ابو قتادہ کا برطانوی خالص طاغوتی عدالت سے فیصلہ کروانا

[کنعان]

ابو قتادہ کا برطانوی خالص طاغوتی عدالت سے فیصلہ کروانا​

السلام علیکم

نیچے دو لنکس ہیں میرے ایک ساتھی نے ایک خبر پر اپنا کچھ تبصرہ کیا ھے میں ان کے اس تبصرہ پر جو قانونی حیثیت ھے اس سے آگاہ کروں گا [SUP](خیال رہے خبر فوکس ھے ممبر نہیں۔)[/SUP]

لنک نمبر١:: [SUP]تکفیریوں کے امام ابو قتادہ کا برطانیہ کی خالص طاغوتی عدالت سے فیصلوں کے لئے رجوع کا کارنامہ۔۔ [/SUP]

لنک نمبر٢:: [SUP]

ابو قتادہ کا برطانوی خالص طاغوتی عدالت سے فیصلہ کروانا​

برطانوی عدالت نے عالم دین کی ملک بدری روک لی
اردنی نژاد ابو قتادہ کی ضمانت منظور، جیل سے رہائی کا حکم

پیر 27 ذی الحجہ 1433هـ - 12 نومبر 2012م

ابو قتادہ کو ماضی میں یورپ میں القاعدہ کے مقتول لیڈر اسامہ بن لادن کا دست راست قراردیا جاتا رہا تھا

لندن ۔ العربیہ ڈاٹ نیٹ، ایجنسیاں
اردن سے تعلق رکھنے والے ایک سخت گیر عالم دین ابو قتادہ نے اپنی برطانیہ بدری کے خلاف اپیل جیت لی ہے۔ ایک برطانوی عدالت نے ان کی ضمانت منظور کرتے ہوئے انھیں رہا کرنے کا حکم دیا ہے اور قرار دیا ہے کہ انھیں ان کے ملک کے حوالے نہیں کیا جا سکتا۔

برطانیہ کے خصوصی امیگریشن اپیلز کمیشن نے سوموار کو اپنے حکم میں قرار دیا ہے کہ وہ اس بات پر مطمئن نہیں کہ اردن ابو قتادہ کے منصفانہ ٹرائل کی ضمانت دے گا۔ اس نے یورپی عدالت برائے انسانی حقوق کے جنوری کے فیصلے کی توثیق کی ہے جس میں کہا گیا تھا کہ اردن میں تشدد عام ہے اور اس کا ثبوت اس کی عدالتوں میں پیش کیے گئے شواہد سے بھی ملا ہے

عدالت کے جج جان مٹنگ نے عالم دین کی ضمانت بھی منظور کر لی ہے اور ان کو منگل کو جیل سے رہا کرنے کا حکم دیا ہے۔ عدالت نے سرکاری وکیل کا یہ موقف مسترد کر دیا کہ وہ ملک کی سلامتی کے لیے ایک بڑا خطرہ ہو سکتے ہیں۔

برطانیہ کے محکمہ داخلہ نے کہا ہے کہ وہ اس عدالتی فیصلے کے خلاف اپیل دائر کرے گا کیونکہ حکومت عدالت کے اس حکم سے بالکل بھی متفق نہیں ہے''۔ وزیر داخلہ تھریسامے اس معاملے پر دارالعوام میں آج ہی ایک بیان دینے والی تھیں۔[/SUP]

اوپر کی خبر جو میرے ساتھی نے پیش کی ھے وہ جریدہ العربیہ سے ھے اور وہ 12 نومبر 2012م کو شائع ہوئی تھی۔

نیچے جو خبر ھے جو بی بی سی اردو سے ھے جو ٢٧ مارچ ٢٠١٣ کو شائع ہوئی جسے اس فارم میں بھی پیش کیا گیا اس کا لنک نیچے دیا جائے گا جس کا مراسلہ نمبر ٤٠ ھے، اس خبر کا بھی مطالعہ کرتے ہیں۔

ابوقتادہ کو برطانیہ بدر کرنے کی کوشش ناکام​

آخری وقت اشاعت: بدھ 27 مارچ 2013 ,
‭ 17:17 GMT 22:17 PST

برطانوی وزیرِ داخلہ ٹیریسا مے کو ایک شدت پسند مسلمان مبلغ کو ملک بدر کرنے کی طویل جد و جہد کے آخری مرحلے میں شکست کا سامنا کرنا پڑا ہے۔

ابو قتادہ نامی یہ شدت پسند اردن میں دہشت گردی کے الزامات میں مقدمات کا سامنا کر رہے ہیں۔

لندن کی عدالت نے یہ فیصلہ دیا ہے کہ حکومت ان لوگوں کو ملک بدر نہیں کر سکتی جن پر بیان لینے کے لیے تشدد کیے جانے کا خدشہ ہو۔

وزارتِ داخلہ کا کہنا ہے کہ وہ ابو قتادہ کو ملک بدر کرنے کے سلسلے میں پر عزم ہے، اور اس فیصلے کے خلاف اپیل کرے گی۔

وزارتِ داخلہ کے ایک ترجمان نے کہا، ’اس دوران ہم اردن کے ساتھ مل کر ملک بدری کی راہ میں حائل قانونی مسائل کو حل کرنے کی کوشش کریں گے۔‘

جاری ھے اگلے مراسلہ میں قانونی طریقہ سے تبصرہ پیش کیا جائے گا تب تک شکریہ کے ساتھ گزارش ھے کہ درمیان میں کوئی مراسلہ نہ لگایا جائے۔

 

[کنعان]

اپیل پروسیڈنگ

السلام علیکم

کسی بھی ملک کے لوکل باشندہ کا کسی دوسرے ملک میں عارضی یا مستقبل قیام ہو وہ ملک چاہے مسلم ملک ہو یا غیر مسلم ملک، اگر وہ باشندہ اس ملک میں کسی بھی الزام میں گرفتار ہوتا ھے تو اس پر مقدمہ بھی وہاں کے قانون کے مطابق وہاں کی عدالت میں چلتا ھے۔ اس پر الزام لگے باشندہ کے پاس دوسری کوئی چوئس نہیں۔

جن ممالک کے آپس میں خطرناک جرائم پیشہ قیدیوں کے تبادلہ پر معاہدے ہیں اس پر ان ممالک کی وزارتیں قیدیوں کو واپس لینے پر درخواست کر سکتی ہیں۔

١٢ نومبر ٢٠١٢ کی خبر میں ابوقتادہ کی اپیل پر کورٹ نے ابوقتادہ کو آزاد کرنے پر فیصلہ دیا تھا۔

اس کے بعد برطانیہ کی وزیر خارجہ نے کورٹ کے اس فیصلہ پر اپیل کی تھی جس پر عدالت نے ٢٧ مارچ ٢٠١٣ کی خبر میں فیصلہ سنایا کہ ابوقتادہ کو ملک بدر نہیں کیا جا سکتا، اس پر وزیر خارجہ دوبارہ اپیل کرنے پر سوچ رہی ھے۔

اپیل کیا ہوتی ھے؟

کورٹ اپیل کا مطلب یہ نہیں ہوتا کہ ابوقتادہ نے عدالت سے اپنی جان بخشی کی کوئی اپیل کی تھی اور نہ ہی عدالت میں ایسی کوئی اپیل ہوتی ھے۔

سزائے موت پر ایسی اپیل صرف خلفیہ، بادشاہ، صدر کو ہی کی جاتی ھے اور اس وقت جب تمام عدالتوں سے سزا کا فیصلہ برقرار رکھا گیا ہو۔

١: کورٹ چاہے کسی بھی ملک کی ہو، جب کسی ملزم کو ثبوت اور بیانات کی روشنی میں سزا سناتی ھے تو ملزم کو اپیل رائٹس بھی ساتھ دیتی ھے کہ جن الزامات پر ہم نے اسے سزا سنائی ھے اگر ملزم کے پاس ہمارے الزامات پر ٹھوس دلائل ہیں تو وہ ٧ یا ١٤۔۔۔۔ دن کے اندر اپیلئٹ ڈپارٹمنٹس میں اپنی اپیل جمع کروائے۔

٢: بالکل اسی طرح کورٹ جب کسی ملزم کو ثبوت اور بیانات کی روشنی میں الزامات سے بری یا آزاد یا رہائی کا فیصلہ سناتی ھے تو اس پر مخالف چاہے حکومت ہو یا سولین اسے بھی اپیل رائٹس دیتی ھے کہ اسے اگر ہمارے رہائی کے فیصلہ پر دلائل سے اعتراض ھے تو مخالف مزید ثبوت کے ساتھ ٧ یا ١٤ ۔۔۔۔۔۔۔ دن کے اندر اپیلئٹ دپارٹمنٹ میں اپیل جمع کروائے۔

اپیل کرنے کے دنوں کا تعین بھی جیوری کرتی ھے۔

خیال رہے کہ عدالت کے فیصلوں پر عدالت سے اپیل پر اس فیصلہ کے خلاف ثبوت ہونے چاہیں تو ہی وکیل اپیل جمع کرواتا ھے اس کے علاوہ اپیل کی کوئی گراؤنڈ نہیں۔

جب تمام عدالتیں ملزم کی اپیل پر سزا کا فیصلہ برقرار رکھیں تو پھر آخر میں رحم کی اپیل کوئین الزبتھ کو کی جاتی ھے جسے وہ چاہے تو معاف کرے یا وہ بھی برقرار رکھے۔

والسلام

 

[کنعان]

السلام علیکم

میری ان تمام ممبران سے گزارش ھے کہ اسلام میں جہاد جو روس کو توڑنے تک دنیا کی نظر میں بھی جہاد ہی تھا جسے بعد میں دنیا میں تخریب کاری کا نام دے دیا گیا، اس پر فقہ یا مسلک کی بنیاد پر مجاھدین کا مذاق نہ بنائیں کیونکہ اس میں ہر فقہ یا مسلک سے تعلق رکھنے والے شامل ہیں وہ جو کر رہے ہیں یہ ان کا اور اللہ کا معاملہ ھے کہیں ایسا نہ ہو کہ ہم گھروں میں سوئے ہوئے دنیا داری میں مشغول سکون کی زندگی گزار رہے ہیں ہمارا اس میں حصہ بھی نہیں تو ہمیں ایک دوسرے پر ایسے الزامات سے پرہیز کرنا چاہئے ورنہ اللہ کی پکڑ میں آ سکتے ہیں۔

والسلام