افغانستان ايشو، امن کی کوششيں اور امريکی کردار

[tashfin28]

افغانستان ايشو، امن کی کوششيں اور امريکی کردار

محترم ممبران
السلام عليکم

افغانستان اور خطے ميں امريکی کردار کے متعلق کچھ مبصرین نےجو نقطہ نظر پيش کيا ہے وہ اس معاملے پر ان کے علم و فہم کے فقدان کا نتیجہ ہے۔ ان مبصرين کی یہ رائے ایک پرامن افغانستان کیطرف امریکی حقیقی عزم کی عکاسی نہيں کرتی۔ ميں افغانستان اور خطے ميں امريکی کردار کے متعلق کچھ مبصرين کی منطق کو سمجھنے سے قاصر ہوں جو افغانستان اور خطے ميں امريکی کردار کے حوالے سے ابہام پيدا کررہے ہيں۔

میں سیاسی مصالحت کيلۓ حاليہ اقدامات کے بارے میں بات کرنے سے پہلے ممبران کی توجہ کچھ اہم حقائق کيطرف مبذول کرانا چاہونگا جو افغانستان کی مجودہ صورتحال اور خطے ميں امريکی کردار کا باعث بنے۔

معزز اراکين کی معلومات میں آضافے کيلۓ عرض ہے کہ اس حقيقت کو ديکھنا بہت ضروری ہے کہ امریکہ اور دوسرے اتحادی ممالک افغانستان ميں جانا ناگزیر تھا۔ دنیا کی سلامتی اور امن کيلۓ سلامتی کونسل کیطرف سے ان کی کوششوں کی انتہائی حوصلہ افزائی کرنے کيساتھ اقوام متحدہ کی قرارداد 1368 (2001) اور 1373 (2001) کے تحت انکے اقدامات کی مکمل حمایت کی گئی- اس حقيقت کو نظرانداز نا کريں کہ اقوام متحدہ نے سال 1999 ء ميں طالبان سے بن لادن کو حوالے کرنے کا مطالبہ کيا تھا ۔ براہ مہربانی اقوام متحدہ کی قرارداد 1267 کو پڑھ ليجيۓ اس کی تحرير بہت واضح ہے ۔ اس سے يہ بلا شبہ يہ ثابت ہوتا ہے کہ اسامہ بن لادن افغانستان میں موجود تھا اور دنیا بھر میں انسانیت کے خلاف تشدد اور دہشت گردی کی کارروائیوں کی منصوبہ بندی اور اس پر عملدرآمدکے لئےافغان سرزمین کو اڈوں کے طور پر استعمال کر رہا تھا.

http://www.un.org/Docs/sc/committees/1267/1267ResEng.htm

براہ مہربانی اس حقيقت سے انکار نا کريں کہ القاعدہ ہی نے امریکہ کے خلاف 1990 میں جنگ کا اعلان کیا اور 1990 ميں ہی امریکی اہداف پر کئی بار حملے کیۓ ۔ تاہم جب امریکی سرزمين پر 11 ستمبر 2001 کو القاعدہ کی طرف سے حملہ کیا گیا جس ميں ہزاروں معصوم لوگوں کو قتل کياگيا تھا تو امریکہ دوسرے بین الاقوامی اتحاديوں سميت القاعدہ کے محفوظ ٹھکانوں کو ختم کرنے کيلۓ افغانستان گۓجو دنيا بھرميں دہشتگرد سرگرميوں کيلۓ استعمال کيۓ جارہے تھے۔

ميں معزز ممبران کو ياد دلانا چاہتا ہوں کہ امريکہ اور ان کے اتحادی طاقت کے استعمال پر مجبور ہو گئے تھے کيونکہ اس وقت کی طالبان حکومت کو القاعدہ کے دہشتگرد عناصر کو حوالے کرنےاور افغانستان کی سر زمين کو دنیا بھر میں دہشتگرد سرگرمیوں کے لئے استعمال سے روکنے کا مطالبہ کيا گیا، جسے انہوں نے مسترد کيا ۔

جہاں تک موجودہ امن اقدامات کا تعلق ہے ميں افغانستان میں پائیدار امن اور استحکام کو یقینی بنانے کے لئے امريکی عزم کا اعادہ کرنا چاہتا ہوں ۔ تاہم ميں دو ٹوک الفاظ ميں اس غلط تصور کو مسترد کرنا چاتا ہوں کہ امريکہ دیگرقوتوں کيساتھ افغانستان میں امن کيلۓ جاری کوششوں میں کاميابی کی راہ پرگامزن نہيں ہے۔ افغانستان کيساتھ امریکی طویل الميعاد اسٹریٹجک پارٹنرشپ 2014 کے بعد بھی جاری رہيگی تاکہ امن اور سلامتی کی راہ پر گامزن کرسکيں۔

ہم افغانستان کے تمام اسٹیک ہولڈرز کےدرمیان باہمی سياسی مذاکرات کی بھر پور حمایت کرتے ہیں ۔ امریکی حکومت مصالحتی کوششوں اور مذاکرات کيلۓ طالبان کے سیاسی دفتر کے قيام کی حمایت کرتی ہے ۔ اور اس کيساتھ ساتھ امریکہ چاہتا ہے کہ افغانستان میں دیرپا امن کو یقینی بنانے کيلۓ پاکستان سميت تمام اسٹیک ہولڈرز کو اپنا کلیدی کردار ادا کرنا چاہيۓ۔

آخر ميں اس عزم کا اعادہ کرنا چاہتا ہوں کہ امريکی حکومت افغانستان اور خطے ميں ديرپا امن اور استحکام کو يقينی بنانے کيلۓ ہر قسم کی امداد فراہم کريگی۔

تاشفين – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ

www.state.gov
https://twitter.com/#!/USDOSDOT_Urdu
http://www.facebook.com/USDOTUrdu

 

[شاہد نذیر]

کمال ہے امریکہ افغانستان کو تباہ و برباد اور غیر مستحکم کرنے کے بعد اب افغانستان میں امن اور استحکام کے لئے ہر قسم کی امداد دے گا۔ یہ منافقانہ رویہ کی بدترین مثال ہے۔امریکہ ہمیشہ سے مسلمانوں کا دشمن رہا ہے اسے مسلمانوں کا ہمدرد یا دوست سمجھنا سب سے بڑی بے وقوفی ہے۔

 

[tashfin28]

افغانستان اور امریکی جاری کردار

محترم شاہد نذير
السلام عليکم،

ہر ايک انسان کو اپنی رائے دينے کا پورا حق ہے، تاہم، افغانستان اور مسلم دنيا میں امریکی کردار کے بارے ميں آپ کا نقطہ نظر مکمل طورپرغلط ہے ۔ یہ بالکل مضحکہ خیز خیال ہے کہ امریکہ اور دوسرے بین الاقوامی دوست ممالک افغانستان کے ساتھ مخلص نہیں اور خطے ميں اپنے مقاصد کو پورا کرنے کی کوشش کر رہے ہيں۔

ميں اس عزم کا اعادہ کرنا چاہتا ہوں کہ ہم افغانستان اور خطے میں پائیدار امن اور استحکام کو یقینی بنانے کے مقاصد کے حصول کے لئے پر عزم ہیں ۔ ہميں پختہ یقین ہے کہ خطے میں پائیدار امن اور استحکام کو یقینی بنانے کے ہمارے مقاصد کے حصول کيلۓ افغانی عوام کا فعال کردار انتہائی ضرروی ہے۔ امریکہ اور ہمارے دوسرے اتحادی انتظامیہ اور مسلح افواج افغانی عوام کے یقین، اعتماد، اور حمایت کو حاصل کرنے کيلۓ بھرپور کوشش کر رہے ہیں۔ افغانستان کی تعمیر نو اوراس کے اداروں کو مضبوط بنانے کی سمت امریکہ کیوں اربوں ڈالر خرچ کرے گا، اگر ہمارے مبینہ مقاصد افغانستان کو تباہ کرنے کے لئے ہوتے؟ آپ کے تمام الزامات مکمل طور پر غلط ہیں اور واضح طور پر اس معاملے کے بارے ميں آپ کے علم و فہم کے فقدان کو اجاگر کرتے ہے ۔

یہ امر قابل ذکر ہے کہ ہميں افغانستان میں پائيدار امن اور استحکام کيلۓ جاری بین الاقوامی اقدامات کی حقیقت کو نہیں بھولنا چاہئے ۔ خواتین اور بچوں سمیت ہزاروں معصوم زندگیاں تشدد کی ان مسلسل کارروائیوں کا نشانہ بن چکی ہيں ۔ موجودہ صورتحال ہم سے متقاضی ہے کہ افغانستان کو جاری افراتفری سے نکالنے کيلۓ تمام فريقين کو ايک ساتھ پرامن حل تلاش کرنا چاہيۓ ۔

• ميں يہ کہنا چاہونگا کہ امریکہ نے ہمیشہ ان لوگوں کے لیے مصالحت کے دروازے کھلے چھوڑے ہيں جو ہتھیار پھینک کر افغانی عوام کيخلاف دہشت گردی اور تشدد کی ان کارروائیوں سے کنارہ کشی کے خواہاں ہیں ۔ ہم افغانستان کے تمام فريقين کےدرمیان باہمی سياسی مذاکرات کی بھر پور حمایت کرتے ہیں ۔ امریکی حکومت مصالحتی کوششوں اور مذاکرات کيلۓ طالبان کے سیاسی دفتر کے قيام کی بھی حمایت کرتی ہے ۔ اور اس کيساتھ امریکہ چاہتا ہے کہ افغانستان میں دیرپا امن کو یقینی بنانے کيلۓ پاکستان سميت تمام فريقين کو اپنا کلیدی کردار ادا کرنا چاہيۓ۔ ميں اس عزم کا اعادہ کرنا چاہتا ہوں کہ امريکی حکومت افغانستان اور خطے ميں ديرپا امن اور استحکام کو يقينی بنانے کيلۓ ہر قسم کی امداد فراہم کريگی

تاشفين - ڈیجیٹل آؤٹ ریچ ٹیم، شعبہ امریکی وزارت خارجہ
www.state.gov
https://twitter.com/#!/USDOSDOT_Urdu
http://www.facebook.com/USDOTUrdu