آرزو کرنے کے بارے میں اور جس نے شہادت کی آرزو کی

[محمد زاہد بن فیض]

حدیث نمبر: 7226
حدثنا سعيد بن عفير،‏‏‏‏ ‏‏‏‏ حدثني الليث،‏‏‏‏ ‏‏‏‏ حدثني عبد الرحمن بن خالد،‏‏‏‏ ‏‏‏‏ عن ابن شهاب،‏‏‏‏ ‏‏‏‏ عن أبي سلمة،‏‏‏‏ ‏‏‏‏ وسعيد بن المسيب،‏‏‏‏ ‏‏‏‏ أن أبا هريرة،‏‏‏‏ ‏‏‏‏ قال سمعت رسول الله صلى الله عليه وسلم يقول ‏"‏ والذي نفسي بيده لولا أن رجالا يكرهون أن يتخلفوا بعدي ولا أجد ما أحملهم ما تخلفت،‏‏‏‏ ‏‏‏‏ لوددت أني أقتل في سبيل الله،‏‏‏‏ ‏‏‏‏ ثم أحيا ثم أقتل،‏‏‏‏ ‏‏‏‏ ثم أحيا ثم أقتل،‏‏‏‏ ‏‏‏‏ ثم أحيا ثم أقتل ‏"‏‏.‏
ہم سے سعید بن عفیر نے بیان کیا ‘ کہا مجھ سے لیث بن سعد نے ‘ کہا مجھ سے عبدالرحمٰن بن خالد نے بیان کیا ‘ ان سے ابن شہاب نے ‘ ان سے ابوسلمہ اور سعید بن مسیب نے اور ان سے ابوہریرہ رضی اللہ عنہ نے کہ میں نے رسول اللہ صلی اللہ علیہ وسلم نے سنا آپ صلی اللہ علیہ وسلم نے فرمایا ‘ اس ذات کی قسم جس کے ہاتھ میں میری جان ہے۔ اگر ان لوگوں کا خیال نہ ہوتا جو میرے ساتھ غزوہ میں شریک نہ ہو سکنے کو برا جانتے ہیں مگر اسباب کی کمی کی وجہ سے وہ شریک نہیں ہو سکتے اور کوئی ایسی چیز میرے پاس نہیں ہے جس پر انہیں سوار کروں تو میں کبھی (غزاوات میں شریک ہونے سے) پیچھے نہ رہتا۔ میری خواہش ہے کہ اللہ کے راستے میں قتل کیا جاؤں پھر زندہ کیا جاؤں ‘ پھر قتل کیا جاؤں ‘ پھر زندہ کیا جاؤں ‘ پھر قتل کیا جاؤں ‘ اور پھر زندہ کیا جاؤں اور پھر مارا جاؤں۔ ​

حدیث نمبر: 7227
حدثنا عبد الله بن يوسف،‏‏‏‏ ‏‏‏‏ أخبرنا مالك،‏‏‏‏ ‏‏‏‏ عن أبي الزناد،‏‏‏‏ ‏‏‏‏ عن الأعرج،‏‏‏‏ ‏‏‏‏ عن أبي هريرة،‏‏‏‏ ‏‏‏‏ أن رسول الله صلى الله عليه وسلم قال ‏"‏ والذي نفسي بيده وددت أني لأقاتل في سبيل الله فأقتل ثم أحيا ثم أقتل،‏‏‏‏ ‏‏‏‏ ثم أحيا،‏‏‏‏ ‏‏‏‏ ثم أقتل،‏‏‏‏ ‏‏‏‏ ثم أحيا،‏‏‏‏ ‏‏‏‏ ثم أقتل،‏‏‏‏ ‏‏‏‏ ثم أحيا ‏"‏‏.‏ فكان أبو هريرة يقولهن ثلاثا أشهد بالله‏.‏
ہم سے عبداللہ بن یوسف نے بیان کیا ‘ کہا ہم کو مالک نے خبر دی ‘ انہیں ابوالزناد نے ‘ انہیں اعرج نے اور انہیں ابوہریرہ رضی اللہ عنہ نے کہ رسول اللہ صلی اللہ علیہ وسلم نے فرمایا ‘ اس ذات کی قسم جس کے ہاتھ میں میری جان ہے۔ میری آرزو ہے کہ میں اللہ کے راستے میں جنگ کروں اور قتل کیا جاؤں پھر زندہ کیا جاؤں ‘ پھر قتل کیا جاؤں ‘ پھر زندہ کیا جاؤں ‘ پھر قتل کیا جاؤں ‘ابوہریرہ رضی اللہ عنہ ان الفاظ کو تین مرتبہ دہراتے تھے کہ میں اللہ کو گواہ کر کے کہتا ہوں۔

کتاب التمنیٰ
صحیح بخاری​