داعش کے حملوں کا خطرہ! سعودی عرب نے بچاؤ کے لیے تاریخی منصوبے پر کام شروع کر دیا

[کنعان]

داعش کے حملوں کا خطرہ! سعودی عرب نے بچاؤ کے لیے تاریخی منصوبے پر کام شروع کر دیا​

15 جنوری 2015 (19:11)

​

ریاض (مانیٹرنگ ڈیسک) دیوارِ چین کا تذکرہ تو آپ نے بہت سنا ہو گا مگر اب ایک اور عظیم دیوار کی شہرت خوب پھیل رہی ہے جو کہ سعودی عرب ایک خوفناک دشمن سے بچنے کیلئے اپنی شمالی سرحد پر تعمیر کر رہا ہے۔ مملکت کے شمال میں واقع عراق کے وسیع و عریض رقبہ پر عسکریت پسند تنظیم داعش کا قبضہ ہو چکا ہے اور یہ تنظیم بارہا اعلان کر چکی ہے کہ ان کا اصل ہدف سعودی عرب پر جھنڈا لہرانا ہے۔

حال ہی میں مملکت کی شمالی سرحد پر داعش کے حملے میں 4 اہلکار ہلاک ہوئے ہیں اور روز بروز خطرہ تیزی سے بڑھ رہا ہے۔ اس خطرے سے نمٹنے کیلئے سعودی عرب نے عراق کے ساتھ سرحد پر 600 میل لمبی جدید ٹیکنالوجی سے لیس دیوار کی تعمیر شروع کر دی ہے۔

یہ دیوار ایک خار دار تار اور خندق پر مشتمل ہو گی جو کہ دونوں ممالک کو مکمل طور پر علیحدہ کر دے گی۔ اس پر نگرانی کیلئے 40 ٹاور بنائے جائیں گے جن کے اوپر ہیلی پیڈ بھی بنائے جائیں گے جبکہ ان پر Airbus Spexer 2000 راڈار اور دن رات نگرانی کرنے والے کیمرے لگائے جائیں گے۔

کسی بھی ایمرجنسی سے نمٹنے کیلئے 240 ریپڈ رسپانس وہیکل تعینات کئے جائیں گے جبکہ ہائی ٹیک دیوار کے نگرانی مراکز کو 14,50,000 میٹر لمبی فائبر آپٹک کیبل کے ذریعے وزارت داخلہ کے نگرانی مراکز کے ساتھ منسلک کیا جائے گا۔ دیوار چین کے برعکس اس دیوار کے قریب جانا موت کو دعوت دینے کے مترادف ہو گا۔

ح

 

[علی بہرام]

ویسے ایک بات تو ہے کہ جب تک یہ خارجی شام کے خلاف لڑ رہے تھے اس وقت تک سعوی عرب امریکہ اور اسرائیل ان کی مدد کررہے تھے لیکن جیسے ہی ان خارجیوں نے سعودی عرب کی بادشاہت کے خلاف بولا سعودی مفتی نے فورا حج کے خطبے میں ان لوگوں کو نام لیکر خارجی قرار دیا مظلب یہ ہوا کہ یہ خارجی دنیا میں کہیں بھی دہشتگردی کریں سعودی عرب ان کی حمایت کرتا ہے اور جہاں ان سعودی نجدی بادشاہوں کو ان خارجیوں سے اپنی بادشاہت کے بارے میں خطرہ ہو تو فورا ان کے خلاف فتویٰ آجاتا ہے اور ان سےحفاظت کے انتظامات بھی کئے جاتے ہیں