بندہ مومن کی دعا رد نہیں ہوتی !

[ابو عکاشہ]

ما مِن رجلٍ يَدعو اللَّهَ بدعاءٍ إلَّا استُجيبَ لَهُ ، فإمَّا أن يعجَّلَ له في الدُّنيا ، وإمَّا أن يُدَّخرَ لَهُ في الآخرةِ ،وإمَّا أن يُكَفَّرَ عنهُ من ذنوبِهِ بقدرِ ما دعا ، ما لم يَدعُ بإثمٍ أو قَطيعةِ رحمٍ أو يستعجِلْ . قالوا : يا رسولَ اللَّهِ وَكَيفَ يستَعجلُ ؟ قالَ : يقولُ : دعوتُ ربِّي فما استجابَ لي
الراوي: أبو هريرة المحدث:الألباني - المصدر: صحيح الترمذي - الصفحة أو الرقم: 3604
خلاصة حكم المحدث: صحيح دون قوله: "وإما أن يكفر عنه من ذنوبه بقدر ما دعا"

سیدنا ابوہریرہ رضی اللہ تعالیٰ عنہ سے روایت ہے کہ رسول اللہ صلی اللہ علیہ وسلم نے فرمایا کہ اگر کوئی شخص اللہ تعالیٰ سے دعا کرتا ہے تو اس کی دعا ضرور قبول ہوتی ہے یا تو دنیا میں ہی اسے وہ چیز عطا کر دی جائے یا اس اس کے لئے آخرت میں ذخیرہ بنا دیا جائے، یا پھر اس دعا کی وجہ سے اس کے گناہوں کا کفارہ ادا ہو جاتا ہے۔ بشرطیکہ اس کی دعا کسی گناہ یا قطع رحم کے لئے نہ ہو اور وہ جلدی نہ کرے۔ صحابہ کرام نے عرض کیا یا رسول اللہ ! جلدی سے کیا مراد ہے؟ فرمایا یہ کہے کہ میں نے اللہ سے دعا کی لیکن اس نے قبول نہ کی۔ یہ حدیث اس سند سے غریب ہے۔
امام البانی رحمہ اللہ نے خط کشیدہ الفاظ کو چھوڑ کر باقی روایت کو صحیح کہا ہے
جامع ترمذی:جلد دوم:حدیث نمبر 1564
اسی مفہوم کی ایک اور روایت
سیدنا عبادہ بن صامت رضی اللہ عنہ روایت کرتے ہیں کہ نبی کریم صلی اللہ علیہ وسلم نے فرمایا:روئے زمین پر کوئی بھی مسلمان اللہ سے کوئی دعا کرے تو اللہ اس کی دعا ضرور قبول کرتا ہے۔ یا تو اس کی مانگی ہوئی مراد فوری طور پر اسے مل جا تی ہے یا دعاء کے بقدر اس کی مصیبت ٹال دی جاتی ہے۔ شرط یہ ہے کہ اس کی دعا گناہ یا قطع رحمی پر مبنی نہ ہو۔ (صحیح الترغیب والترھیب حدیث:1631)
مسند احمد میں بھی اسی طرح کی ایک روایت آئی ہے جسے امام احمد نے لا باس بہ سند کے ساتھ روایت کیا ہے
سیدنا ابو ہریرہ سے روایت ہے کہ رسول اللہ صلی اللہ علیہ وآلہ وسلم نے فرمایا کہ
جو مسلمان بھی کسی چیز کے مانگنے کے لیے اللہ تعاٰلی کی جانب منہ اٹھاتا ہے (اوردعاکرتاہے) تو اللہ تعاٰلی اس کو وہ چیز ضرور عطا فرمادیتا ہے،یا اس کے لیے اسے آخرت میں ذخیرہ کردیتا ہے (بحوالہ مختصر الترغیب والترھیب حدیث نمبر 553)

 

[محمد نعیم یونس]

جزاک اللہ خیرا۔

 

[شاکر]

جزاک اللہ خیرا۔