خبردار! سعودی عرب میں انٹرنیٹ پر یہ ایک کام کرنے والوں کو اب ایک سال جیل میں گزارنا پڑ سکتا ہے!

[کنعان]

خبردار! سعودی عرب میں انٹرنیٹ پر یہ ایک کام کرنے والوں کو اب ایک سال جیل میں گزارنا پڑ سکتا ہے! سخت وارننگ جاری​

روزنامہ پاکستان، 06 جنوری 2016

ریاض (مانیٹرنگ ڈیسک) سعودی عرب میں انٹرنیٹ، اور خصوصاً سوشل میڈیا پر کسی کی توہین کرنے والوں کے لئے انتہائی سخت سزاﺅں کا اعلان کر دیا گیا ہے۔

نیوز سائٹ ایمریٹس 247 نے مقامی اخبار سبق کے حوالے سے بتایا ہے کہ انفارمیشن ٹیکنالوجی کرائم کے انسداد کے لئے بنائے گئے ایک نئے قانون کے مطابق انٹرنیٹ اور سوشل میڈیا کے ذریعے کسی کی توہین کے مرتکب افراد کو ایک سال جیل اور 5 لاکھ سعودی ریال جرمانے کی سزا دی جاسکتی ہے۔

اخبار نے معروف سعودی قانون دان خالد ابوراشد کے حوالے سے بتایا کہ یہ قانون ٹویٹر اور واٹس ایپ سمیت تمام سوشل میڈیا نیٹ ورکس پر نافذ العمل ہو گا۔

خالد ابوراشد کا کہنا تھا کہ کوئی بھی متاثرہ شخص اپنے خلاف توہین آمیز میسج یا ٹویٹ کی نقل کے ساتھ وزارت داخلہ کی ویب سائٹ پر شکایت درج کروا سکتا ہے، جس کی بناء پر ملزم کے خلاف باقاعدہ کاروائی کی جائے گی۔