الرحیق المختوم ولادت باسعادت اور حیاتِ طیبہ کے چالیس سال

[محمد نعیم یونس]

طرف پلٹ جاتے۔ چنانچہ آپﷺ نے شراب کو کبھی منہ نہ لگایا ، آستانوں کا ذبیحہ نہ کھایا اور بتوں کے لیے منائے جانے والے تہوار اور میلوں ٹھیلوں میں کبھی شرکت نہ کی۔
آپ کو شروع ہی سے ان باطل معبودوں سے اتنی نفرت تھی کہ ان سے بڑھ کر آپ کی نظر میں کوئی چیز مبغوض نہ تھی حتیٰ کی لات وعزیٰ کی قسم سننا بھی آپ کو گوارا نہ تھا۔ 1
اس میں شبہ نہیں کہ تقدیر نے آپ پر حفاظت کا سایہ ڈال رکھا تھا۔ چنانچہ جب بعض دنیاوی تمتعات کے حصول کے لیے نفس کے جذبات متحرک ہوئے یا بعض ناپسندیدہ رسم ورواج کی پیروی پر طبیعت آمادہ ہوئی تو عنایتِ ربانی دخیل ہوکر رکاوٹ بن گئی۔ ابن اثیر کی ایک روایت ہے کہ رسول اللہﷺ نے فرمایا: اہل جاہلیت جو کام کرتے تھے مجھے دو دفعہ کے علاوہ کبھی ان کا خیال نہیں گزرا لیکن ان دونوں میں سے بھی ہر دفعہ اللہ تعالیٰ نے میرے اور اس کام کے درمیان رکاوٹ ڈال دی۔ اس کے بعد پھر کبھی مجھے اس کا خیال نہ گزرا یہاں تک کہ اللہ نے مجھے اپنی پیغمبری سے مشرّف فرمادیا۔ ہوا یہ کہ جو لڑکا بالائی مکہ میں میرے ساتھ بکریاں چرایا کر تا تھا، اس سے ایک رات میں نے کہا کیوں نہ تم میری بکریاں دیکھو اور میں مکہ جاکر دوسرے جوانوں کی طرح وہاں کی شبانہ قصہ گوئی کی محفل میں شرکت کرلوں۔ اس نے کہا: ٹھیک ہے۔ اس کے بعد میں نکلا اور ابھی مکہ کے پہلے ہی گھر کے پاس پہنچا تھا کہ باجے کی آواز سنائی پڑی۔ میں نے دریافت کیا کہ کیا ہے، لوگوں نے بتایا فلاں کی فلاں سے شادی ہے ، میں سننے بیٹھ گیا اور اللہ نے میرا کان بند کر دیا اور میں سو گیا، پھر سورج کی تمازت ہی سے میری آنکھ کھلی اور میں اپنے ساتھی کے پاس واپس چلا گیا۔ اس کے پوچھنے پر میں نے تفصیلات بتائیں۔ اس کے بعد ایک رات پھر میں نے یہی بات کہی اور مکہ پہنچا تو پھر اسی رات کی طرح کا واقعہ پیش آیا اور اس کے بعد پھر کبھی غلط ارادہ نہ ہوا۔ 2
صحیح بخاری میں حضرت جابر بن عبد اللہ سے مروی ہے کہ جب کعبہ تعمیر کیا گیا تو نبیﷺ اور حضرت عباسؓ پتھر ڈھورہے تھے۔ حضرت عباس ؓ نے نبیﷺ سے کہا: اپنا تہبند اپنے کندھے پر رکھ لو، پتھر سے حفاظت رہے گی لیکن آپ زمین پر جاگرے، نگاہیں آسمان کی طرف اُٹھ گئیں۔ افاقہ ہوتے ہی آواز لگائی میرا تہبند ، میرا تہبند۔ اورآپ کا تہبند آپ کو باندھ دیا گیا۔ ایک روایت کے الفاظ یہ ہیں کہ اس کے بعد آپ کی شرمگاہ کبھی نہیں دیکھی گئی۔ 3
ـــــــــــــــــــــــــــــــــــــــــــــــ
1 دیکھئے: ابن ہشام ۱/۱۲۸، تاریخ طبری ۲/۱۶۱، تہذیب تاریخ دمشق ۱/۳۷۳، ۳۷۶
2 اس حدیث کو طبری ۲/۲۷۹ وغیرہ نے روایت کیا ہے اور حاکم وذہبی نے صحیح کہا ہے لیکن ابن کثیر نے البدایہ والنہایہ ۲/۲۸۷ میں اس کی تضعیف کی ہے۔
3 صحیح بخاری باب بنیان الکعبہ ۱/۵۴۰، فتح الباری ۳/۵۱۳، ۵۱۷، ۷/۱۸۰ ، مسند احمد ۳/۲۹۵، ۳۱۰، ۳۳۳، ۳۸۰۔

 

[محمد نعیم یونس]

نبیﷺ اپنی قوم میں شیریں کردار ، فاضلانہ اخلاق اور کریمانہ عادات کے لحاظ سے ممتاز تھے۔ چنانچہ آپ سب سے زیادہ بامروت ، سب سے خوش اخلاق ، سب سے معزز ہمسایہ ، سب سے بڑھ کر دُور اندیش ، سب سے زیادہ راست گو، سب سے نرم پہلو ،سب سے زیادہ پاک نفس ، خیر میں سب سے زیادہ کریم ، سب سے نیک عمل، سب سے بڑھ کر پابندِ عہد اور سب سے بڑے امانت دار تھے۔ حتیٰ کہ آپ کی قوم نے آپ کا نام ہی ''امین '' رکھ دیا تھا۔ کیونکہ آپ احوالِ صالحہ اور خصالِ حمیدہ کا پیکر تھے اور جیسا کہ حضرت خدیجہ ؓ کی شہادت ہے۔ ''آپﷺ درماندوں کا بوجھ اٹھاتے تھے۔ تہی دستوں کا بندوبست فرماتے تھے ، مہمان کی میزبانی کرتے تھے اور مصائبِ حق میں اعانت فرماتے تھے۔ '' 1

****​

ـــــــــــــــــــــــــــــــــــــــــــــــ
1 صحیح بخاری ۱/۳۔

الرحیق المختوم

 

[محمداشرف یوسف]

نبیﷺ اپنی قوم میں شیریں کردار ، فاضلانہ اخلاق اور کریمانہ عادات کے لحاظ سے ممتاز تھے۔ چنانچہ آپ سب سے زیادہ بامروت ، سب سے خوش اخلاق ، سب سے معزز ہمسایہ ، سب سے بڑھ کر دُور اندیش ، سب سے زیادہ راست گو، سب سے نرم پہلو ،سب سے زیادہ پاک نفس ، خیر میں سب سے زیادہ کریم ، سب سے نیک عمل، سب سے بڑھ کر پابندِ عہد اور سب سے بڑے امانت دار تھے۔ حتیٰ کہ آپ کی قوم نے آپ کا نام ہی ''امین '' رکھ دیا تھا۔ کیونکہ آپ احوالِ صالحہ اور خصالِ حمیدہ کا پیکر تھے اور جیسا کہ حضرت خدیجہ ؓ کی شہادت ہے۔ ''آپﷺ درماندوں کا بوجھ اٹھاتے تھے۔ تہی دستوں کا بندوبست فرماتے تھے ، مہمان کی میزبانی کرتے تھے اور مصائبِ حق میں اعانت فرماتے تھے۔ '' 1

****​

ـــــــــــــــــــــــــــــــــــــــــــــــ
1 صحیح بخاری ۱/۳۔

الرحیق المختوم

ماشاء الله الرحیق المختوم كا بہیت انتظار تھا اگر چہ اردو مجلس میں یہ سلسلہ شروع ہوا تھا لیکن نامکمل اللہ تعالی جلد از جلد اس سلسہ کو پورا فرمائے آمین ثم آمین

 

[شاکر]

ماشاء الله الرحیق المختوم كا بہیت انتظار تھا اگر چہ اردو مجلس میں یہ سلسلہ شروع ہوا تھا لیکن نامکمل اللہ تعالی جلد از جلد اس سلسہ کو پورا فرمائے آمین ثم آمین

جی اردو مجلس کے بھائیوں نے ماشاءاللہ اس کتاب پر خوب محنت کی ہے۔ اللہ تعالیٰ انہیں اس کا اجر عظیم عطا فرمائیں۔ اللہ نے چاہا تو یہ کتاب جلد ہی مکمل ہو جائے گی، پھر اس کی خوبصورت سی ورڈ فائل بنا کر ان شاءاللہ ہر جگہ شیئر کریں گے۔

 

[محمد ارسلان]

جزاک اللہ خیرا