حلال ہے مگر اتنا حلال تھوڑی ہے!

[سرور احمد]

حلال ہے مگر اتنا حلال تھوڑی ہے​

یہ مرغا اکَّھا ہی کھانا کمال تھوڑی ہے​

ہزاروں اور بھی آئیں ہیں پیارے!دعوت میں​

ہمیں تمہارا ہی تنہا خیال تھوڑی ہے​

مزا تو جب ہے کہ تم کھا کے just اٹھ جاؤ ​

ہمیشہ بیٹھے ہی رہنا کمال تھوڑی ہے​

لگانی پڑتی ہے لائن یہاں پہ کھانے کو​

بھکاریوں سی یہ دعوت وبال تھوڑی ہے!​

کھلا ہی چھوڑ دیا لڑکیوں کو لڑکوں میں​

ہے بے حسی ...انہیں کوئی ملال تھوڑی ہے ​

کیوں ہڑبڑا کے لپکتے ہو اپنا مو بائیل​

یہ ہے مس کال،کوئی مس کی کال تھوڑی ہے ​

غرور خاک میں مل جائے گا حسینوں کا​

ہے حسن فانی کوئی لازوال تھوڑی ہے ​

"ہماری بچی کا رشتہ بہت ہی مہنگا ہے"​

یہ تنہا آپ کا کوئی سوال تھوڑی ہے ​

کوئی یہ کہہ دے مدرسے کے ذمہ داروں سے​

"زکوۃ ہے کوئی ابّا کا مال تھوڑی ہے"​

لگی ہے مرچی بہت تیز مرزا جاہل کو​

بلاوجہ سے یہ تشریف لال تھوڑی ہے
​