جرمن زبان کا سب سے لمبا لفظ ہذف

[بخاری سید]

جرمنی میں ایک قانون کو یورپی یونین کے ضابطوں کے مطابق بنانے کے لیے جرمن زبان کا سب سے لمبا لفظ ہذف کر دیا گیا ہے۔
وہ لمبا لفظ Rindfleischetikettierungsueberwachungsaufgabenuebertragungsgesetz ہے جس کا مطلب ہے کہ 'بیف کے لیبل کی نگرانی کرنے کے اختیارات کو منتقل کرنے کا قانون'۔
اس لفظ کو 1999 میں جرمن ریاست میکلن برگ مغربی پومیرانیا میں متعارف کرایا گیا۔
مویشیوں کے ٹیسٹ کرنے کے لیے یورپی یونین کے قانون میں تبدیلی کے بعد اس قانون کو بھی ختم کیا گیا۔
جرمن قانونی اور سائنسی پہلوؤں کو بیان کرنے کے لیے مشکل الفاظ بنانے کے لیے مشہور ہیں۔
یہ الفاظ جرمن زبان میں 'لمبے کیڑے' کے نام سے یاد کیے جاتے ہیں۔
تریسٹھ حروف پر مشتمل یہ لفظ 'میڈ کاؤ' بیماری کے حوالے سے قانون کی وجہ سے وجود میں آیا تھا۔
'میڈ کاؤ' بیماری کو بھی RkReUAUG کا مخفف دیا گیا جو بذاتِ خود مشکل سے ادا ہونے والا لفظ ہے۔
لیکن جب یورپی یونین نے مویشیوں کو ذبح خانوں پر ٹیسٹ کرنے کو ختم کر دیا تو اس لمبے جرمن لفظ کی ضرورت بھی ختم ہوگئی۔
جرمن میڈیا کے مطابق اب دوسرے لمبے جرمن لفظ کے لیے تلاش کی جا رہی ہے۔
مقابلے کے لیے دوسرا لمبا لفظ Donaudampfschifffahrtsgesellschaftskapitaenswitwe
بتایا جاتا ہے اس لفظ کا مطلب 'دریائے ڈینوب میں چلنے والی سٹیم بوٹ کمپنی کے کپتان کی بیوہ' ہے۔
تاہم جرمن ماہرین کا خیال ہے کہ ایسے لمبے الفاظ شاذ و نادر ہی استعمال ہوتے ہیں جس کا معیاری جرمن زبان میں مستند ہونا مشکل ہے۔
ڈکشنری میں سب سے لمبا لفظ Kraftfahrzeughaftpflichtversicherung ہے جس کا مطلب 'گاڑیوں کی انشورنس' ہے۔

ربط