انٹر امتحان میں 2306 نقالے پکڑے گئے

[کنعان]

انٹر امتحان میں 2306 نقالے پکڑے گئے​

دی نیوز ٹرائب 22 مئی 2013 :Waqas Safder

​

کراچی: سندھ بھر کے تعلیمی بورڈز کے سربراہوں کی کمیٹی کے چیئرمین پروفیسر انوار احمد زئی نے کہا ہے کہ صوبے کی مختلف ڈویژنل اورضلعی انتظامیہ کے تعاون اور تعلیمی بورڈز کی جانب سے قائم کردہ نگراں کمیٹیوں کے باعث نقل کی خرابی کو ختم کرنے کی کوششیں جاری ہیں ۔

تاہم سول سوسائٹی اور والدین کی براہ راست توجہ سے اسے مزید موثر بنایا جاسکتا ہے۔


انہوں نے ان اقدام کے موثر ہونے کے ضمن میں سندھ بھر سے روزانہ کی بنیاد پر جمع کئے گئے اعداد و شمار کو پیش کرتے ہوئے بتایا کہ 16 مئی سے شروع ہونے والے انٹر کے امتحانات میں 21 مئی تک یعنی چھ دنوں میں نقل کرتے ہوئے پکڑے جانے والے امیدواروں کی کل تعداد 2306 ہے۔

اس تعداد میں کراچی انٹربورڈ کے 119، حیدرآباد بورڈ کے 507، میرپورخاص کے 53، لاڑکانہ کے 822 اور سکھر کے 805 ہیں۔

ان کیسز میں بھی اصل امیدوار کی جگہ کسی دوسرے شخص کے امتحان دینے کے کل کیسز 217 ہیں، ان میں حیدرآباد کے 15، میرپورخاص کے 3، لاڑکانہ کے 192 اور سکھر کے سات کیسز ہیں۔

انٹربورڈ کراچی نے انرولمنٹ کارڈ پر امیدوار کی تصویر اسکین کردی ہے جو بدلی نہیں جاسکتی اس لئے یہاں اصل امیدوار کی جگہ کسی دوسرے فرد کی شمولیت نہیں دیکھی گئی۔