تیرے سوامعبودحقیقی کوئی نہیں ہے کوئی نہیں

[محمد شاہد]

تیرے سوامعبودحقیقی کوئی نہیں ہے کوئی نہیں
تیرے سواموجودحقیقی کوئی نہیں ہے کوئی نہیں

تیرے سوامقصودحقیقی کوئی نہیں ہے کوئی نہیں
تیرے سوامشہودحقیقی کوئی نہیں ہے کوئی نہیں

تیرے سوامسجودحقیقی کوئی نہیں ہے کوئی نہیں
تیرے سواموجودحقیقی کوئی نہیں ہے کوئی نہیں

اب تورہے بس تادم آخروردزبان اے میرے الہہ
لا الہ الاللہ لا الہ الاللہ
لا الہ الاللہ لا الہ الاللہ

ذکرمیں تیرے سب کوبھلادوں کوئی نہ مجھ کویادرہے
تجھ پہ سب گھربارلٹادوں ۔۔۔۔خانہ دل آبادرہے

سب خوشیوں کوآگ لگادوں غم سے تیرے دل شادرہے
نظرسے اپنی سب کوگرادوں۔۔۔ تجھ سے فقط فریادرہے

ہربحروبرپہ تیری نظرہرشجروحجرپہ تیری نظر
شمس وقمرپہ تیری نظر جن وبشرپہ تیری نظر

عاصی ومومن پہ نظر۔۔۔۔فاسق وفاجرپہ نظر
تیری نظرکی یکتائی میں گم ہے ہرانسان کی نظر

(شاعر۔عاشق عاصی)​

 

[محمد ارسلان]

تیرے سواموجودحقیقی کوئی نہیں ہے کوئی نہیں

محمد شاہد بھائی! یہ جملہ غلط ہے، اور یہ وحدۃ الوجود کے کفریہ عقیدے کا غماض ہے، اہل تصوف کا عقیدہ وحدۃ الوجود بھی یہی ہے کہ اللہ کے سوا کوئی موجود نہیں، کائنات میں جو کچھ ہے یہ سب اللہ ہے، نعوذباللہ من ذالک۔ نقل کفر کفر نباشد
جبکہ اللہ تعالیٰ قرآن مجید میں فرماتا ہے:
قُلْ هُوَ اللَّـهُ أَحَدٌ ﴿١﴾ اللَّـهُ الصَّمَدُ ﴿٢﴾ لَمْ يَلِدْ وَلَمْ يُولَدْ ﴿٣﴾ وَلَمْ يَكُن لَّهُ كُفُوًا أَحَدٌ ﴿٤﴾۔۔۔سورۃ الاخلاص
ترجمہ: آپ کہہ دیجئے کہ وه اللہ تعالیٰ ایک (ہی) ہے (1) اللہ تعالیٰ بے نیاز ہے (2) نہ اس سے کوئی پیدا ہوا نہ وه کسی سے پیدا ہوا (3) اور نہ کوئی اس کا ہمسر ہے (4)
اور
وَجَعَلُوا لَهُ مِنْ عِبَادِهِ جُزْءًا ۚ إِنَّ الْإِنسَانَ لَكَفُورٌ مُّبِينٌ ﴿١٥﴾۔۔۔سورة الزخرف
ترجمه: اور انہوں نے اللہ کے بعض بندوں کو اس کا جز ٹھہرا دیا یقیناً انسان کھلم کھلا ناشکرا ہے

شیخ صالح الفوزان حفظہ اللہ فرماتے ہیں کہ یہ عیسائیوں اور یہودیوں کے کفر سے بڑا کفر ہے، کیونکہ یہودیوں نے صرف حضرت عزیر علیہ السلام اور عیسائیوں نے صرف حضرت عیسی علیہ السلام کو اللہ کا بیٹا کہا اور کافر ہو گئے، کیونکہ اللہ اولاد سے پاک ہے، جبکہ صوفیوں نے ہر گندی اور غلیظ چیز کو بھی اللہ کہا۔ نعوذباللہ من ذلک

اسی لئے اہل تصوف کا بڑا عالم جسے صوفیوں کے نزدیک شیخ اکبر کہا جاتا ہے ابن عربی، وہ اہل سنت والجماعت اہل حدیث کے نزدیک کافر و مرتد ہے۔

اللہ تعالیٰ سمجھنے کی توفیق عطا فرمائے آمین

 

[محمد ارسلان]

تیرے سوامقصودحقیقی کوئی نہیں ہے کوئی نہیں

شاہد بھائی! اس کی بھی تحقیق کروائیں، اگر یہاں "مقصود حقیقی" کا مقصد صرف اللہ کی رضا کے لئے زندگی گزارنا اور اللہ اور اس کے رسول صلی اللہ علیہ وسلم کی فرمانبرداری کر کے اللہ کی خوشنودی حاصل کرنا مقصد ہے تب تو ٹھیک ہے، لیکن اگر اس جملے کا مطلب کچھ اور ہے تو پھر تصحیح کریں۔

تیرے سوامشہودحقیقی کوئی نہیں ہے کوئی نہیں

اس کی بھی تحقیق کروائیں، کیونکہ صوفیوں میں وحدۃ الوجود کے ساتھ وحدۃ الشہود کا کفریہ و شرکیہ عقیدہ بھی ہے، کہیں یہاں پر بھی یہ عقیدہ مراد نہ ہو۔ العیاذباللہ
خضر حیات بھائی
انس بھائی

 

[محمد ارسلان]

تیری نظرکی یکتائی میں گم ہے ہرانسان کی نظر

اس جملے کی مجھے سمجھ نہیں آئی، اگر اس کی بھی وضاحت ہو جائے تو اچھا ہے۔

 

[محمد شاہد]

جزاک اللہ خیرا
محمد ارسلان بھائی!
کیونکہ یہ اشعارشاعر(عاشق عاصی)کےہیں لحاظ اس سے میرامتفق ہوناضروری نہیں۔
آپ کےقیمتی کمنٹس کےساتھ ساتھ میں علماء کرام کےکمنٹس بھی جاننا چاہوں گا۔علماء کرام سےمیری گزارش ہےکہ اپنےقیمتی وقت میں سےتھوڑاوقت نکال کرارسلان بھائی کی کوڈ کی ہوئی تحریرپرکمنٹس دیں۔
اگر بات واقعی ایسی ہی ہے تومیں انتظامیہ سےگزارش کروں گا کہ میرےاس تھریڈ کوڈیلیٹ کردیاجائے۔
اللہ سبحانہ وتعالی میری اس خطا کواپنی رحمت سےمعاف فرمائے۔