جمع واسم جمع اور جنس واسم جنس میں فرق

[ہدایت اللہ فارس]

جمع اور اسم جمع میں فرق یہ کہ جمع کے لیے مفرد کا ہونا ضروری ہے خواہ مِنْ لَفْظِہ ہو یا مِنْ غَیْرِ لَفْظِہ ہو، جبکہ اسم جمع وہ ہے جو جمع کا معنی تو دے مگر اس کا لفظا کوئی واحد نہ ہو۔ جیسے: قَوْمٌ، رَھْطٌ، ابل، نساء وغیرہ۔
قرآن مجید میں اس کی مثالیں موجود ہیں۔
أَفَلَا یَنظُرُونَ إِلَى ٱلۡإِبِلِ كَیۡفَ خُلِقَتۡ .
كَیۡفَ یَهۡدِی ٱللَّهُ قَوۡمࣰا كَفَرُوا۟ بَعۡدَ إِیمَـٰنِهِمۡ .....
فَٱنكِحُوا۟ مَا طَابَ لَكُم مِّنَ ٱلنِّسَاۤءِ .....
تِسۡعَةُ رَهۡطࣲ یُفۡسِدُونَ فِی ٱلۡأَرۡضِ....

جنس اور اسم جنس میں بہت سے فروق بیان کیے گئے ہیں ۔۔البتہ ان میں سے وہ فرق زیادہ راجح ہے جو کتاب التعریفات میں علامہ جرجانی کے حوالے سے منقول ہے: "الفرق بين الجنس واسم الجنس: أن الجنس يطلق على القليل والكثير، كالماء، فإنه يطلق على القطرة والبحر، واسم الجنس لا يطلق على الكثير، بل يطلق على واحد على سبيل البدل، كرجل، فعلى هذا كان كل جنس اسم جنس، بخلاف العكس."
یعنی "جنس " قلیل اور کثیر سب پر بولا جاتا ہے مثلا :پانی" کا اطلاق "قطرے پر بھی ہوتا ہے اور پورے سمندر پر بھی ۔۔
لیکن اسم جنس کا اطلاق کثیر پر نہیں ہوتا بلکہ وہ صرف ایک پر علی سبیل البدلیت ہوتا ہے جیسے "رجل" ۔۔۔
خلاصہ یہ کو دونوں کے درمیان عموم خصوص مطلق کی نسبت ہے
ہر جنس اسم جنس تو ہوگا مگر ہر اسم جنس ،جنس ہو یہ کوئی ضروری نہیں۔۔۔
واللہ اعلم بالصواب

⁦⁩ ہدایت اللہ فارس