میرے پسندیدہ اشعار

[عبدالقیوم]

مولانا عبدالرحمٰن عاجز مالیرکوٹلوی​

بشر خوش بخت ہےوہ کامراں ہے!​

حسین دنیاہے قلب ناتواں ہے
الہی کتنا مشکل امتحاں ہے
کسے آواز دوں راہ فنا میں
کوئی ہمدم نہ کوئی رازداں ہے
خطاؤں پر عطا ؤں کی نوازش
مرا اللہ کتنا مہرباں ہے
جومستغرق ہیں فکر آخرت میں
گناہوں کی انہیں فرصت کہاں ہے
گیا بچین ہوئی رخصت جوانی
اب اس کےبعد کیا ؟عیاں ہے
ہے بالوں سےہویدا صبح پیری
مگر تیر ہوس اب بھی جواں ہے
چڑھا اورڈھل گیا سورج مگر تو
ابھی تک کشتہ خواب گراں ہے
خداا کی یاد سے غافل جوگذرا
وہ لمحہ لمحہ تیرا رائگاں ہے
ہے جس پاس زاد راہ اعقبیٰ
بشر خوش بخت ہےوہ کامراں ہے
بہاروں سے نہ ہو مانوس عاجز
بہاروں کے پس پردہ خزاں ہے​

 

[فہد ظفر]

دل کا شیشہ تو صاف کر خدا کے آنے کے لئے
دھیان غیروں کا بھی ہٹا دے اسے بٹھانے کے لئے

 

[مشکٰوۃ]

ہر شخص مجھے صورت اخبار سمجھ کر
صفحات سے مطلب کی خبر کاٹ رہا ہے
(منقول)​

 

[عبدالقیوم]

مجھےقتل کرو یا کھینچو ں تختہ دار پہ
میں نےجرم کیا کہ میں سچ بولتا ہوں

 

[عبدالقیوم]

راہ سنت پر چلا تو اے سالک بے دھڑک
جنت الفردوس کوجاتی ہےسیدھی یہ سڑک​

 

[عبدالقیوم]

خالی مکاں میں ظلمت شب سےوہ ڈر گئے
اہل وفا واہل محبت کدھر گئے
بے لوث الفتوں کےزمانےگذرگئے
اس راہ پہ ہےمنزل مقصود کانشاں
جس راہ سےہمارےسبھی راہبر گذر گئے
غم تھانہ کوئی فکر تھاتیرے حضور میں
وہ مدتیں گذرگئیں شام وسحر گئے
ٹھہرے نہ تھے کہیں جوتعیش کی راہ میں
دوگام رہ حق میں چلے تھے ٹھہر گئے
پیدا جو ہوگیا مرےگابھی ضرور
وہ خوش نصیب ہیں رہ حق میں جومرگئے
روشن ہےنام انہی کاگلستان دہر میں
جوگلستان دہر میں کچھ کام کرگئے
محفوظ ہوگئے وہ ہمیشہ کے واسطے
جو بول آپ کے مرے دل میں اترگئے
جن کی نشاط وعیش میں عمریں گذرگئیں
دنیا سےجب گئے تو وہ باچشم ترگئے
تاریکی لحد کا جو اڑاتے تھے مذاق
خالی مکاں ظلمت شب وہ ڈر گئے
عاجزہوئی ہے فکر اجل جب سے جاگزیں
بگڑے ہوئے جوکاتھے سارے سنور گئے​

 

[T.K.H]

تمدن، تصوف، شریعت ،کلام
بتانِ عجم کے پجاری تمام
یہ اُمت روایات میں کھو گئی
حقیقت خرافات میں کھو گئی
بجھی عشق کی آگ اندھیر ہے
مسلماں نہیں راکھ کا ڈھیر ہے

​

 

[عبدالقیوم]

میر کیا سادہ ہیں کہ بیمار ہوئے جس کے سبب​

اسی عطار کے لونڈے سے دوا لیتے ہیں

 

[عبدالقیوم]

نہیں یہ وہ شجر جس نے کہ پانی سے غذا پائی
صحابہ نے پلایا خون ، تب اس نے پرورش پائی
ائمہ دیں بنے مالی تو پھر اس پر بہار آئی
ہوئے ہم ناخلف ایسے کہ اس کی شکل مرجھائی​

 

[فلک شیر]

پانی.... تیری روانی کے قربان
کہہ تو! پاؤں کی ریت ہو جاؤں
فلک شیر​