باب: اللہ تعالیٰ کا ارشاد سورۃ الکہف میں ”اور انسان سب سے زیادہ جھگڑالو ہے“

[محمد زاہد بن فیض]

قوله تعالى ‏ {‏ وكان الإنسان أكثر شىء جدلا‏}‏ وقوله تعالى ‏ {‏ ولا تجادلوا أهل الكتاب إلا بالتي هي أحسن‏}‏

اور اللہ تعالیٰ کا ارشاد سورۃ العنکبوت میں ”اور تم اہل کتاب سے بحث نہ کرو لیکن اس طریقہ سے جو اچھا ہو یعنی نرمی کے ساتھ اللہ کے پیغمبروں اور اس کی کتابوں کا ادب ملحوظ رکھ کر ان سے بحث کرو“۔


حدیث نمبر: 7347
حدثنا أبو اليمان،‏‏‏‏ ‏‏‏‏ أخبرنا شعيب،‏‏‏‏ ‏‏‏‏ عن الزهري،‏‏‏‏ ‏‏‏‏ ح حدثني محمد بن سلام،‏‏‏‏ ‏‏‏‏ أخبرنا عتاب بن بشير،‏‏‏‏ ‏‏‏‏ عن إسحاق،‏‏‏‏ ‏‏‏‏ عن الزهري،‏‏‏‏ ‏‏‏‏ أخبرني علي بن حسين،‏‏‏‏ ‏‏‏‏ أن حسين بن علي ـ رضى الله عنهما ـ أخبره أن علي بن أبي طالب قال إن رسول الله صلى الله عليه وسلم طرقه وفاطمة ـ عليها السلام ـ بنت رسول الله صلى الله عليه وسلم فقال لهم ‏"‏ ألا تصلون ‏"‏‏.‏ فقال علي فقلت يا رسول الله إنما أنفسنا بيد الله،‏‏‏‏ ‏‏‏‏ فإذا شاء أن يبعثنا بعثنا،‏‏‏‏ ‏‏‏‏ فانصرف رسول الله صلى الله عليه وسلم حين قال له ذلك ولم يرجع إليه شيئا،‏‏‏‏ ‏‏‏‏ ثم سمعه وهو مدبر يضرب فخذه وهو يقول ‏ {‏ وكان الإنسان أكثر شىء جدلا‏}‏‏.‏ قال أبو عبد الله يقال ما أتاك ليلا فهو طارق‏.‏ ويقال الطارق النجم،‏‏‏‏ ‏‏‏‏ والثاقب المضيء،‏‏‏‏ ‏‏‏‏ يقال أثقب نارك للموقد‏.‏

ہم سے ابو الیمان نے بیان کیا ‘ کہا ہم کو شعیب نے خبر دی (دوسری سند) امام بخاری نے کہا کہ اور مجھ سے محمد بن سلام بیکندی نے بیان کیا ‘ کہا ہم کو عتاب بن بشیر نے خبر دی ‘ انہیں اسحاق ابن ابی راشد نے ‘ انہیں زہری نے ‘ انہیں زین العابدین علی بن حسین رضی اللہ عنہ نے خبر دی اور انہیں ان کے والد حسین بن علی رضی اللہ عنہ نے خبر دی کہ علی بن ابی طالب رضی اللہ عنہ نے بیان کیا کہ ان کے اور فاطمہ بنت رسول اللہ علیم السلام والصلٰوۃ کے گھر ایک رات آنحضرت صلی اللہ علیہ وسلم تشریف لائے اور فرمایا کہ تم لوگ تہجد کی نماز نہیں پڑھتے۔ علی رضی اللہ عنہ نے بیان کیا کہ میں نے عرض کیا ‘ یا رسول اللہ! ہماری جانیں اللہ کے ہاتھ میں ہیں پس جب وہ ہمیں اٹھانا چاہے تو ہم کو اٹھا دے گا۔ جوں ہی میں نے آنحضرت صلی اللہ علیہ وسلم سے یہ کہا تو آپ پیٹھ موڑ کر واپس جانے لگے اور کوئی جواب نہیں دیا لیکن واپس جاتے ہوئے آپ اپنی ران پر ہاتھ مار رہے تھے اور کہہ رہے تھے کہ ”اور انسان بڑا ہی جھگڑالو ہے“ اگر کوئی تمہارے پاس رات میں آئے تو ”طارق“ کہلائے گا اور قرآن میں جو ”والطارق“ کا لفظ آیا ہے اس سے مراد ستارہ ہے اور ”ثاقب“ بمعنی چمکتا ہوا۔ عرب لوگ آگ جلانے والے سے کہتے ہیں۔ اثقب نارک یعنی آگ روشن کر۔ اس سے لفظ ثاقب ہے۔


حدیث نمبر: 7348
حدثنا قتيبة،‏‏‏‏ ‏‏‏‏ حدثنا الليث،‏‏‏‏ ‏‏‏‏ عن سعيد،‏‏‏‏ ‏‏‏‏ عن أبيه،‏‏‏‏ ‏‏‏‏ عن أبي هريرة،‏‏‏‏ ‏‏‏‏ قال بينا نحن في المسجد خرج رسول الله صلى الله عليه وسلم فقال ‏"‏ انطلقوا إلى يهود ‏"‏‏.‏ فخرجنا معه حتى جئنا بيت المدراس فقام النبي صلى الله عليه وسلم فناداهم فقال ‏"‏ يا معشر يهود أسلموا تسلموا ‏"‏‏.‏ فقالوا بلغت يا أبا القاسم‏.‏ قال فقال لهم رسول الله صلى الله عليه وسلم ‏"‏ ذلك أريد أسلموا تسلموا ‏"‏‏.‏ فقالوا قد بلغت يا أبا القاسم‏.‏ فقال لهم رسول الله صلى الله عليه وسلم ‏"‏ ذلك أريد ‏"‏‏.‏ ثم قالها الثالثة فقال ‏"‏ اعلموا أنما الأرض لله ورسوله وإني أريد أن أجليكم من هذه الأرض،‏‏‏‏ ‏‏‏‏ فمن وجد منكم بماله شيئا فليبعه،‏‏‏‏ ‏‏‏‏ وإلا فاعلموا أنما الأرض لله ورسوله ‏"‏‏.‏

ہم سے قتیبہ بن سعید نے بیان کیا ‘ ان سے لیث بن سعد نے بیان کیا ‘ ان سے سعید مقبری نے ‘ ان سے ان کے والد ابوسعید کیسان نے اور ان سے ابوہریرہ رضی اللہ عنہ نے بیان کیا کہ ہم مسجدنبوی میں تھے کہ رسول اللہ صلی اللہ علیہ وسلم باہر تشریف لائے اور فرمایا یہودیوں کے پاس چلو۔ چنانچہ ہم آنحضرت صلی اللہ علیہ وسلم کے ساتھ روانہ ہوئے۔ جب ہم ان کے مدرسہ تک پہنچے تو آنحضرت صلی اللہ علیہ وسلم نے کھڑے ہو کر انہیں آوازدی اور فرمایا اے یہودیو! اسلام لاؤ تو تم سلامت رہو گے۔ اس پر یہودیوں نے کہا کہ ابوالقاسم! آپ صلی اللہ علیہ وسلم نے اللہ کا حکم پہنچا دیا۔ راوی نے بیان کیا کہ آنحضرت صلی اللہ علیہ وسلم نے دوبارہ ان سے فرمایا کہ یہی میرا مقصد ہے ‘ اسلام لاؤ تو تم سلامت رہو گے۔ انہوں نے کہا ابوالقاسم! آپ نے پیغام خدا پہنچا دیا۔ پھر آپ نے یہی بات تیسری بار کہی اور فرمایا ‘ جان لو کہ ساری زمین اللہ اور اس کے رسول کی ہے اور میں چاہتا ہوں کہ تمہیں اس جگہ سے باہر کر دوں۔ پس تم میں سے جو کوئی اپنی جائیداد کے بدلے میں کوئی قیمت پاتا ہو تو اسے بیچ لے ورنہ جان لو کہ زمین اللہ اور اس کے رسول کی ہے۔ (تم کو یہ شہر چھوڑ نا ہو گا)۔

صحیح بخاری
کتاب الاعتصام بالکتاب والسنۃ