اس روایت کی تحقیق درکار ہے ؟

[امان اللہ اصغر]

کہ سرکارِ اعظم صلی اللہ علیہ وسلم نے ارشاد فرمایا کہ تم کو فتح ملتی ہے اور روزی دی جاتی ہے بزرگوں، فقیروں کے وسیلے سے ۔
(بحوالہ : مشکوٰۃ شریف ، باب الفقراء)

 

[خضر حیات]

کہ سرکارِ اعظم صلی اللہ علیہ وسلم نے ارشاد فرمایا کہ تم کو فتح ملتی ہے اور روزی دی جاتی ہے بزرگوں، فقیروں کے وسیلے سے ۔
(بحوالہ : مشکوٰۃ شریف ، باب الفقراء)

یہ روایت بالکل درست ہے اور مشکوۃ میں صحیح بخاری کے حوالے سے ہی مذکور ہے ۔
مشکوۃ سے یہ حدیث :
وَعَن مُصعب بن سعدٍ قَالَ: رَأَى سَعْدٌ أَنَّ لَهُ فَضْلًا عَلَى مَنْ دُونَهُ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «هَلْ تُنْصَرُونَ وَتُرْزَقُونَ إِلَّا بِضُعَفَائِكُمْ؟» . رَوَاهُ البُخَارِيّ
( مشکاۃ المصابیح رقم 5232 )
صحیح بخاری سے یہ روایت :
2896 - حَدَّثَنَا سُلَيْمَانُ بْنُ حَرْبٍ، حَدَّثَنَا [ص:37] مُحَمَّدُ بْنُ طَلْحَةَ، عَنْ طَلْحَةَ، عَنْ مُصْعَبِ بْنِ سَعْدٍ، قَالَ: رَأَى سَعْدٌ رَضِيَ اللَّهُ عَنْهُ، أَنَّ لَهُ فَضْلًا عَلَى مَنْ دُونَهُ، فَقَالَ النَّبِيُّ صَلَّى اللهُ عَلَيْهِ وَسَلَّمَ: «هَلْ تُنْصَرُونَ وَتُرْزَقُونَ إِلَّا بِضُعَفَائِكُمْ»

( صحیح بخاری رقم 2896)
اس روایت کا درست معنی و مفہوم جاننے کے لیے ڈاکٹر فضل الہی صاحب کی کتاب ’’ رزق کی کنجیاں ‘‘ سے اقتباس ملاحظہ کریں ۔

مذکورہ کتاب آپ اس لنک سے ڈاؤن لوڈ کرسکتے ہیں ۔
اس کتاب کا جدید ایڈیشن میں محدث لائبریری میں موجود ہے ، اس میں مزید تفصیلات ہیں ، اس وجہ سے صفحات کے نمبر بھی تبدیل ہیں ۔

 

[خضر حیات]

خلاصہ کلام یہ ہے کہ :
فقراء و مساکین کےساتھ حسن سلوک کرنا یہ رزق کے وسیلوں میں سے ایک وسیلہ ہے ، چابیوں میں سے ایک چابی ہے ، اس میں یہ کہیں نہیں کہ کسی فقیر ، مسکین کی ذات کو ہی رزق کا وسیلہ سمجھ لینا چاہیے ۔
ڈاکٹر فضل الہی صاحب کی کتاب پڑھنے سے آپ کو معلوم ہوگا کہ کتاب وسنت میں کئی ایک رزق کی کنجیاں بیان کی گئی ہیں ، مثلا اللہ کا تقوی ، اللہ پر توکل ، حج و عمرہ کثرت سے کرنا ، کثرت سے استغفار کرنا وغیرہ ۔ اسی طرح کی ایک چابی کمزور لوگوں کے ساتھ ’’ حسن سلوک ‘‘ کرنا بھی ہے ، لیکن حدیث کے ترجمہ کے نام پر اپنا غلط عقیدہ بیان کرنا درست عمل نہیں ۔

 

[محمد طارق عبداللہ]

عمدگی سے سمجهایا اور مبہم خطرہ سے آگاهی کی ۔ بیشک گمراہ هونے سے اپنے بهائی کو بچانا بهترین عمل هے ۔ اللہ آپکو بهترین جزا دے ۔

 

[امان اللہ اصغر]

جزاک اللہ خیرا ۔۔۔۔۔۔۔۔۔

 

[عامر عدنان]

جزاک اللہ خیرا خضر حیات بھائ جان

اللہ آ پکے علم میں مزید اضافہ کرے آمین