک فیشنی میگزین میں بھی ماڈل کے طور پہ تصویریں بنوالیں اس طرح ونٹر کمنگ پارٹی میں بھی ایک سویٹر کے اشتہار کی تصویر بنوالی مگر اللہ تعالٰی مجھ سے بہت محبت کرتے ہیں اللہ نے مجھ سے بھلائی کا ارادہ کیا لہذا اسلامی جمیعت کی طا لبات سے ملاقات نے سوچ و فکر کے زاوئیے ہی بدل ڈالے مقصد زندگی کی پہچان ہوئی اور اپنے علاقے میں ایک داعی کی حیثیت سے کام کا آغاز کیا سوچتی ہوں اللہ بڑا غفور الرحیم ہے کس طرح اس نے مجھے بھٹکنے سے بچایا بالکل صحیح وقت پر ایسے اسباب پیدا فرمادیئے کہ میں آج اس کا جتنا بھی شکر کروں کم ہے ۔
میں نے ایک جگہ پڑھا تھا کہ اسلام کی بلند ترین حقیقتوں کو وہی پاسکتا ہے جو دنیا اور دنیاکی چیزوں سے اپنے آپ کو اوپر اٹھا چکا ہو ،آخرت کا احساس دنیا کی لذتوں و آسائشوں کو غیر اہم بنا دیتا ہے جب زہن اللہ کی یاد میں مصروف ہو تو دنیا کی باتیں یاد نہیں آتیں جب آخرت کی فکر چھا جائے تو دنیا کے غم غم نہیں رہتے اس لئے اللہ والے لوگ آخرت سے اور نافرماں لوگ دنیا سے محبت کرتےہیں۔
اگر ہم چاہتے ہیں کہ مطمئن زندگی گزاریں اور ہماری اولاد فرماں بردار ہو دین اسلام کی ترقی و بلندی ہو اور