جامعہ اسلامیہ مدینہ میں سہ روزہ افطار پروگروام

[makki pakistani]

پاکستانی طلباءکے انتظامات منفرد انداز میں افطاری پروگرام پر اساتذہ اور ذمہ داروں کا اظہارتشکر

مدینہ منورہ ( ارسلان ہاشمی ) جامعہ اسلامیہ میں عاشورہ کے موقع پر 3 روزہ اجتماعی افطاری کا اہتمام کیا گیا جس کے تمام انتظامات جامعہ میں زیر تعلیم پاکستانی طلباءنے انجام دیئے ۔ یونیورسٹی کے سیکریٹری نے منفرد انداز میں افطاری پروگرام کو سراہتے ہوئے کہا پاکستانی طلباءباصلاحیت ہیں جنہوں نے انتہائی منظم اور بہترین طریقے سے تینوں دن افطار پروگرام کو کامیابی سے مکمل کیا اور کسی کو کوئی دشواری کاسامنا نہیں کرنا پڑا ۔ جامعہ میں طلباءکے امور کے نگران نے پروگرام کے روح رواں پاکستانی طالب علم وقار سندھی کے کارہائے نمایاں کی تعریف کرتے ہوئے کہا کہ سندھی نے جس خوبصورتی سے عاشورہ کے روزوں کے تینوں دن اپنی ٹیم کے ساتھ روزہ داروں کی خدمت کی وہ قابل ستائش ہے ۔ پاکستانی طلباءنے بہترین طریقے سے اپنے ساتھیوں کی خدمت کی جس کا اجر رب کریم انہیں عطا فرمائے ۔ وقار سندھی نے جامعہ کے ذمہ داروں کا شکریہ ادا کرتے ہوئے کہا کہ ہم طیبہ الطیبہ میں مقیم ہیں جہاں سے نور ہدایت نے دنیا کو منور کیا اور اہل اسلام کو ایک دوسرے کا بھائی بنا یا ۔ افطارپروگرام میں ہمارے ساتھیوں نے محض رب تعالیٰ کی رضا کےلئے اپنے بھائیوں کی خدمت کی ۔ ہم یہ عہد کرتے ہیں کہ مستقبل میں بھی ہر میدان میں اسی طرح اپنے ساتھیوں کی خدمت کرتے رہیں گے ۔ سرزمین حرمین ہر پاکستانی کےلئے انتہائی مقدس ہے ۔ حرمین کا تقدس ہمیں اپنی جانوں سے بڑھ کر عزیز ہے ۔http://www.urdunews.com/​

 

[zahra]

nice sharing its amazing really appreciated