بیٹیاں ہمیشہ قیمتی ہوتی ہیں

[حسن شبیر]

شادی کی پہلی رات میاں بیوی نے فیصلہ کیا کہ جب وہ کمرے میں پہنچ جائیں گے تو پھر دروازہ نہیں کھولیں گے چاہے کوئی بھی آ جائے.
ابھی دروازہ بند ہوئے تھوڑی ہی دیر ہوئی تھی کہ دلہے کے والدین کمرے کے باہر پہنچے تاکہ اپنے بیٹے اور بہو کو نیک تمناؤں اور راحت بھری زندگی کی دعا دے سکیں، دستک ہوئی بتایا گیا کہ دلہے کے والدین باہر موجود ہیں.
دلہا دلہن نے ایک دوسرے کی طرف دیکھا باوجود اس کے کہ دلہا دروازہ کھولنا چاہتا تھا اس نے اپنے فیصلے کو مدنظر رکھا اور دروازہ نہیں کھولا.
والدین ناکام واپس لوٹ گئے.
ابھی کچھ دیر ہی گزری تھی کہ دلہن کے والدین بھی دلہے کے گھر جا پہنچے تاکہ اپنی بیٹی اور داماد کو اپنی نیک خواہشات پہنچا سکیں اور انہیں سکھی زندگی کی دعا دے سکیں.
ایک بار پھر کمرے کے دروازے پر دستک دی گئی اور بتایا گیا کہ دلہن کے والدین کمرے کے باہر موجود ہیں. دلہا دلہن نے ایک دوسرے کی طرف دیکھا پھر اپنا فیصلہ ذہن میں تازہ کیا.
باوجود اس کے کہ فیصلہ ہو چکا تھا دلہن کی آنسوؤں بھری سرگوشی سنائی دی
نہیں میں اپنے والدین کے ساتھ ایسا نہیں کر سکتی اور فورا دروازہ کھول دیا.
شوہر نے یہ سب دیکھا مگر دلہن کو کچھ نا کہا خاموش رہا.
اس بات کو برسوں بیت گئے ان کے ہاں چار بیٹے پیدا ہوئے اور پانچویں بار ایک بیٹی پیدا ہوئی.
شوہر نے ننھی گڑیا کے اس دنیا میں آنے کی خوشی میں ایک بہت بڑی پارٹی کا انتظام کیا اور اس پارٹی میں ہر اس شخص کو بلایا جسے وہ جانتا تھا اور خوب خوشیاں منائی گئیں.
اس رات بیوی نے اپنے شوہر سے پوچھا کہ آخر کیا وجہ ہے کہ آپ نے اتنی بڑی پارٹی کا اہتمام کیا جبکہ اس سے پہلے چاروں بچوں کی پیدائش پر ہم نے یہ سب کچھ نہیں کیا.
شوہر مسکرایا اور بولا۔۔۔۔
یہ وہ ہے جو میرے لئے دروازہ کھولے گی.
بیٹیاں ہمیشہ قیمتی ہوتی ہیں۔

 

[سرفراز فیضی]

کیا یہ بات صحیح ہے کہ بیٹیاں بیٹوں سے زیادہ والدین سے محبت کرتی ہیں؟

 

[حسن شبیر]

کیا یہ بات صحیح ہے کہ بیٹیاں بیٹوں سے زیادہ والدین سے محبت کرتی ہیں؟

جی بالکل یہ سچ ہے!
ہم اپنی مائوں کو دیکھ لیں، اپنی بیویوں کو دیکھ لیں۔کتنی والہانہ محبت کرتی ہیں اپنے والدین سے۔

 

[سرفراز فیضی]

ہاں لیکن ہم اپنے والد کو بھی دیکھتے کہ وہ اپنے والدین سے بہت محبت کرتے ہیں ۔
اور میرا بچہ بھی مجھ سے ویسی ہی محبت کرتا ہے جیسا میری بچیاں ۔
بلکہ بعض مرتبہ میں نے یہ بھی دیکھا ہے کہ بیٹے والدین خاص طور پر والدہ سے بیٹیوں کی بنسبت زیادہ محبت کرتے ہیں ۔

 

[جمشید]

میکہ چاہے کیسابھی ہو لڑکیاں ہمیشہ اپنے میکہ کے گن گان گایاکرتی ہیں۔اب ظاہر سی بات ہے کہ میکہ تووالدین کے وجود سے ہی قائم رہتاہے۔(ابتسامہ)
ویسے یہ حقیقت اورتلخ حقیقت ہے کہ بیشتر لڑکیاں اپنے شوہر کے والدین جو ان کے بھی والدین ہوتے ہیں ان کی خدمت سے جی چراتی ہیں اوروالدین کی خدمت میں آگے رہتی ہیں لیکن ایساکرتے ہوئے وہ بھول جاتی ہیں جوحرکت وہ اپنے شوہر کے والدین کے ساتھ کریں گی کم ازکم یہی حرکت ان کے بھائی کی بیویاں بھی ان کے والدین کے ساتھ کریں گی!!!!!!!

 

[sadia]

عام طور پر بیٹے والدہ اور بیٹی والد سے زیادہ محبت رکھتی ہے:)

 

[sadia]

 

[عبداللہ حیدر]

السلام علیکم،

شیخ کفایت اللہ
اس حدیث کی صحت کے بارے بتائیے۔ آج کل یہ سوشل میڈیا پر بہت نشر ہو رہی ہے۔ شیخ کفایت اللہ کو کوئی بھائی ٹیگ کر دے پلیز۔