بھارت سے زیادہ جوہری ہتھیار رکھنے کے باوجود پاکستان ان میں اضافہ کر رہا ہے،سوئیڈش تھنک ٹینک

[بخاری سید]

اسٹاک ہوم: ایک سوئیڈش تھنک ٹینک نے اپنی رپورٹ میں کہا ہے کہ بیرونی خطرات اور اپنی بقا کو لاحق خطرات کی وجہ سے پاکستان کے جوہری ہتھیاروں کی تعداد نہ صرف بھارت سے زیادہ ہیں بلکہ وہ ان میں مسلسل اضافہ کررہا ہے۔
رپورٹ میں کہا گیا ہے کہ پاکستان کو اپنے روایتی دشمن بھارت سے جنگ کی صورت میں زیادہ شہروں اور اہداف کو نشانہ بنانا پڑے گا جس کی وجہ سے وہ زیادہ جوہری ہتھیار رکھنا چاہتا ہے تاہم بھارت کے حوالے سے رپورٹ میں کہا گیا ہے کہ کیوں کہ چھوٹا ملک ہونے کے باعث پاکستان میں واقع شہر بھارت کے اہداف میں ہیں اس لئے اب اس نے چین کی جانب نظریں گاڑھ لیں ہیں اور چین کے شہروں کو ہدف میں لانے کے لیے طویل فاصلے تک مار کرنے والے بیلسٹک میزائل بنا رہا ہے۔
رپورٹ میں پاکستان کی برطانیہ اور فرانس سے بھی زیادہ جوہری ہتھیار رکھنے جیسی خبروں کو غلط قرار دیا گیا ، رپورٹ میں کہا گیا ہے کہ پاکستان، بھارت اور چین نے گزشتہ ایک سال کے دوران اپنے جوہری ہتھیاروں میں مجموعی طورپر 10 سے 20 ہتھیاروں کا اضافہ کیا جس کے بعد پاکستان کے جوہری ہتھیاروں کی تعداد 110سے 120، بھارت کی 90سے 100 اور چین کی 240 سے 250ہوگئی ہے جب کہ فرانس اور برطانیہ نے گزشتہ سال کے دوران اپنے ہتھیاروں میں کسی بھی قسم کا اضافہ نہ کرتے ہوئے 300 اور 225 تک ہی محدود رکھا، رپورٹ میں اسرائیل کے جوہری ہتھیاروں کی تعداد 80 بتائی گئی ہے۔
سوئیڈش تھنک ٹینک کی رپورٹ میں مزید کہا گیا ہے کہ پاکستان، بھارت اور چین کی جانب سے ہتھیاروں میں اضافے کے باجود گزشہ سال دنیا میں مجموعی جوہری ہتھیاروں کی تعداد میں کمی واقع ہوئی ہے جس کی بنیادی وجہ روس اور امریکا کی جانب سے اپنے جوہری ہتھیاروں میں کمی کرنا ہے۔
ربط

 

[عکرمہ]

جی یہ’’اسلامی ٹیکنالوجی‘‘مشکل ترین حالات کے لیے سنبھال کر رکھی ہوئی ہے۔۔۔

 

[بخاری سید]

جی یہ’’اسلامی ٹیکنالوجی‘‘مشکل ترین حالات کے لیے سنبھال کر رکھی ہوئی ہے۔۔۔

عکرمہ بھائی ایک کے جملے سے کسی جگہ پڑھی بات یاد آگئی۔
ایک شخص کو کسی راہزن نے چاقو دکھا کر روکا اور کہا کہ جو کچھ بھی ہے نکال دو۔ اس شخص نے اپنی تمام رقم اور قیمتی چیزیں نکال دیں۔ راہزن کو اس کی ایک جیب پر شک ہوا کہ یہ بھاری ہے اس میں کچھ قیمتی ہوگا تو راہزن نے اس شخص کی خود تلاشی لی اور اس جیب میں موجود پستول دیکھ کر راہزن حیران رہ گیا خیر اس نے پستول نکال کر اپنے قبضے میں لے لیا اور اس شخص سے پوچھا کہ تم نے یہ پستول کیوں رکھا ہوا ہے۔ تو اس شخص نے معصومیت سے جواب دیا "مشکل وقت کے لیے"۔
ابتسامہ

 

[حسن شبیر]

ایک شخص کو کسی راہزن نے چاقو دکھا کر روکا اور کہا کہ جو کچھ بھی ہے نکال دو۔ اس شخص نے اپنی تمام رقم اور قیمتی چیزیں نکال دیں۔ راہزن کو اس کی ایک جیب پر شک ہوا کہ یہ بھاری ہے اس میں کچھ قیمتی ہوگا تو راہزن نے اس شخص کی خود تلاشی لی اور اس جیب میں موجود پستول دیکھ کر راہزن حیران رہ گیا خیر اس نے پستول نکال کر اپنے قبضے میں لے لیا اور اس شخص سے پوچھا کہ تم نے یہ پستول کیوں رکھا ہوا ہے۔ تو اس شخص نے معصومیت سے جواب دیا "مشکل وقت کے لیے"۔
ابتسامہ

ہاہاہاہاہا بہت خوب اور یہی حال آج ہمارا ہے، سب کچھ ہونے کے باوجود

 

[بخاری سید]

ہاہاہاہاہا بہت خوب اور یہی حال آج ہمارا ہے، سب کچھ ہونے کے باوجود

خوب تو عکرمہ بھائی نے کہا مجھے بس یہ پڑھی بات یاد آگئی تھی۔
ایٹمی طاقت ہونے کے باوجود ہمارے حکمران عادت سے مجبور ہیں اس لیے ہر غیر خدا کے آگے ماتھا ٹیکنا اپنا فرض سمجھتے ہیں۔ پاکستان کے ایٹمی پروگرام کو اگر بچایا تو صحیح معنوں میں غلام اسحٰق خان نے بچایا جس نے سیاسی حکومتوں کی ایٹمی پروگرام میں مداخلت سرے سے ہی ختم کر دی ورنہ غیر ملکی طاقتیں کب کی ہمارے ایٹمی پروگرام کے راز اڑا چکی ہوتیں۔ اس معاملے میں ہر دور حکومت میں کوششیں ہوتی رہی ہیں۔ پاکستان کا ایٹمی پروگرام ابھی تک اپنی الگ سیکورٹی الگ نظام کی وجہ سے محفوظ ہے ورنہ جس طرح ضیاء الحق نے آئی ایس آئی کے اس وقت کے چیف برگیڈیئر ترمذی کو پشاور میں امریکی جاسوس کے سامان سے برآمد ہونے والے کہوٹہ پلانٹ کے بیرونی نقشے اور تصاویر واپس کرنے کا حکم دے دیا تھا اس ہی طرح اور بھی بہت سے راز امریکہ کو بہم پہنچائے جا سکتے تھے۔ خیر کوششیں اب بھی جاری ہیں لیکن ایٹمی پروگرام فی الحال الحمد اللہ محفوظ ہاتھوں میں ہے۔ (یہ سیاسی بیان نہیں ہے صد فی صد حقیقت حال بیان کی ہے میں نے)۔

 

[حسن شبیر]

بخاری سید
ایٹمی طاقت ہونے کے باوجود ہمارے حکمران عادت سے مجبور ہیں اس لیے ہر غیر خدا کے آگے ماتھا ٹیکنا اپنا فرض سمجھتے ہیں

یہ بات تو حقیقت ہے کہ جب بندہ ایک رب کا در چھوڑتا ہے، اللہ رب العزت پر یقین کی بجائے اسی رب کے بنائے ہوئے بندوں کے در پر جا کر سجدہ ریز ہوتا ہے تو پھر یہی حال ہوتا ہے۔ جو ایک درچھوڑتا ہے وہ پھر دربدر ہو جاتا ہے، سوائے ذلت ورسوائی اور خوف کے کچھ ہاتھ نہیں آتا۔ اوریہی کچھ تو ہو رہا ہے۔

 

[بخاری سید]

بخاری سید
ایٹمی طاقت ہونے کے باوجود ہمارے حکمران عادت سے مجبور ہیں اس لیے ہر غیر خدا کے آگے ماتھا ٹیکنا اپنا فرض سمجھتے ہیں

یہ بات تو حقیقت ہے کہ جب بندہ ایک رب کا در چھوڑتا ہے، اللہ رب العزت پر یقین کی بجائے اسی رب کے بنائے ہوئے بندوں کے در پر جا کر سجدہ ریز ہوتا ہے تو پھر یہی حال ہوتا ہے۔ جو ایک درچھوڑتا ہے وہ پھر دربدر ہو جاتا ہے، سوائے ذلت ورسوائی اور خوف کے کچھ ہاتھ نہیں آتا۔ اوریہی کچھ تو ہو رہا ہے۔

جزاک اللہ خیرا