دبئی آئل کمپنی میں ملازمتوں کے مواقع

[کنعان]

دبئی آئل کمپنی میں ملازمتوں کے مواقع​

دبئی: متحدہ عرب الامارات کی نیشنل آئل کمپنی (ENOC) کو مختلف شعبہ جات میں خالی اسامیوں کے لئے تجربہ کار افراد کی ضرورت ھے۔
رپورٹس کے مطابق کمپنی کو آئل اینڈ گیس، سیلز اور کسٹمر ریلیشن، انجینئرنگ، آپریشنز، آئی ٹی، ہارڈویئر، فنانس، ایجوکیشن، ٹریننگ، اکاؤنٹس، آڈیٹنگ، مارکیٹنگ کے شعبہ جات میں اسٹاف کی ضرورت ھے۔

کمپنی کے سیلری پیکیج کے حوالے سے اب تک تفصیلات کا علم نہیں ہو سکا تاہم کمپنی کی جانب سے ملازمین کو طبعی ٹرانسپورٹ اور رہائش کی سہولیات کے ساتھ ساتھ دیگر سہولیات بھی فراہم کی جائیں گی۔

(دی نیوز ٹرائب: 6 فروری 2014)
=========

جابز ڈسکرپشن کے مطابق اگر کسی ممبر کے پاس ایسی قابلیت اور تجربہ ھے تو وہ قسمت آزمائی ضرور کرے، سیمی گورنمنٹ جاب ھے جس پر تنخواہ بہت اچھی ہوتی ھے اگر کوئی چاہے تو یہاں اپنی سی وی ارسال کر سکتا ھے، اگر آپ کو یہاں جاب آفر ہوئی تو آپکا ایک پیسہ بھی نہیں لگے گا سب اخراجات حکومت برداشت کرے گی۔

 

[یوسف ثانی]

جزاک اللہ۔
کنعان برادر! لنک کام نہیں کر رہا۔ کوئی اور لنک ہو تو ضرور دیجئے گا۔
اگر آئل اینڈ گیس سیکٹر میں کہیں فریش انجینئرز کی ویکنسی نظر آئے تو ضرور بتلائیے گا

 

[کنعان]

السلام علیکم

یوسف بھائی میرے پاس کام کر رہا ھے شائد ٹریفک پرابلم ہو پھر بھی یہ لنک چیک کریں یا یہاں ہوم پیج سے، اگر یہ بھی کام نہ کرے تو آپ ENOC dubai jobs لکھ کر سرچ کریں۔

فریش کے لئے گریجوئیٹ جاب پر دیکھیں یا انہیں سی وی ارسال کریں۔

والسلام

 

[اسحاق]

وعلیکم اسلام
شکریہ شیرنگ کا۔
آج کل دبئی میں جاب تھوڑی سی ان سیکیور ھوتی جا رھی ھے ۔ چار پانچ جاننے والے ھیں جن کو بغیر کسی وجہ کے جاب سے فارغ کیا گیا ھے۔ ٖقصور صرف یہی بتاتے ھیں کہ سیکورٹی کلیرنس نہی ملی ۔ حالانکہ وہ کسی بھی نا پسندیدہ مصروفیات میں شامل نہی رھے ۔

 

[کنعان]

السلام علیکم

ایسا نہیں ہوتا کہ بندے کو فارغ کر دیں اور ریزن بھی نہ بتائیں اس پر صرف یہ کہنا کہ سکیورٹی کلیئرنس نہیں ملی، جب جاب جانی ھے تو اس کا علم پہلے ہی ہو جاتا ھے۔

بھائی سکیورٹی کلیئرنس یہ تو اشو ہی نہیں معاملہ کچھ اور ہو گا جسے وہ بتانا نہیں چاہتے۔ جاب اپنی کسی کام کی کمزوری یا میڈیکل ریزن کی وجہ سے جا سکتی ھے، سکیورٹی ریزن والا معاملہ سمجھ سے باہر ھے۔

آپ ان میں سے کسی ایک کی کمپنی کا نام یہاں لکھ دیں معلوم ہو جائے گا کہ اس کمپنی کی اپنی کیا حیثیت ھے۔

الامارات اور سعودی ویزہ سسٹم میں کچھ فرق ھے یہ اس لئے لکھ رہا ہوں کہ یہاں سعودی عرب سے ممبران کی تعداد زیادہ ھے۔ الامارات میں ایک مرتبہ ویزہ مل گیا تو ویزہ مدت ختم ہونے تک آپ جب چاہیں ٹکٹ لیں اور پاکستان جا سکتے ہیں اپنی بساط کے مطابق، یہاں کسی سے دخول و خروج نہیں لگوانا پڑتا۔

تعلقات بہت ضروری ہیں جس سے معلومات ملتی ہیں اور راستے کھلتے ہیں، اگر ایسا کوئی معاملہ ہو تو دوسری جگہ کوشش کی جا سکتی ھے۔

والسلام

 

[اسحاق]

جی کنعان بھائی ،
دو لڑکوں سے میری بھی بات ھوئی تھی۔ پاکستان سے آٰیل اینڈ گیس چھوڑ کر ایڈناک میں گئے تھے ۔ ان کو بغیر کسی وجہ کے نکالا گیا تھا۔ (ان کے بقول)۔ اور ان کو ڈسمس لیٹر گیٹ پر ھی ڈیلیور کیے گئے۔
اور سنا یہی ھے کہ پچھلے دو سالوں میں آیل گیس سیکٹر میں سے کافی بندے نکالے جا چکے ھیں جن کا تعلق زیادہ تر پاکستان سے تھا ۔ اور یہی وجہ ھے کہ اب یہاں سے لوگ قطر ، عمان وغیرہ کو ترجیح دیتے ھیں۔

 

[کنعان]

السلام علیکم

بھائی اگر ایڈناک ھے تو یہاں سیکیورٹی کلیئرنس ہو سکتی ھے کیونکہ میرا بھائی اس کمپنی میں ایڈمنسٹریٹر ایند اکاؤنٹس آفیسر جاب کر چکا ھے جو اب عمان میں چلا گیا ھے اس کے علاوہ ایک کزن کو میں نے ڈریجر آپریٹر لگوایا تھا جو اب سعودیہ میں جدہ آئل گروپس میں چلا گیا ہوا ھے اور مزید 6 کزن ابھی تک یہیں ایگزکٹو جاب کر رہے ہیں۔

ایڈناک مین کمپنی ھے اور آئل فیلڈ پر جتنی بھی کمپنیاں ہیں ہیں وہ سب اسی کی برانچ کمپنیاں ہیں اور ان سب کے نام زیادہ تر "ایڈ" سے ہی شروع ہوتے ہیں جیسے ایڈما آپکو، ایڈگاس۔۔۔۔۔۔۔۔ پھر بہت سے آئل فیلڈ کمپنیاں انہیں ہر قسم کا سٹاف سپلائی بھی کرتی ہیں۔ اگر تو ان سپلائی کمپنیوں میں جاب کریں تو پھر اس کا اعتبار نہیں ہوتا کہ شارٹ کنٹریکٹ ھے یا لانگ۔

ان کمپنیوں میں سیفٹی اینڈ سکیورٹی بہت اہم مسئلہ ھے ورنہ یہ ایکسیڈنٹ کا رسک نہیں لیتیں اور فارغ کر دیتی ہیں۔

والسلام

 

[اسحاق]

بہت شکریہ کنعان بھائی ۔۔۔۔
اب تو آپ سے رابطہ رکھنا پڑے گا ۔ ابتسامہ