جاوید چوہدری کا ہم سب سے ایک سوال

[یوسف ثانی]

 

[بیبرس]

اس کالم سے جاوید چوہدری صاحب کیا ثابت کرنا چاہتے ہیں؟
یقینا اس میں کالم نگار نے بہت سے ایسے پہلووں کی جانب اشارہ کیا ہے جو ہم سب کیلئے قابل غور اور قابل فکر ہونا چاہئے۔
لیکن۔۔۔ معاف کیجئے، جاید چوہدری صاھب کے پچھلے کئی کالمز پڑھ کر میں ان کے بارے میں یہ گمان رکھنے میں بھی حق بجانب ہوں کہ کہیں وہ یہ تو ثابت نہیں کرنا چاہتے کہ:
نبی اکرم صلی اللہ علیہ وسلم اور صحابہ کرام کو مقدس ہستیوں کے طور پر قبول کرتے ہوئے ایسے اونچے درجے پر فائز کیا جائے جہاں ہم عمل میں ان کی اتباع نہ کر سکیں۔
نتیجتا ہمارے آئیڈیل بھی عام لچے لفنگے ہونے چاہئے۔

 

[ماریہ انعام]

السلام علیکم ورحمۃ اللہ وبرکاتہ

اگر ہم آپﷺ کو اپنا آئیڈیل ماننے کے باوجود آپﷺ کی پیروی نہیں کرتے تو یہ ہماری عملی کوتاہی ہے ۔۔۔۔لیکن ہمارا عقیدہ درست ہے اگر عقیدہ اور عمل مل جائیںتو سونے پر سہاگہ والی بات ہو جاتی ہے۔۔۔یہ ایسے ہی ہے کہ ایک شخص عقیدے کی حد تک زکاۃ کو فرض مانتا ہے لیکن اس میں عملی کوتاہی ہے تو اسے ہم خارج عن الملۃ نہیں کہیں گے۔۔۔لیکن دوسری طرف حضرت ابو بکر نے مانعینِ زکاۃ کے خلاف جہاد کیا تو یہ دراصل ان کے غلط عقیدے کے خلاف جہاد تھا
اس آیت کا کیا مطلب ہے
لَقَد كانَ لَكُم فى رَسولِ اللَّـهِ أُسوَةٌ حَسَنَةٌ لِمَن كانَ يَرجُوا اللَّهَ وَاليَومَ الاخِرَ وَذَكَرَ اللَّـهَ كَثيرًا ﴿٢١﴾

 

[عبدہ]

کالم سے اقتباس
میں اور علی ان کا منہ دیکھ رہے تھے
خاتون استاد نے اس سٹڈی کے آخر میں تین نکتے سمجھائے
1-نبی سینٹ اور لیڈر عام لوگ نہیں ہوتے یہ عام لوگوں سے بالاتر ہوتے ہیں ہم کچھ بھی کر لیں ہم ان جیسے نہیں بن سکتے ہم بہت زور لگا لیں تو اپنے اند ان جیسی کوئی ایک آدھ خونی پیدا کر لیں گے اور بس لہذا ہمیں انکی صرف اتباع کرنی چاہئے ان جیسا بننے کی کوشش نہیں کرنی چاہئے کیونکہ یہ کوشش ہمارے اندر بی ہیویر کا بحران پیدا کر دیتی ہے اور لوگ ہمیں منافق کہنے لگتے ہیں

2-اگر ہم گزرے ہوئے لوگوں کی بجائے زندہ لوگوں کو آئیڈیل بنائیں تو ہم ان سے بہت کچھ سیکھ سکتے ہیں

3-آپ کسی ایک زندہ شخص کو آئیڈیل مان کر اسکی اخلاقیات اور بی ہیویر کی کاپی کر لیں آپ اسکی عادتیں اپنا لیں آپ کامیابی کے راستے پر چل پڑیں گے

انشاءاللہ جلد اس کی حقیقت کھولنے کی کوشش کروں گا

 

[یوسف ثانی]

اگرچہ کہ میں اس کالم سے یا استاد خاتون کی جملہ باتوں سے متفق نہیں۔ لیکن ذیل کی ان باتوں میں تو صداقت جھلکتی ہے، الا یہ کہ انہوں نے نبی، سینٹ اور لیڈرز کو ایک ہی صف میں کھڑا کردیا ہے

1. [*]نبی سینٹ اور لیڈر عام لوگ نہیں ہوتے یہ عام لوگوں سے بالاتر ہوتے ہیں
   [*]ہم کچھ بھی کر لیں ہم ان جیسے نہیں بن سکتے
   [*] ہم بہت زور لگا لیں تو اپنے اند ان جیسی کوئی ایک آدھ خونی پیدا کر لیں گے اور بس
   [*] لہذا ہمیں ان کی صرف اتباع کرنی چاہئے ان جیسا بننے کی کوشش نہیں کرنی چاہئے

 

[ماریہ انعام]

اگرچہ کہ میں اس کالم سے یا استاد خاتون کی جملہ باتوں سے متفق نہیں۔ لیکن ذیل کی ان باتوں میں تو صداقت جھلکتی ہے، الا یہ کہ انہوں نے نبی، سینٹ اور لیڈرز کو ایک ہی صف میں کھڑا کردیا ہے

1۔کوئی بھی مسلمان آپﷺ کے اسوۃ حسنۃ پر عمل اسی نیت سے کرتا ہے کہ وہ آپﷺ کی پیروی کرنا چاہتا ہے ۔۔۔۔یہ سوچ کسی کی بھی نہیں ہوتی کہ ایسا کر کے میں نعوذ باللہ آپﷺ جیسا بن جاؤں گا ( یعنی نبی)

2۔کسی اور لیڈر کا تو پتہ نہیں لیکن آپﷺ کے خصائص کے علاوہ آپﷺ کی پوری زندگی ہمارے لیے نمونہ ہے۔۔۔پھر وہی بات دہراؤں گی عقیدہ ہمارا یہی ہونا چاہیے عملی کوتاہی سے اللہ کی رحمت سے درگذر کی امید ہے۔۔

3۔ آپﷺ کی ہم اتباع ہی کرتے ہیں نعوذ باللہ آپﷺ جیسا بننے کی کوشش نہیں کرتے

یہ فلسفہ ایک کافر کا تو ہو سکتا ہے جس کے پاس آپﷺ جیسا نمونہ کامل نہیں ۔۔۔کسی مسلمان کو اس سے متاثر نہیں ہونا چاہیے
اس کالم میں ہمارے لیے عملی نکتہ صرف اور صرف یہی ہو سکتا ہے کہ ہمیں زیادہ سے زیادہ آپﷺ کی پیردی کرنی چاہیے ۔۔۔اس کے علاوہ اس کالم میں رطب و یابس کے سوا کچھ اور نہیں