بھیک مافیا کا شکار پاکستانی بچے

[بخاری سید]

کسی بھی پاکستانی مسلمان کے لیے درگاہ کی زیارت کرنا اور وہاں فقیروں، گداگروں اور سائلوں کو پیسے دینا ایک عام بات ہے۔
لیکن درگاہ پر جانے والے زائرین کی اسی فراخ دلی اور خدا ترسی نے پاکستان میں 'بھیک مافیا' کو جنم دیا ہے۔ جو ہزاروں پاکستانی بچوں کو بھکاری بننے پر مجبور کر رہے ہیں۔
پاکستان کے اکثر شہروں اور قصبوں میں صوفیا کرام کی کئی درگاہیں موجود ہیں۔ عام طور پر انھیں صوفی اور درویش تسلیم کیا جاتا ہے اور ان کی درگاہوں پر لوگ کثیر تعداد میں منتیں اور دعائیں مانگنے آتے ہیں۔
یہ درگاہیں بھکاریوں کے لیے ہمیشہ کشش رکھتی ہیں۔ بھکاریوں میں بچوں کی بھی بڑی تعداد ہے ۔

مکمل خبر کا ربط

 

[بخاری سید]

لازم نہیں کہ مجھے اس رپورٹ کی تمام باتوں یا تفصیلات سے اتفاق ہو تاہم یہ ایک سنجیدہ مسئلہ ہے اور اس پر توجہ دینے کی ضرورت ہے۔
ساتھیوں سے التماس ہے کہ مسلکی اختلاف کو ایک سائڈ پر رکھ کر تعمیراتی کمنٹس دیں جو اس مسئلے کے حل میں معاون ہوں۔
جزاک اللہ خیرا

 

[شاکر]

مسئلہ کا حل تو معلوم نہیں۔
مگر میں نے گزشتہ کچھ ذاتی اور کچھ دوسروں کے تجربات کی روشنی میں ایک فیصلہ یہ کیا ہے کہ کبھی کسی بھی بھکاری کو راہ چلتے پیسے نہیں دینے، چاہے وہ حلیہ سے کیسا ہی مظلوم اور بے حال دکھتا ہو۔
اپنی آمدن اور اخراجات کے تناسب کا اندازہ لگا کر ہر ماہ کچھ رقم الگ کر کے ان لوگوں کو دیتا ہوں جو یا تو میرے آس پڑوس میں رہتے ہیں اور سفید پوش ہیں۔ اور یا پھر پنجاب میں ہمارے غریب رشتہ دار ہیں۔
سوال بس کبھی کبھی یہ تنگ کرتا ہے کہ آیا واقعی آنگن میں بھوک سے مرنے والا کتے کا بچہ افریقہ میں سینکڑوں کی تعداد میں بھوک سے مرنے والے بچوں کی نسبت اہم ہے۔ کیونکہ بعض اوقات باہر ایسے لوگ نظر آتے ہیں، جنہیں دیکھ کر محسوس ہوتا ہے کہ یہ ان لوگوں کی نسبت تعاون کے زیادہ حق دار ہیں، لیکن اب دھوکے بازوں کو واقعتاً ضرورتمندوں سے ممتاز کرنا بھی آسان نہیں رہا ہے۔
لیکن حیرت تو ان پر ہوتی ہے کہ جو ایسے لوگوں کو روپیہ دو روپیہ دینے میں کچھ بھی حرج نہیں محسوس کرتے جو صد فیصد پروفیشنل بھکاری ہوتے ہیں۔ خیرات کی اہمیت اپنی جگہ، لیکن مسلم معاشرے کو اس لت میں مبتلا کرنے والے خیر سے ہم ہی ہیں۔ خانہ بدوش جھگی والوں کی آبادیوں کی آبادیاں دن بھر پورے شہر میں اپنے اپنے اڈوں پر بھیک مانگتے ہیں، اور سب کچھ جاننے سمجھنے کے باوجود لوگ انہیں بھیک دینے سے نہ صرف یہ کہ باز نہیں آتے بلکہ ثواب سمجھ کر مستقل مزاجی سے یہ کام کرتے ہیں۔

 

[بخاری سید]

شاکر بھائی اس معاملے میں ذاتی طور پر میرا بھی یہی اصول ہے کہ اپنے طور پر تسلی کر کے مستحق کی امداد کی جائے تاہم کبھی کبھی ایسا بھی ہوتا ہے کہ کچھ لوگ ایسے ملتے ہیں جن کی مدد کرنے پر دل مطمئن ہوتا ہے لیکن تصدیق کا وقت نہیں ہوتا۔ باقی کچھ دوستوں کے ساتھ مل کر ایک ایسا سیٹ اپ بھی بنا رکھا ہے جو کچھ مخصوص معاشرتی معاملات میں محدود حد تک بے لوث خدمت خلق کے جذبے کے تحت کام کرتا ہے۔

 

[حسن شبیر]

شئیرنگ کا شکریہ

 

[بخاری سید]

شئیرنگ کا شکریہ

دعاء کیجیئے گا بھائی کہ مسائل کے حوالے سے اچھی شیئرنگ آپ سب کے سامنے پیش کرتا رہوں۔

 

[کنعان]

السلام علیکم

سسٹم کی خرابی کی وجہ سے ہر طرح سے کرپشن بڑھتی جا رہی ھے، جن ممالک میں بچے، بوڑھے اور وہ جوان جن کے پاس جب تک جاب نہ ہو ان کے لئے بیت المال سے حصہ مقرر ہوتا ھے وہاں گداگری پیشہ نہیں بنتی۔

پاکستان میں گداگر تو بہت دور رہ گئے اس وقت کرپشن کا گراف اتنا بڑھ چکا ھے کہ ماڈرن لوگ ایک دوسرے سے اسلحہ کے زور پر چھین رہے ہیں جس میں تھوڑی سی بھی غلطی پر جان سے بھی جانا پڑتا ھے۔ اس پر اللہ سبحان تعالی سے دعا کی کی جا سکتی ھے کہ مسلمانوں کے حال پر رحم فرما، آمین!

والسلام