ایرانی حکام کا 12اسرائیلی اور برطانوی جاسوس گرفتار کرنے کا دعویٰ

[بخاری سید]

تہران: ایران نے اسرائیلی خفیہ ایجنسی موساد اور برطانیہ کے انٹیلیجنس اداروں سے تعلق رکھنے والے 12 میبنہ جاسوس اور دہشتگردوں کو گرفتار کرنے کا دعویٰ کیا ہے۔
ایران کے سرکاری میڈیا کے مطابق دہشت گرد گروہ ایران کے صدارتی انتخابات کو سبوتاژ کرنا چاہتا تھا، انہوں نے صدارتی انتخابات کے دن مختلف مقامات پر نسلی اور مذہبی فسادات کرانے کےلئے دہشتگردی کی منصوبہ بندی کررکھی تھی۔ اس گروہ میں شامل افراد نے اسرائیل میں تربیت حاصل کی اور یہ گروپ ایران میں متعدد تخریب کاری کی وارداتوں میں ملوث رہا ہے، حراست میں لئے جانے کے وقت بھی اس کا سرغنہ برطانیہ میں اپنے ہیڈ کوارٹر سے مکمل رابطے میں تھا۔ ان سے تفتیش کی مدد سے اس گروہ کے دیگر افراد کا بھی پتہ لگایا جارہا ہے۔
واضح رہے کہ گزشتہ ماہ بھی ایرانی حکام نے اسرائیل اور امریکی خفیہ ایجنسی کے 2 مبینہ جاسوسوں کو موت کی سزا دی تھی۔
ربط

 

[بخاری سید]

بین الاقوامی اور قومی میڈیا پر چلنے والی اس خبر کی صحت کے بارے میں مجھے کچھ نہیں کہنا کیوں کہ ایران ایک ایسا ملک ہے جس کے بارے میں کسی بھی بیان کو مسلکی بنیادوں پر ہی دیکھا جاتا ہے۔
تاہم اس بات سے انکار شاید کسی بھی حقائق پسند سنجیدہ شخص کے لیے ممکن نہیں ہے کہ غیر ملکی خفیہ ایجنسیوں کا کردار مسلم ممالک میں خطرناک حد تک بڑھ چکا ہے۔ حکومت ، عدلیہ، سیاستدانوں، فوج، مقامی خفیہ ایجنسیوں ، صحافیوں، تاجروں ، این جی اوز، اسلامی تنظیموں حتیٰ کہ طلبا تنظیموں میں بھی ان کے مخبر اور ان غیر ملکی ایجنسیوں کے لیے کام کرنے والے موجود ہوتے ہیں۔ دلچسپ بات یہ ہے ان غیر ملکی ایجنسیوں کے لیے کام کرنے اکثر لوگ یہ جانے بنا کہ کس کے مفادات کے لیے کام کر رہے ہیں سر گرم عمل ہوتے ہیں۔
اللہ تعالیٰ ہم سب کو شیاطین کے حربوں سے محفوظ فرمائے آمین