اب گاڑی پیٹرول سے نہیں پانی سے چلےگی

[محمد شاہد]

اب گاڑی پیٹرول سے نہیں پانی سے چلےگی


خیر پور سندھ سے تعلق رکھنے والے انجینئر نے گاڑیوں کو مکمل طور پرپانی پر چلانے والی کٹ تیارکرلی ہے اس کٹ سے گاڑی ایک لیٹر پانی میں چالیس کلو میٹر کا سفر کرے گی۔ انجینئر آغا وقار نے اپنے دیگر دو ساتھیوں کے ہمراہ گاڑیوں کو پانی پر چلانے والی کٹ تین سال کی محنت سے تیار کی ہے۔ واٹر کٹ کے زریعے ہائیڈروجن گیس کو آکسیجن سے الگ کر کے بطور
ایندھن استعمال کیا گیا ہے جبکہ انجینئر وقار کے مطابق واٹر کٹ کی کارکردگی پیٹرول اور ڈیزل سے دوگنابہتر ہے ۔ انجیئروقار کا کہنا ہے کہ انھیں واٹر کٹ کی ایجاد پر جہاں حکومت پاکستان کی جانب سے مثبت رد عمل کو توقع ہے تو وہیں عالمی اداروں کی جانب سے بھی ان کی ایجاد میں دلچسپی ظاہر کی جارہی ہےتاہم دوسری جانب
پاکستان کونسل آف ساٹنٹیفک اینڈ انڈسٹریل ریسرچ کی جانب سے بھی انجیئر وقار کی ایجاد کو سراہا گیا ہے اور اس منصوبے میں تکنیکی معاونت کی فراہمی کی یقین دہانی کروائی گئی ہے۔ پانی پر گاڑی چلنے کے دوران انجن سے کاربن کی بجائے آکسیجن خارج ہوتی ہے جس کے باعث اس ایجاد کو ماحول دوست بھی قراردیاجارہا ہے۔


بشکریہ hamariweb

 

[یوسف ثانی]

میں نے اس کی تفصیل میں پڑھا تھا کہ اس انجن میں پانی اور پیٹرول دونوں کا استعمال ہوگا۔ لیکن پیٹرول کا تناسب بہت کم ہوگا ۔ یہ ایک اچھی ایجاد ہے، مگر پاکستانی حکومت کبھی بھی اس کی ”حوصلہ افزائی “ نہیں کرے گی۔ ایک خبر کے مطابق اس انجن کے موجد نے وزیر ریلوے بلور سے ملاقات کرکے کہا کہ میں ریلوے انجن پانی سے چلا سکتا ہوں۔ بلور صاحب نے کہا کہ آپ سیکریٹری ریلوے سے مل لو۔ وہ سیکریٹری ریلوے کے پاس گئے تو انہوں نے کہا کہ ورکشاپ کے انجینئر سے مل لو۔ مطلب صاف کہ اگر ہم نے ایسا کرلیا تو ملک ترقی کی راہ پر گامزن ہوجائے گا۔ پھر ہمارا کیا بنے گا

 

[شاکر]

پانی کو بطور ایندھن استعمال کرنے پر باہر بھی کئی تجربات ہو چکے ہیں۔ لیکن اس کو کمرشل بنیادوں پر استعمال کرنا غالباً اب تک ممکن نہیں ہو پایا ہے۔ سوچنے کی بات یہ ہے کہ پانی میں ہائیڈروجن اور آکسیجن کو الگ کرنے کے لئے بھی تو کوئی ایندھن درکار ہوگا ہی۔

 

[یوسف ثانی]

پانی کو بطور ایندھن استعمال کرنے پر باہر بھی کئی تجربات ہو چکے ہیں۔ لیکن اس کو کمرشل بنیادوں پر استعمال کرنا غالباً اب تک ممکن نہیں ہو پایا ہے۔ سوچنے کی بات یہ ہے کہ پانی میں ہائیڈروجن اور آکسیجن کو الگ کرنے کے لئے بھی تو کوئی ایندھن درکار ہوگا ہی۔

جی ہاں! یہ ایندھن پیٹرول ہے۔ اب تک کی دستیاب معلومات کے مطابق پیٹرول کی قلیل مقدار سے پانی کو ہائیڈروجن اور آکسیجن میں ”توڑا“ جائے گا اور پھر حاصل شدہ ہائیڈروجن گاڑی کو چلانے کے لئے بطور ایندھن استعمال ہوگا۔ گویا ایسی گاڑی میں دو ” فیول ٹینک“ ہوں گے۔ ایک پیٹرول کا اور دوسرا پانی کا۔ پیٹرول صرف پانی کو ہائیڈروجن اور آکسیجن میں تبدیل کرنے کے لئے استعمال ہوگا۔ چونکہ گاڑی کی رننگ کے لئے عملاً پیٹرول بہت کم اور زیادہ پانی درکار ہوگا اسی لئے خبروں میں پیٹرول کا ذکر کم کم ہی ہے۔ اور مشہور یہی ہو رہا ہے کہ گاڑی صرف اور صرف پانی سے چلے گی، جبکہ ایسا نہیں ہے۔