مختصر صحیح مسلم - (اردو ترجمہ) یونیکوڈ

[Aamir]

باب : فجر کی دو رکعتیں (سنتِ فجر کا بیان)۔
358: اُمّ المؤمنین حفصہ رضی اللہ عنہا کہتی ہیں کہ رسول اللہﷺ جب فجر نکل آتی تو ہلکی ہلکی دو رکعتوں (یعنی سنت فجر) کے علاوہ کچھ نہ پڑھتے تھے۔

 

[Aamir]

باب : فجر کی سنتوں کی فضیلت۔
359: اُمّ المؤمنین عائشہ صدیقہ رضی اللہ عنہا نبیﷺ سے روایت کرتی ہیں کہ آپﷺ نے فرمایا: فجر کی دو رکعتیں دنیا اور جو کچھ (اس) دنیا میں ہے (ان سب سے ) بہتر ہیں۔

 

[Aamir]

باب : فجر کی سنتوں میں قرأت کی مقدار۔
360: سیدنا ابو ہریرہؓ سے روایت ہے کہ رسول اللہﷺ نے صبح کی سنتوں میں قل یا ایُّہا الکافِرون اور قل ہو الله احد پڑھی۔

 

[Aamir]

باب : فجر کی سنتوں کے بعد لیٹنا۔
361: اُمّ المؤمنین عائشہ صدیقہ رضی اللہ عنہا کہتی ہیں کہ جب نبیﷺ فجر کی سنت پڑھ چکتے تو میں اگر جاگتی ہوتی تو مجھ سے باتیں کرتے ورنہ لیٹ جاتے۔

 

[Aamir]

باب : نمازِ فجر کے بعد اپنی جگہ پر بیٹھے رہنا۔
362: سماک بن حرب کہتے ہیں کہ میں نے سیدنا جابر بن سمرہؓ سے کہا کہ کیا تم رسول اللہﷺ کے پاس بیٹھتے تھے ؟ انہوں نے کہا کہ ہاں بہت۔ پھر کہا کہ آپﷺ کی عادت مبارکہ تھی کہ اپنی نماز کی جگہ بیٹھے رہتے ، صبح کے بعد جب تک کہ آفتاب نہ نکلتا۔ پھر جب سورج نکلتا تو اٹھ کھڑے ہوتے۔ اور لوگ دورِ جاہلیت کا ذکر کیا کرتے تھے اور ہنستے تھے اور آپﷺ مسکراتے رہتے تھے۔

 

[Aamir]

باب : چا شت کی نماز کا بیان۔
363: اُمّ المؤمنین عائشہ صدیقہ رضی اللہ عنہا کہتی ہیں کہ میں نے رسول اللہﷺ کو کبھی چاشت کی نماز پڑھتے نہیں دیکھا۔ اور میں پڑھا کرتی ہوں۔ اور رسول اللہﷺ بعض کام پسند کرتے تھے مگر اس خوف سے نہ کرتے تھے کہ اگر لوگ کرنے لگیں گے تو کہیں فرض نہ ہو جائے۔

 

[Aamir]

باب : نمازِ چاشت دو رکعتیں۔
364: سیدنا ابو ذرؓ نبیﷺ سے روایت کرتے ہیں کہ آپﷺ نے فرمایا: جب آدمی پر صبح ہوتی ہے تو اس کے ہر جوڑ پر ایک صدقہ واجب ہوتا ہے۔ پھر ایک مرتبہ سبحان اللہ کہنا صدقہ ہے ، ایک مرتبہ الحمد للہ کہنا صدقہ ہے اور ایک مرتبہ "لا الٰہ الا اللہ" پڑھنا صدقہ ہے اور ایک مرتبہ "اللہ اکبر" کہنا صدقہ ہے اور اچھی بات کا حکم کرنا صدقہ ہے اور بُری بات سے روکنا صدقہ ہے اور چاشت کی دو رکعت نماز پڑھ لینا ان تمام امور سے کفایت کر جاتا ہے۔

 

[Aamir]

باب : نمازِ چاشت دو رکعتیں۔
364: سیدنا ابو ذرؓ نبیﷺ سے روایت کرتے ہیں کہ آپﷺ نے فرمایا: جب آدمی پر صبح ہوتی ہے تو اس کے ہر جوڑ پر ایک صدقہ واجب ہوتا ہے۔ پھر ایک مرتبہ سبحان اللہ کہنا صدقہ ہے ، ایک مرتبہ الحمد للہ کہنا صدقہ ہے اور ایک مرتبہ "لا الٰہ الا اللہ" پڑھنا صدقہ ہے اور ایک مرتبہ "اللہ اکبر" کہنا صدقہ ہے اور اچھی بات کا حکم کرنا صدقہ ہے اور بُری بات سے روکنا صدقہ ہے اور چاشت کی دو رکعت نماز پڑھ لینا ان تمام امور سے کفایت کر جاتا ہے۔

 

[Aamir]

باب : چاشت کی چار رکعتیں۔
365: اُمّ المؤمنین عائشہ صدیقہ رضی اللہ عنہا کہتی ہیں کہ رسول اللہﷺ چاشت کی نماز کی چار رکعتیں پڑھا کرتے تھے اور جو اللہ چاہتا زیادہ بھی کر لیا کرتے تھے۔

 

[Aamir]

باب : چاشت کی آٹھ رکعتیں۔
366: عبد اللہ بن حارث بن نوفل کہتے ہیں کہ میں آرزو رکھتا اور پوچھتا پھرتا تھا کہ کوئی مجھے بتائے کہ رسول اللہﷺ نے چاشت کی نماز پڑھی ہے تو میں نے کسی کو نہ پایا جو کہ مجھ سے یہ بیان کر ے سوائے ام ہانی رضی اللہ عنہا کے۔ اُمّ ہانی رضی اللہ عنہا جو ابو طالب کی بیٹی ہیں انہوں نے خبر دی کہ فتح مکہ کے دن رسول اللہﷺ دن چڑھے آئے۔ کپڑے کا ایک پردہ آپﷺ کے لئے ڈال دیا گیا تو آپﷺ نے غسل فرمایا۔ پھر کھڑے ہو کر آٹھ رکعت نماز پڑھی۔ میں نہیں جانتی تھی کہ آپﷺ کا قیام لمبا تھا یا رکوع یا سجدہ، (تقریباً)سب برابر برابر تھے۔ اور میں نے اس سے پہلے اور بعد آپﷺ کو چاشت پڑھتے نہیں دیکھا۔