ایک مجلس کی تین طلاق سے متعلق مسند احمد کی رویات پر بحث۔

[lovelyalltime]

سلام بھائی

جب میں نے آپ کی بھیجی ہوئی حدیث پیش کی تو مجھے یہ جواب دیا گیا


جس کتاب سے تم نے روایت بیان کی وہی مصنف اس کو نہیں مانتا تو تم کیسے ثابت کرتے ہو؟




اسی رکانہ والی روایت کے مطابق امام نووی بیان کرتے ہیں کہ
" یہ روایت ضعیف ہے اور مجھولیوں کی روایت ہے اور رکانہ کے متعلق البتہ والی روایت ہی صحیح ہے اور البتہ میں ایک اور تین دونوں احتمال ہیں۔
( نووی ، شرح مسلم، صفحہ 926)

امام نووی تو حضرت ابن عباس رضی اللہ کی روایت بیان کرنے کے بعد یہاں تک فرماتے ہیں کہ
" امام شافعی، امام مالک، امام ابو حنیفہ اور امام احمد اور جمھور علماء کا موقف ہے کہ تین طلاق تین ہی ہوتی ہیں اور صرف طاؤس اور بعض اہل ظاھر کا موقف ہے کہ ایک ہوتی ہے"

( نووی ، شرح مسلم، صفحہ 926)





مسند احمد کے حوالے سے بھی یہ روایت ضعیف ہے۔
علامہ خطابی کہتے ہیں کہ اس کی سند مجہول ہے اور حجت بننے کے قابل نہیں کیونکہ ابو داؤد نے روایت کی ہے کہ رکانہ نے اپنی بیوی کو طلاق بتہ دی تھی،
علامہ خطابی نے تو یہاں تک کہا ہے کہ امام احمد بن حنبل رح سے اس روایت کے سارے طریق ضعیف ہیں۔
(مسند احمد بن حنبل، جلد 4 صفحہ 216)
حنبلی مسلک کے مشہور عالم ابن قدامہ رح نے بھی یہی فرمایا ہے کہ امام احمد سے حدیث رکانہ کے سارے طریق ضعیف ہیں۔
(مغنی ابن قدامہ، جلد 10 صفحہ 366)، (مسند احمد بن حنبل، جلد 4 صفحہ 216)

امام ترمذی فرماتے ہیں کہ اس روایت کو میں نہیں جانتا اور میں نے بخاری سے پوچھا تو انہوں نے کہا کہ مضطرب ہے۔
(مسند احمد بن حنبل، جلد 4 صفحہ 217)

اس کے علاوہ اس کا راوی محمد بن اسحاق بھی ضعیف ہے۔ اس کے حالات بھی پڑھ لیں۔

 

[کفایت اللہ]

بھائی سوال وجواب کا سیکشن بحث ومباحثہ کے لئے نہیں ہے اس لئے میں نے اعتراضات کو یہاں نقل کردیا۔
میں نے پہلے ہی کہا تھا کہ اس حدیث پر اعتراضات کئے گئے ہیں اور سارے اعتراضات کا دندان شکن جواب محدث کبیر علامہ رئیس الاحرار ندوی رحمہ اللہ نے اپنی کتاب تنویر الآفاق میں دیا ہے۔
آپ اس کتاب کی طرف رجوع کریں آپ کو ہربات کا مفصل جواب مل جائے ۔

الغرض یہ کہ اس روایت پر بحث ایک معرکۃ الآراء مسئلہ ہے کوئی نئی بات نہیں ہے لہٰذا اس تعلق سے آپ اس پر علمائے اہل حدیث کی لکھئ گئ کتب کا مراجعہ کریں۔
حدیث پر ہرطرح کے اعتراضات کے جوابات کے لئے تنویر الافاق دیکھیں۔
محمدبن اسحاق کے بارے میں شیخ ارشاد الحق الاثری حفظہ اللہ کی کتاب توضیح الکلام کی طرف مراجعت بھی مفیدہوگی۔

 

[ریحان احمد]

محمد بن اسحاق بن یسار کی توثیق کے لئے دیکھئے شیخ زبیر علی زئی کی کتاب" تحقیقی' علمی' اصلاحی مقالات" جلد سوم صفحہ ٢٦٩-٢٩٩