امریکی خاتون نے ہیلری کلنٹن پر جوتا پھینک دیا

[کنعان]

امریکی خاتون نے ہیلری کلنٹن پر جوتا پھینک دیا​

لاس ویگاس: امریکا کے شہر لاس ویگاس میں سابق امریکی وزیر خارجہ سینیٹر ہلیری کلنٹن تقریر کے دوران ایک خاتون نے جوتا دے مارا۔

امریکی میڈیا کے مطابق لاس ویگاس کے انسٹی ٹیوٹ آف اسکریپ ری سائکلنگ میں سابق خاتون اول خطاب کر رہی تھیں کہ ایک خاتون نے انہیں جوتا کھینچ مارا تاہم نشانہ چوک گیا اور جوتا ہلیری کلنٹن کو چھوئے بغیر ایک طرف جا گرا۔

سابق وزیر خارجہ نے واقعے کو مذاق میں اڑا دیا، انہوں نے کہا کہ میرا نہیں خیال کہ کانفرنس میں منتظمین اپنے مہمانوں کا ایسے بھی استقبال کرتے ہیں، اس پر ہال تالیوں سے گانج اٹھا۔

ہلیری کلنٹن کا مزید کہنا تھا کہ انہیں نہیں معلوم تھا کہ کچرے کی ری سائکلنگ اتنا اہم معاملہ ھے، شکر ھے جوتا پھینکنے والی خاتون نے ان کی طرح بچپن میں سافٹ بال نہیں کھیلی۔

واقعے کی جگہ پر موجود سیکورٹی اہلکار فوراً حرکت میں آ گئے اور جوتا پھینکنے والی خاتون کو حراست میں لے لیا۔

دی نیوز ٹرائب: 11 اپریل 2014