اصلی شہد کی پہچان کے مفید طریقے

[کنعان]

اصلی شہد کی پہچان کے مفید طریقے​

لندن (نیوز ڈیسک) آج مارکیٹ اور بازاروں میں جعلی اور دو نمبر شہد کی فروخت دھڑلے سے جاری ہے،کیوں کہ ہمارے لوگوں کی اکثریت شہد کے اصلی یا نقلی ہونے کی پہچان ہی نہیں رکھتی، تو یہاں ہم آپ کو خالص شہد کی پہچان کے چند طریقے بتائے دیتے ہیں۔

-

-

-

-

​

٭ سب سے پہلے شہد کی بوتل پر لگے لیبل کو چیک کریں، جس پر اجزائے ترکیبی درج ہوں۔ شہد بنانے والی کمپنی کی طرف سے ایمانداری کے ساتھ اجزائے ترکیبی کا اندراج قانونی اور اخلاقی طور پر لازم ہے۔ ان اجزاءمیں اگر additives یعنی ایسے مادے جو تیل میں اس لئے ملائے جاتے ہیں کہ اس میں کوئی غیرمعمولی خصوصیت پیدا ہو جائے، نہ ہو تو بے فکر ہو کر یہ شہد خرید لیں۔

٭ ایک گلاس میں پانی لے کر شہد سے بھرا چمچ اس میں ڈال دیں، اگر شہد خالص ہوا تو یہ پانی میں حل نہیں ہوگا، اگر خالص نہ ہوا تو حل ہو جائے گا، کیوں کہ مارکیٹ میں ملنے والے اکثر شہد گڑ سے بنائے جا رہے ہیں۔

٭ اس طریقہ کے ذریعے شہد کی جانچ کے لئے آپ کو ایک عدد لائٹر اور موم بتی درکار ہے۔ موم بتی میں موجود کاٹن کی بتی کو شہد میں بھگو کر ایک بار جھٹک دیں اور بعدازاں لائٹر سے اسے آگ لگانے کی کوشش کریں۔ اگر اس بتی میں آگ لگ گئی تو سمجھ لیں کہ یہ خالص شہد ہے۔

٭ شہد کے چند قطرے جذب کرنے والے کاغذ پر پر ٹپکا دیں، اگر یہ کاغذ قطروں کو جذب کر گیا تو اس کا مطلب ہے کہ یہ شہد خالص نہیں ہے۔ اگر آپ کے پاس جذب کرنے والا کاغذ نہیں ہے تو اس کے لئے آپ سفید کپڑا بھی استعمال کر سکتے، اس کپڑے پر شہد کے چند قطرے گرا کر تھوڑی دیر انہیں دھو لیں اگر تو کپڑے پر دھبے کا نشان رہ جاتا ہے تو اس کا مطلب ہے کہ شہد خالص نہیں ہے۔

روزنامہ پاکستان، 19 جولائی 2014

 

[کنعان]

لنک: اصلی شہد کی پہچان کے مفید طریقے

اصلی شہد ہزاروں سال تک قابل استعمال رہتا ہے، حیران کن انکشاف​

18 جنوری 2015

برمنگھم (نیوز ڈیسک) شہد کتنے عرصے تک محفوظ رہ سکتا ہے؟ اس کا جواب ہمیں اس بات سے مل سکتا ہے کہ جب ماہرین آثار قدیمہ نے مصر میں ہزاروں سال پرانے مقبرے کھودے تو ان میں شہد کے مرتبان بھی ملے اور حیرت کی بات یہ ہے کہ ان میں موجود شہد ایسا تازہ تھا کہ چند دن پہلے اتارا گیا ہو۔

آخر وہ کیا چیز ہے جو شہد کو اتنے طویل عرصہ تک محفوظ رکھتی ہے؟

دراصل یہ متعدد چیزیں ہیں جن میں سے پہلی یہ ہے کہ شہد میں نمی نہ ہونے کے برابر ہوتی ہے جس کی وجہ سے اس میں جراثیم زندہ نہیں رہ سکتے۔

شہد کی مکھیاں جب پھولوں سے نیکٹر چوستی ہیں تو اس میں 60 سے 80 فیصد تک پانی ہوتا ہے مگر مکھیاں اپنے پروں سے ہوا دے کر یہ پانی خشک کرتی ہیں۔

مکھیوں کے معدے میں Glucese Oxidase نامی انزائم ہوتا ہے جو نیکٹر کے ساتھ مل کر ہائیڈروجن پر آکسائیڈ پیدا کرتا ہے، جس کی وجہ سے اس میں طبی خصوصیات پیدا ہو جاتی ہیں۔ اسی طرح شہد تیزابی خاصیت رکھتا ہے اور اس کی pH کا لیول 3 سے 4.5 ہوتا ہے۔ اس تیزابی ماحول میں جراثیم زندہ رہنے کا تصور نہیں کرسکتے۔

ایک اہم بات یہ ہے کہ شہد نمی جذب کر لے تو اس کے خراب ہونے کا خدشہ پیدا ہوجاتا ہے، اس لئے اسے جار میں بند کر کے رکھیں۔ واضح رہے کہ مصر میں ہزاروں سال قبل محفوظ کیا گیا شہد اسی لئے تروتازہ رہا تھا کہ اسے صاف ستھرے مرتبانوں میں اچھی طرح بند کر کے محفوظ کیا گیا تھا۔

ح