بلڈ پریشر سے جان چھڑائیں

[کنعان]

بلڈ پریشر سے جان چھڑائیں​

لندن: پوری دنیا میں ہائی بلڈ پریشر کے باعث اموات میں خطرناک حد تک اضافہ ہورہا ہے، بلڈ پریشر کی واضح علامات سامنے نہیں آتیں لیکن ہائی بلڈ پریشر کے باعث دل کے دورہ پڑنے کے علاوہ فالج کا حملہ ہوتا ہے ، بلڈ پریشرسے گردے بھی فیل ہو سکتے ہیں ۔

طبی ماہرین اس خطرے سے بچنے کیلئے زندگی گزارنے کے طور طریقوں میں معمولی سی تبدیلی کا مشورہ دیتے ہیں۔

صبح یا شام کے وقت کم از کم آدھا گھنٹہ واک یا ورزش کو معمول بنانے سے بلڈ پریشر کو کم کیا جاسکتا ہے، تیزتیز قدم اٹھانے یا جسمانی مشقت سے انسانی دل زیادہ مؤثر انداز میں آکسیجن استعمال کرتا ہے ، ہفتے میں چار یا پانچ مرتبہ ایسا کرنے سے بلڈ پریشر میں خاصی کمی واقع ہوگی، ابتداء 15 منٹ کی واک یا ورزش سے کی جا سکتی ہے۔

بلڈ پریشر کم کرنے کیلئے ضروری ہے کہ کام کا دباؤ کم کریں، بہت زیادہ دباؤ ذہنی تناؤ میں اضافہ کرتا ہے۔ گہری گہری سانسیں لینے اور خارج کرنے سے نہ صرف ذہنی دباؤ کم ہوتا ہے بلکہ ہائی بلڈ پریشر بھی کنٹرول میں رہتا ہے، صبح اور رات کو دس دس منٹ اس کام کیلئے ضرور نکالنا چاہئے۔

جسم میں نمک کی زیادتی سے بلڈ پریشر بڑھ جاتا ہے، سوڈیم کے منفی اثرات کو زائل کرنے کیلئے پوٹاشیم کا استعمال خوشگوار اثرات مرتب کرتا ہے۔ شکر قند، ٹماٹر، اورنج جوس، آلو، کیلا، مٹر، آلو بخارہ اور کشمش میں پوٹاشیم کی وافر مقدار پائی جاتی ہے، اس کو غذا کا حصہ بنانے کی صلاح دی جاتی ہے۔ ساتھ ساتھ نمک کا استعمال کم کر دینا چاہئے۔

گہرے رنگ کی چاکلیٹ بھی بلڈ پریشرکے مریض کو فائدہ دیتی ہے، اس قسم کی چاکلیٹ میں "فلیوونلز" flavonols کیمیائی اجزاء کی مقدار زیادہ ہوتی ہے، یہ کیمیائی اجزاء خون کی نالیوں کو زیادہ لچکدار بناتی ہیں جس کی وجہ سے خون کا بہاؤ معمول کے مطابق رہتا ہے اور بلڈ پریشر قابو میں رہتا ہے۔

ہربل چائے کے بہت سے طبی فوائد ہیں، " ہیبس کس" Hibiscus پھول کی خشک پتیوں کو جوش دے کر بطور چائے استعمال کرنے سے بلڈ پریشر کم ہوتا ہے، اگر یہ نہ ملے تو سبز چائے سے بھی یہ کام لیا جاسکتا ہے۔

ہر قسم کا نشہ بلڈ پریشر میں خطرنا ک حد تک اضافے کا سبب بنتا ہے لٰہذا اسے ہرصورت ترک کرنا ہوگا۔

دی نیوز ٹرائب 8 جون 2013: Raza Khan

 

[عابدالرحمٰن]

السلام علیکم
بہت عمدہ اور مناسب معلومات ہیں
جزاک اللہ خیراً
مذہبی زندگی گزارنے سے جو سکون حاصل ہوتا ہے وہ ہزار پرہیز سے افضل ہے

 

[حسن شبیر]

جزاک اللہ بھائی - شئیرنگ کا شکریہ

 

[کنعان]

بلڈ پریشر چیک کرنے کے لیے کلائی پر سینسر​

​

​

اس نئے آلے کی مدد سے بازو کی بجائے حرکت قلب سے بلڈ پریشر چیک کیا جا سکے گا۔

لندن یونیورسٹی کالج کی ایک ٹیم نے ایک ایسا سینسر پیش کیا ہے جو کلائی پر بندھا ہوتے ہوئے پورا دن حرکت قلب کے ساتھ ساتھ بھی بلڈ پریشر چیک کرتا رہتا ہے۔

برطانیہ میں نیشنل ہیلتھ انسٹی ٹیوٹ میں تحقیق کرنے والے سائنس دانوں کا کہنا ہے کہ اس نئے آلے سے بلڈ پریشر چیک کرنے کا طریقہ کار مزید بہتر ہوسکتا ہے۔

عام طور پر بازو کی شریان سے بلڈ پریشر چیک کیا جاتا ہے لیکن ماہرین کے مطابق اگر براہِ راست حرکت قلب سے اسے چيک کیا جائے تو مستقبل میں صحت سے متعلق مسائل کی پیشین گوئی میں آ‎سانی ہوگی۔
اگر کسی کا بلڈ پریشر بہت زيادہ ہو تو اسے دل کا دورہ پڑ سکتا ہے یا پھر حرکت قلب بند ہونے کا خطرہ رہتا ہے۔

برطانیہ جیسے ملک میں تقریباً ایک تہائی افراد کو انتہائی درجے کی بلڈ پریشر کی شکایت رہتی ہے لیکن بہت سے افراد کو اس کا پتا ہی نہیں چلتا کہ ان کا خون کا دباؤ اس قدر زیادہ ہے۔

نیشنل انسٹی ٹیوٹ آف ہیلتھ ریسرچ میں ایسا آلہ پیش کیا گيا جس کی سکرین پر ایک چھوٹا سا نشان دل کی دھڑکن کے ساتھ ہی اوپر نیچے ہوتا رہتا ہے۔ آلے میں کمپیوٹر کا نظام نصب ہے جو نبض کی حرکت کے ساتھ ہی حرکت قلب میں خون کے دباؤ کا جائزہ پیش کرتا ہے۔

انسٹی ٹیوٹ کے ڈائریکٹر پروفیسر برائن ولیمز کا کہنا ہے: 'اس کا تخمینہ بالکل درست ہے۔ یہ مشین بازو کے ذریعے چیک کیے جانے والے بلڈ پریشر سے بہتر طریقہ ہے۔

آخری وقت اشاعت: ہفتہ 8 جون 2013 ,‭ 12:30 GMT 17:30 PST

ح