محدث میڈیا
رکن
- شمولیت
- مارچ 02، 2023
- پیغامات
- 850
- ری ایکشن اسکور
- 29
- پوائنٹ
- 69
استخاره عربی زبان کا لفظ ہے جس کا معنی ہے : اللہ تعالی سےخیر اور بھلائی طلب کرنا، یعنی استخارہ میں انسان اللہ تعالی سے دعا کرتا ہے کہ اسے اللہ! میرے لیےخیر کو آسان کر دے، اگر میرے لیےکام کو کرنے میں بھلائی ہے تو اسے آسان کردے، اور اگر نہ کرنا بہتر ہے تو اس کو مجھ سے دور کر دے۔
سیدنا جابر رضی اللہ عنہ بیان کرتے ہیں کہ رسول اللہ صلی اللہ علیہ وسلم ہمیں ہر جائز کام میں استخارہ کرنا اس طرح سکھاتے تھے جیسے قرآن کی سورت سکھایا کرتے تھے۔ (صحیح بخاری: 1162)
سیدنا جابر رضی اللہ عنہ بیان کرتے ہیں کہ رسول اللہ صلی اللہ علیہ وسلم ہمیں ہر جائز کام میں استخارہ کرنا اس طرح سکھاتے تھے جیسے قرآن کی سورت سکھایا کرتے تھے۔ (صحیح بخاری: 1162)
- استخارہ ان کاموں میں نہیں کیا جائے گا جن کو کرنے کا اللہ تعالی نے حکم دیا ہے یا جن کو حرام قرار دیا ہے بلکہ ان کاموں میں کیاجائے گا جنہیں کرنا یا نا کرنا جائز ہے، جیسے: کاروبار شروع کرنے سے پہلے استخارہ کرنا، کوئی چیز بیچنے یا خریدنے سے پہلے استخارہ کرنا، شادی کرنے سے پہلے استخارہ کرنا وغیرہ۔
- استخارہ کرنے کے بعد خواب کا آنا ضروری نہیں ہے، بلکہ انسان وہ کام کرے جس پر اس کا دل مطمئن ہو، خواب کا انتظار نہ کرے، اگر اس کام کوکرنے میں بہتری ہو گی تو اللہ تعالی اس کے لیےآسانی پیدا فرما دے گا،ورنہ اس سے دور کر دے گا۔
- استخارہ دعا ہے، ایک کام کے لیےایک سے زائد بار بھی کیا جا سکتا ہے۔
- استخارہ کرنے کا سنت طریقہ یہ ہے کہ انسان دو رکعت نفل نماز پڑھے، سلام پھیرنے کے بعد مسنون الفاظ کے ساتھ دعا کرے۔