آپ کو معلوم ہے دنیا کی مضبوط ترین کرنسی کونسے ملک کی ہے؟

[کنعان]

آپ کو معلوم ہے دنیا کی مضبوط ترین کرنسی کونسے ملک کی ہے؟
جانئے 10 سب سے تگڑی کرنسیوں کے بارے میں​

روزنامہ پاکستان، 28 جنوری 2016

نیویارک (مانیٹرنگ ڈیسک) اس وقت روئے زمین پر 196 ممالک موجود ہیں اور ان میں سے بیش تر کی اپنی کرنسی ہے۔ کسی بھی ملک کی کرنسی کی عالمی مارکیٹ میں قوتِ خرید اس کی قدر کا تعین کرتی ہے۔ ذیل میں ہم آپ کو دنیا کی 12 مضبوط ترین کرنسیوں کے بارے میں بتانے جا رہے ہیں۔ مختلف ممالک کی کرنسیوں کی قدر کی یہ فہرست جنوری 2016ء میں ترتیب دی گئی ہے۔

کویتی دینار
کویت دنیا کے امیر ترین ممالک میں سے ایک ہے اور اس کی سرکاری کرنسی کویتی دینار دنیا کی مضبوط ترین کرنسی ہے۔

1 کویتی دینار کے مقابلے میں امریکی ڈالر کی قیمت 3.29 ہے۔
پاکستانی روپے کے حوالے سے دیکھا جائے تو 1 کویتی دینار 345.68 روپے کا آتا ہے۔
کویتی کرنسی میں سب سے بڑا نوٹ 20 دینار کا ہے جو 65.69 امریکی ڈالرز کے برابر ہے۔
کویت بہت بڑا ملک نہیں ہے لیکن اس کے تیل کے ذخائر دنیا کے پانچویں بڑے ذخائر ہیں۔
=====

بحرینی دینار
سلطنت بحرین کی سرکاری کرنسی بحرینی دینار کہلاتی ہے اور یہ دنیا کی دوسری مضبوط ترین کرنسی ہے۔

1 بحرینی دینار 2.65 امریکی ڈالرز
اور 278.02 پاکستانی روپوں کے برابر ہے۔
بحرین کی کرنسی کا سب سے بڑا نوٹ بھی 20 دینار کا ہے جو 53.05 امریکی ڈالرز کے برابر ہے۔
اگرچہ تمام عرب ممالک میں تیل و گیس کے ذخائر موجود ہیں اور وہ ان کی برآمدات سے زرمبادلہ کماتے ہیں لیکن یہ امر قابل ذکر ہے کہ بحرین وہ پہلا عرب ملک ہے جس نے اپنی سرزمین تیل و گیس کے ذخائر دریافت کیے تھے۔
=====

عمانی ریال
عمانی ریال سلطنت عمان کی سرکاری کرنسی ہے۔ اسے 1970ء میں سرکاری کرنسی کا درجہ دیا گیا تھا۔ اس سے قبل عمان بھارتی روپے اور سعودی ریال کو بطور کرنسی استعمال کرتا تھا۔

1 عمانی ریال کی قیمت 2.60 ڈالرز
اور 272.78 پاکستانی روپوں کے برابر ہے۔

اور یہ دنیا کی تیسری مضبوط ترین کرنسی ہے۔
عمانی ریال کا سب سے بڑا نوٹ 50 ریال کا ہے جو 129.85 امریکی ڈالرز کے برابر ہے۔
=====

لیٹوین لات (Latvian Lat)
لات (Lat) ری پبلک آف لیٹویا (Republic of Latvia) کی سرکاری کرنسی ہے۔

1 لات کی قیمت 1.61 امریکی ڈالرز
اور 168.91 پاکستانی روپوں کے برابر ہے۔
لات کا سب سے بڑا نوٹ 500 کا ہے جو 805.74 امریکی ڈالرز کے برابر ہے لیکن یہ نوٹ بہت کم استعمال کیا جاتا ہے۔
=====

فاک لینڈ آئس لینڈز پاؤنڈ (Falkland Islands Pound)
فاک لینڈآئس لینڈز بنیادی طور پر راج برطانیہ کے ماتحت ہے مگر اس کی اپنی کرنسی ہے جو 1883ء میں پہلی بار متعارف کروائی گئی تھی۔

ایک فاک لینڈ آئس لینڈز پاؤنڈ کی قدر 1.51 امریکی ڈالرز
اور 158.42 پاکستانی روپوں کے برابر ہے۔

فاک لینڈ کی کرنسی میں سب سے بڑا نوٹ 50 پاؤنڈز کا ہے جو 75.39 امریکی ڈالرز کے برابر ہے۔
=====

برطانوی پاؤنڈ سٹرلنگ
برطانیہ کی سرکاری کرنسی پاؤنڈ سٹرلنگ ہے جو دنیا میں صرف پاؤنڈ کے نام سے جانی جاتی ہے۔
یہاں یہ بات قابل ذکر ہے کہ پاؤنڈ سٹرلنگ برطانیہ کے ساتھ ساتھ جرسی (Jersey)،
دی آئیل آف مین (The Isle of Man)،
گرنزی (Guernsey)،
دی ساؤتھ سینڈوچ آئس لینڈز(The South Sandwich Islands) اور
ساؤتھ جارجیا (South Georgia) کی بھی سرکاری کرنسی ہے۔
برطانوی پاؤنڈ دنیا کی قدیم ترین کرنسی بھی سمجھی جاتی ہے۔

1 پاؤنڈ کی قیمت 1.46 امریکی ڈالرز
اور 153.18 پاکستانی روپوں کے برابر ہے۔
برطانوی پاؤنڈ کا سب سے بڑا نوٹ 50 کا ہے جو 73.14امریکی ڈالرز کے برابر ہے۔
=====

جبرالٹر پاؤنڈ (Gibraltar Pound)
جبرالٹر بھی برطانیہ کی دیار غیر میں ذیلی آبادی ہے جو اپنی ایک کرنسی رکھتی ہے۔ جبرالٹر کی کرنسی 1934ء میں پہلی بار متعارف کروائی گئی تھی۔

1 جبرالٹر پاؤنڈ کی قیمت 1.47 امریکی پاؤنڈ
اور 154.23 پاکستانی روپوں کے برابر ہے۔
جبرالٹر کی کرنسی میں بھی سب سے بڑا نوٹ 50 پاؤنڈز کا ہے جو 73.27 امریکی ڈالرز کے برابر ہے۔
=====

سینٹ ہیلینا پاؤنڈ (St. Helena Pound)
سینٹ ہیلینا پاؤنڈ اٹلانٹک آئس لینڈز آف سینٹ ہیلینا (Atlantic Islands of Saint) کی سرکاری کرنسی ہے۔ یہ ملک بھی برطانوی ذیلی آبادی ہونے کی وجہ سے اس کی کرنسی برطانوی پاؤنڈ سے منسلک ہے۔

1 سینٹ ہیلینا پاؤنڈ کی قیمت 1.47 امریکی ڈالر ز
اور 154.23 پاکستانی روپوں کے برابر ہے۔
سینٹ ہیلینا پاؤنڈ کا سب سے بڑا نوٹ 20 پاؤنڈز کا ہے جو 29.31 امریکی ڈالرز کے برابر ہے۔
=====

اردنی دینار
اردنی دینار سلطنت اردن کی سرکاری کرنسی ہے جس کا

1 دینار 1.41 امریکی ڈالرز
اور 147.93 پاکستانی روپوں کے برابر ہے۔
اردنی دینار میں سب سے بڑا نوٹ 50 دینار کا ہے جو 1999ء میں جاری کیا گیا ہے۔
50 اردنی دینار کا یہ نوٹ 70.61 امریکی ڈالرز کے برابر ہے۔
=====

کیمین آئس لینڈز ڈالر (Cayman Islands Dollar)
کیمین ڈالر دنیا کی آٹھویں مضبوط ترین کرنسی ہے۔

1 کیمین ڈالر 1.22 امریکی ڈالرز
اور 128 پاکستانی روپوں کے برابر ہے۔
کیمین ڈالر میں سب سے بڑا نوٹ 100 ڈالر کا ہے جو 121.95 امریکی ڈالر کے برابر ہے۔
=====

یورپی یونین یورو
یوروزون کی 19 ریاستوں کی مشترکہ سرکاری کرنسی یورو ہے جو دنیا کی 9ویں مضبوط ترین کرنسی ہے۔ دنیا کے کئی اور ممالک بھی یورو کو بطور سرکاری کرنسی اپنانے کی تیاری کر رہے ہیں۔

1 یورو کی قیمت 1.07 امریکی ڈالرز
اور 112.26 پاکستانی روپوں کے برابر ہے۔
اس کرنسی کا سب سے بڑا نوٹ 500 یورو کا ہے جو 536.95 امریکی ڈالرز کے برابر ہے۔
=====

سوئس فرانک
سوئس فرانک سوئس کنفیڈریشن کی سرکاری کرنسی ہے جسے عرف عام میں سوئٹزرلینڈ کہا جاتا ہے۔

1 سوئس فرانک کی قیمت 0.99 امریکی ڈالرز
اور 103.87 پاکستانی روپوں کے برابر ہے۔
سوئس فرانک کا سب سے بڑا نوٹ 1000 کا ہے جو 990.30 ڈالرز کے برابر ہے۔
=====

 

[کنعان]

کیا آپ کو معلوم ہے دنیا کی کمزور ترین کرنسی کونسی ہے؟ جو اب آپ کے اندازے غلط ثابت کر دے گا​

30 جنوری 2016

نیو یارک (مانیٹرنگ ڈیسک) گزشتہ دنوں ہم نے آپ کو دنیا کی مضبوط ترین کرنسیوں کے بارے میں آگاہ کیا تھا۔ آج دنیا کی 10 کمزور ترین کرنسیوں کے بارے میں آپ کو بتانے جا رہے ہیں۔

دنیا میں سب سے کم وقعت والی کرنسی ویت نام کی ہے جو”ڈونگ“ (Dong) کہلاتی ہے۔
1 برطانوی پاﺅنڈ کے بدلے میں 31664 ڈونگ ملتے ہیں۔
یعنی 149.41 پاکستانی روپے 31664 ویت نامی ڈونگ کے برابر ہیں۔

دوسرے نمبر پر دنیا کی کم وقعت ترین کرنسی انڈونیشیاء کا روپیہ ہے
جس کی قدر19486 روپیہ فی پاﺅنڈ ہے۔

تیسرے نمبر پر کولمبیا کی کرنسی پیسو (Peso) آتی ہے
جس کی 1 پاﺅنڈ کے مقابلے میں قدر 4675 پیسو ہے۔

چوتھے نمبر پر تنزانیہ کا شلنگ ہے
جو ایک پاﺅنڈ میں 3119 آتے ہیں۔

شمالی کوریا دفاعی لحاظ سے دنیا بھر کے لیے خطرہ بنا ہوا ہے مگر
اس کی کرنسی وون (Won) کی ایک برطانوی پاﺅنڈ کے مقابلے میں قیمت 1281 وون ہے۔

چلی کی کرنسی پیسو دنیا کی چھٹی کم وقعت کرنسی ہے۔
ایک پاﺅنڈ میں چلی کے 760 پیسو آتے ہیں۔

ساتویں نمبر پر ہنگری کی کرنسی فورنٹ (Forint) آتی ہے
جس کی ایک پاﺅنڈ کے مقابلے میں قیمت 350 فورنٹ ہے۔

اس کے بعد ہمارے پاکستانی روپے کا نمبر آتا ہے
جس کی آج کل ایک پاﺅنڈ کے مقابلے میں قیمت 149.41 روپے ہے۔

ہمارے بعد کینیا کی کرنسی شلنگ دنیا کی کم وقعت ترین کرنسی ہے۔ ایک پاﺅنڈ میں کینیا کے 135شلنگ آتے ہیں۔

10ویں نمبر پر جاپانی ین ہے۔ ایک پاﺅنڈ کے مقابلے میں اس کی وقعت 126 ین ہے۔

 

[محمد طارق عبداللہ]

بنگلہ دیش، نیپال، سری لنکا ؟

 

[رحمانی]

میرے خیال سے مضمون نگار کو یاجہاں سے انہوں نے کاپی پیسٹ کیاہے،ایک مغالطہ ہواہے۔
زیادہ مالیت کی کرنسی ہوناالگ چیز ہے اورزیادہ مضبوط کرنسی ہونادوسری چیز ہے،مضمون نگار نے جاپان کی کرنسی کو کمزور کرنسی قراردیاہے،جومضحکہ خیز بات ہے،جاپان کی کرنسی مضبوط کرنسی ہے یہ اوربات ہے کہ اس کی کرنسی کی مالیت کم ہے، جیسے امریکہ کاڈالر دنیا کی سب سے مضبوط کرنسی ہے لیکن اس کی مالیت ،کویتی دینار سے کم ہے،اس سے یہ کہناہے کہ کویتی دینار امریکی ڈالر سے زیادہ مضبوط ہے، بہت تعجب خیز ہے۔
مراسلہ نگار کو چاہئے تھاکہ وہ مضبوط اورکمزور کے بجائے زیادہ مالیت اورکم مالیت کالفظ استعمال کرتاتاکہ حقیقت سے مطابقت ہوتی۔

 

[کنعان]

السلام علیکم

بنگلہ دیش، نیپال، سری لنکا ؟

196 ممالک سے 10 ممالک کی کرنسی پر لکھا گیا ھے۔ آپ کو مزید کی ضرورت ھے تو گوگل سے چیک کر سکتے ہیں، آپ کی خواہش پر اسے بڑھا دیتے ہیں۔


ایک پاﺅنڈ کے مقابلے میں ہنگری قیمت 350 فورنٹ

ایک پاؤنڈ کے مقابلے میں سری لنکن قیمت 202.43

ایک پاؤنڈ کے مقابلے میں نیپالی قیمت 152.43

ایک پاﺅنڈ کے مقابلے میں پاکستانی قیمت 151.01 روپے

ایک پاﺅنڈ کے مقابلے میں کینیا قیمت 135 شلنگ

ایک پاؤنڈ کے مقابلے میں بنگلہ دیشی قیمت 111.55

والسلام

 

[کنعان]

السلام علیکم

مراسلہ نگار کو چاہئے تھا کہ وہ مضبوط اور کمزور کے بجائے زیادہ مالیت اور کم مالیت کا لفظ استعمال کرتا تاکہ حقیقت سے مطابقت ہوتی۔

جی سر! زیادہ اور کم مالیت کا لفظ استعمال نہیں ہو سکتا تھا، کیوں! مجھ جیسے بھی فورم میں ہیں جو اس پر اعتراض اٹھا سکتے تھے، کیا! اس پر آپکو بتاتے ہیں؟

1 کویت دینار 1000 پیسہ کا ہوتا ھے
1 بحرینی دینار 1000 پیسہ کا ہوتا ھے
1 عمانی ریال 1000 پیسہ کا ہوتا ھے

اس کے علاوہ

1 ڈالر 100 پیسہ کا ہوتا ھے
1 پاؤنڈ 100 پیسہ کا ہوتا ھے
1 یورپی یونین یورو 100 پیسہ کا ہوتا ھے

مزید آسانی کے لئے، سعودی عرب کا 1 ریال 100 پیسہ کا ھے، اگر سعودی عرب میں ایک لیبر کی مثال سے 1000 ریال تنخواہ ھے تو اسی مزدور کی تنخواہ عمان، کویت، بحرین میں 100 دینار ہو گی۔

جنگ کی صورت میں ویسے ہی اس ملک کی کرنسی تباہ ہو جاتی ھے اور کویت کی کرنسی پر کوئی اثر نہیں پڑا اس لئے مضبوط ہی بہتر ھے۔

والسلام

 

[رحمانی]

میراخیال ہے کہ آپ میری بات نہیں سمجھے یا پھر میں آپ کو اپنی بات نہیں سمجھاپایا،
آپ مضبوط کرنسی اور زیادہ مالیت کی کرنسی کےد رمیان فرق کرتے ہیں یانہیں کرتے۔
اگرفرق کرتے ہیں تو وہ فرق کیاہے؟
میراجیساایک عام ساآدمی بھی یہ بات جانتاہے کہ جاپان کی کرنسی کی مالیت کم ہوسکتی ہے لیکن کمزور نہیں ہوسکتی۔چین کی کرنسی کی مالیت کم ہوسکتی ہے لیکن کمزورنہیں ہوسکتی،کرنسی کا کمزور ہونا ملک کی معیشت کیلئے خطرہ ہوتاہے۔

 

[کنعان]

السلام علیکم

یہ کوئی اتنا بڑا مسئلہ نہیں جس پر وقت دیا جائے، اور شارٹ کٹ کے لئے سوال پوچھنا کہ آپ اس کو تسلیم کرتے ہیں کہ نہیں۔ اس سے بہتر ھے آپ مضبوط اور کم و زیادہ پر جو سمجھانا چاہتے ہیں اس پر نوٹ یا خلاصہ بیان کر دیں، پھر میں مزید آپ کو وقت ملنے پر اس پر ایک نوٹ میں اپنی بات سمجھانے کی ایک اور کوشش کرتا ہوں۔

والسلام

 

[رحمانی]

میراکہنایہ ہے کہ امریکہ،جاپان،چین وغیرہ کی کرنسی مضبوط کرنسی ہے،یہ اور بات ہے کہ ان کرنسیوں کی مالیت دیگرکرنسیوں سے کم ہے۔
اس کے بالمقابل دیگرکرنسیاں ہیں جیسے کویت،بحرین،عمان کی کرنسیاں ،یہ زیادہ مالیت کی کرنسیاں ہیں، لیکن امریکہ جاپان چین کی کرنسی سے یہ مقابلہ نہیں کرسکتیں،کیونکہ کرنسی کی مضبوطی میں ایک عنصر جی ڈی پی کا بھی ہوتاہے اورکویت باوجود کم افراد اورپٹروڈالر کے امریکی معیشت کے مقابلہ میں بلکہ جاپان اورچین کی معیشت کے مقابلہ میں بہت کم ہے۔

 

[کنعان]

السلام علیکم

سر جی میں نے آپ سے اس لئے کہا تھا کہ اپنا قول ثابت کرنے کے لئے اس پر نوٹ لکھیں تاکہ میں یہ جان سکوں کہ آپ نے جو اعتراض پیش کیا تھا وہ اردو عنوان پر غلطی تھا یا آپ کو آگے کی بھی کوئی معلومات ھے مگر آپ نے اپی تینوں پوسٹوں میں ایک ہی بات نظر آئی کہ جیپنی ین مضبوط کرنسی ھے کیونکہ اس کی معیشت۔۔۔۔۔! رحمانی بھائی، لفظ معیشت لکھنے سے کرنسی مضبوط نہیں ہوتی، معذرت کے ساتھ علمی طریقہ سے آپ اس پر کوئی خاص معلومات فراہم نہیں کر پائے۔ جاپان کی معیشت پر بھی سن لیں "آئی ایم ایف اور عالمی معیشت 2014 کی رپورٹ پر ایک نظر دہرائیں تو اعداد و شمار کے مطابق دنیا کا سب سے زیادہ قرضہ حاصل کرنے والا ملک جاپان ہے جس کے سرکاری قرضوں کی کل مالیت 126 کھرب ڈالر سے تجاوز کر چکی ہے۔ یوں 12 کروڑ آبادی کے اس ملک کا ہر شہری لگ بھگ ایک لاکھ ڈالر کا مقروض ہے جب کہ جاپان کی قومی شرح نمو کے تقابل میں قرضوں کی شرح 222 فیصد پر پہنچ چکی ہے۔"

مضبوط اور کمزور کی بجائے زیادہ مالیت اور کم مالیت کا لفظ استعمال۔۔۔۔۔۔

بالکل ایسے یہاں میگنم آئس کریم کا ڈبہ بچہ 1£ میں لاتا ھے جس میں 3 سٹکس ہوتی ہیں، اور جب انہیں پاکستان لے کر جائیں تو اسی بچہ کو مثال سے 100 روپے دیں میگنیم آئس کریم کی 1 سٹک کے لئے تو بچہ کہتا ھے اتنے زیادہ پیسے کی 1 سٹک۔ اور ایسے ہی پاکستان سے کوئی بچہ یہاں آئے تو اسے 1£ دیں 3 سٹکس کے لئے تو وہ کہے گا اتنے کم پیسوں کی 3 آئس کریم۔۔۔۔ تو اس بچہ کو بتانا پڑتا کے کہ ایک ملک کی کرنسی مضبوط ھے اور دوسرے ملک کی کرنسی کمزور ہے، اور یہ حقیقت بھی ہے۔ محترم رحمانی آپ کے سادہ سے اعتراض کا یہ سادہ سا اور معقول جواب ھے۔
۔۔۔۔۔۔۔۔۔۔۔

کسی بھی ملک کی کرنسی کی عالمی مارکیٹ میں قوتِ خرید اس کی قدر کا تعین کرتی ہے۔

مضبوط کرنسی پوسٹ میں جو نمبر1 پر ھے وہ سب سے زیارہ مضبوط ھے اسی طرح جیسے نمبر بڑھتے جائیں گے کرنسی ویلیو کم ہوتی جائے گی۔

کمزور کرنسی پوسٹ میں جو نمبر1 پر ھے وہ سب سے زیادہ کمزور ھے، اسی نمبر جیسے نمبر بڑھتے جائیں گے کرنسی ویلیو بڑھتی جائے گی۔

مضبوط اور کمزور کو سمجھنے کے لئے ہم
مضبوط سے نمبر 10، Cayman Islands Dollar اور
کمزور سے نمبر 10، Japanese Yen پر کلام کریں گے۔

گلوبل کرنسی کنٹرول "ڈالر" ھے، جو پوری دنیا کی کرنسیوں کو کنٹرول کرتا ھے اس کا اتار چڑھاؤ دوسرے ممالک کی کرنسی اور معیشت پر اثر انداز ہوتا ھے۔ یہود کے شیطانی دماغ سے ڈالر کو وجود میں آئے سو سال ہو چکے ہیں 2013 میں ڈالر کی سو ویں سالگرہ منائی گئی۔ وقت ملنے پر اس پر بھی معلوماتی دھاگہ پیش کیا جائے گا۔

اگر کسی ملک کی کرنسی ڈالر کے مقابلے میں مہنگی ہو رہی ہو تو یہ پہچان ہوتی ہے معیشت کے مضبوط ہونے کی،

لیکن اگر کسی ملک کی کرنسی ڈالر کے مقابلے میں سستی ہو رہی ہو تو۔۔۔۔۔

والسلام