باب: ستر کو ہاتھ لگانے پر وضو کرنا ؟؟؟

[یوسف ثانی]

باب: ستر کو ہاتھ لگانے پر وضو کرنا

قَالَ مُحَمَّدٌ أَخْبَرَنَا أَيُّوبُ بْنُ عُتْبَةَ التَّيْمِيُّ قَاضِي الْيَمَامَةِ، عَنْ قَيْسِ بْنِ طَلْقٍ، أَنَّ أَبَاهُ، حَدَّثَهُ: " أَنَّ رَجُلا سَأَلَ رَسُولَ اللَّهِ صَلَّى اللَّهُ عَلَيْهِ وَسَلَّمَ عَنْ رَجُلٍ مَسَّ ذَكَرَهُ، أَيَتَوَضَّأُ؟ قَالَ: هَلْ هُوَ إِلا بِضْعَةٌ مِنْ جَسَدِكَ "

موطا امام محمد:جلد اول:حدیث نمبر 13 مکررات 0 متفق علیہ 0
قیس بن طلق نے اپنے والد سے روایت کی کہ رسول اللہ صلی اللہ علیہ وسلم سے ایک شخص نے ستر کو ہاتھ لگانے پر وضو کرنے کے متعلق پوچھا تو آپ صلی اللہ علیہ وسلم نے فرمایا کہ وہ بھی تو تمہارے جسم کا ایک ٹکڑا ہے۔

باب: ستر کو ہاتھ لگانے پر وضو کرنا

قَالَ مُحَمَّدٌ أَخْبَرَنَا طَلْحَةُ بْنُ عَمْرٍو الْمَكِّيُّ، أَخْبَرَنَا عَطَاءُ بْنُ أَبِي رَبَاحٍ، عَنِ ابْنِ عَبَّاسٍ، قَالَ فِي مَسِّ الذَّكَرِ وَأَنْتَ فِي الصَّلاةِ، قَالَ: «مَا أُبَالِي مَسَسْتُهُ أَوْ مَسَسْتُ أَنْفِي»

موطا امام محمد:جلد اول:حدیث نمبر 14 مکررات 0 متفق علیہ 0
عطاء بن ابی رباح رحمہ اللہ نے عبد اللہ بن عباس رضی اللہ عنہماء سے شرمگاہ کے نماز کے اندر چھولینے کے بارے میں (ایک سوال کے جواب میں) نقل کیا کہ میں اپنے ستر کو چھونے یا ناک کو چھونے میں فرق نہیں سمجھتا۔

 

[خضر حیات]

اصولی طور پر اس سوال کو ’ فقہی سوالات و جوابات ‘ والے سیکشن میں ہو نا چاہیے تھا ۔ محدث فتوی پر اس سوال کا جواب موجود ہے ۔
مس ذکر پر آپ نے جو احادیث بیان کی ہیں ، وہ وضو نہ ٹوٹنے کی ہیں ، جبکہ دیگر کچھ احادیث میں صراحت کے ساتھ عضو تناسل کو مس کرنے پر وضو کا حکم دیا گیا ہے ۔ اب یہاں بظاہر احادیث متعارض ہیں ، اس تعارض کو حل کرنے میں علماء کی مختلف آراء ہیں جن میں دو اہم اس طرح ہیں :
1۔ اگر شہوت کی حالت میں شرمگاہ کو چھوا جائے تو وضو ٹوٹے گا ، ورنہ نہیں ۔
2۔ ہاتھ لگنے سے وضو تو نہیں ٹوٹتا ، البتہ ایسی حالت میں وضو کرنا افضل ہے ۔
دلائل کی رو سے یہ دونوں آراء بالترتیب اقرب الی الصواب محسوس ہوتی ہیں ، لیکن احتیاط اسی میں ہے کہ کسی بھی حالت میں شرمگاہ کو ہاتھ لگے تو وضو کرلیا جائے ، تاکہ شیطان دل میں شکوک وشبہات نہ ڈال سکے ۔ واللہ اعلم بالصواب ۔

 

[خضر حیات]

شرمگاہ کو ہاتھ لگانے سے وضو ٹوٹ جاتا ہے ؟