محدث بک

[خضر حیات]

رمضان کے لیل و نہار
دن : بھوک پیاس نفس میں عاجزی پیدا کرتی ہے ۔
رات : رات کو جاگ کر قیام کرنا نفس کی سرکشی کو کچلتا ہے ۔

 

[خضر حیات]

’علم‘ اور ’حقیقی علماء‘ دور سے نظر آنے والے ’ افق ‘ کی طرح ہیں ۔
جیسے جیسے انسان ان کے نزدیک ہوتا ہے ، ان کی عظمت اور مقام ویسے ویسے ہی نمایاں ہوتا جاتا ہے ۔
دور سے دیکھنے والا ان کی حقیقی قدر و قیمت کا اندازہ لگانے میں عموما غلطی کرجاتا ہے ۔

 

[خضر حیات]

کچھ چیزیں دور سے چھوٹی نظر آتی ہیں ، اور کچھ کا چھوٹا پن نزدیک آکر ظاہر ہوتا ہے ۔

 

[محمد نعیم یونس]

السلام علیکم ورحمۃ اللہ وبرکاتہ!
آج سارا دن بجلی آنکھ مچولی کھیلتی رہی..اور ہم سوائے بیگم کی بنائی ہوئی سحری و افطاری سے لطف اندوز ہونے کے اور کچھ نہ کر سکے..خیر کل کے گھریلو کام جو انجام پائے اُن کی تفصیل پیش خدمت ہے:
پانی والے پائپ کے دونوں سروں کو واشنگ مشین اور نلکے کے مطابق کیا تا کہ بیگم آسانی سے کپڑے دھو سکے..
کچن میں ایک نیا تین منزلہ لوہے کا ریک لگایا تا کہ بیگم کو برتن رکھنے میں آسانی ہو..
پانی والی موٹر کی ساکٹ کے اندر اسپارکنگ ہونے کی وجہ سے بیگم خوفزدہ رہتی تھی، اُسے تبدیل کیا تا کہ بیگم کو کچھ سکون میسر ہو..
ابتسامہ!

 

[محمد نعیم یونس]

السلام علیکم ورحمۃ اللہ وبرکاتہ!

آج محترم خطیب صاحب نے بہت ہی پرجوش خطبہ دیا...اللہ تعالی قبول کرے..اور ہمیں صحیح بات پر عمل کی توفیق دے...آمین
محترم خطیب صاحب نے دنیا کی عارضی آسائشوں، خوشیوں اور کامیابیوں کا تقابل اُخروی نعمتوں سے کیا...
لیکن ایک جگہ اپنے جوش خطابت میں یہ کہہ دیا کہ یہ دنیاوی کامیابیاں فنا فی اللہ ہونے والی ہیں...ابتسامہ!

 

[عمر اثری]

کچھ منچلے نہا دھو کر سوٹڈ بوٹڈ ہو کر گٹر میں چھلانگ لگا دیتے ہیں محض تیراکی کا چسکا پورا کرنے کے لیے....
کیا خیال ہے؟ کیسے عقلمند ہیں وہ لوگ ....

ایسے ہی کچھ لوگ رمضان میں گناہ بخشوا کر روحانی طور پر صاف ستھرے ہو کر پھر بد اعمالیوں کے گٹر میں جا کودتے ہیں.... محض چند لمحوں کے چسکے کی خاطر...
کیا خیال ہے؟ کیسے دانشمند ہیں یہ لوگ ...
شیخ @رفیق طاھر حفظہ اللہ

 

[محمد نعیم یونس]

بیوی کے طعنے سُننے والے ہر دم تیار مجاہدو!!
آپ سب کو میرا سلام:
السلام علیکم ورحمۃ اللہ وبرکاتہ!

حالات کتنے ہی نازک ہوجائیں۔
محاذ پر ڈٹے رہو!!
حملے میں پہل نہیں کرنی!!
بس دائیں بائیں ہو کر ہر حملے کو ناکام کرنا ہے!!
دشمن خود ہی تھک ہار کر پسپا ہوجائے گا۔
اورجو مجاہد دائیں بائیں ہونے کی استطاعت نہ رکھتے ہوں، وہ آئیں بائیں شائیں بھی کرسکتے ہیں۔۔ ابتسامہ!

 

[خضر حیات]

ہوشیار باش
خدشہ یہ ہے کہ کچھ شر پسند عناصر نسوانی ناموں سے فورم پر بڑے محتاط انداز میں فعال ہوچکے ہیں ۔

 

[محمد نعیم یونس]

والدین نے نجانے کتنی التجاؤں سے اولاد نرینہ مانگی ہو گی لیکن سوشل میڈیا پر کچھ نیا کرنے کے جنون میں بعض حضرات برقعہ پہننے میں کوئی عار محسوس نہیں کرتے...ابتسامہ!

 

[اسحاق سلفی]

محترم خطیب صاحب نے دنیا کی عارضی آسائشوں، خوشیوں اور کامیابیوں کا تقابل اُخروی نعمتوں سے کیا...
لیکن ایک جگہ اپنے جوش خطابت میں یہ کہہ دیا کہ یہ دنیاوی کامیابیاں فنا فی اللہ ہونے والی ہیں...ابتسامہ!

ہمارے علاقے میں سادہ لوح خواتین و حضرات کسی چیز کے مٹ جانے اور تباہ و برباد ہونے پر یہی جملہ بولتے ہیں ، بالخصوص خواتین ۔
مثلاً : فلاں چیز فنا فی اللہ ہو گئی ،یعنی ختم ہوگئی ، برباد ہوگئی ،
جبکہ اصل میں یہ ایک صوفیانہ اصطلاح ہے، جس کا مطلب صوفی حضرات حسب منشا کرتے رہتے ہیں ،