- شمولیت
- اپریل 27، 2013
- پیغامات
- 26,582
- ری ایکشن اسکور
- 6,751
- پوائنٹ
- 1,207
رسول اللہ صلی اللہ علیہ وسلم کی رسالت پر یہودونصاریٰ کا جزوی ایمان
یہود و نصاریٰ میں سے بہت سوں کا عقیدہ ہے کہ وہ اولیاء اللہ ہیں اور محمد ( صلی اللہ علیہ وسلم ) اللہ کے رسول ہیں لیکن کہتے ہیں کہ آپ صلی اللہ علیہ وسلم صرف غیر اہل کتاب کی طرف مبعوث ہوئے ہیں اور ہم پر ان کی اتباع واجب نہیں۔ اس لیے کہ ہماری طرف ان سے پہلے رسول آچکے ہیں۔سو یہ تمام لوگ اپنے اور اپنی جماعت کے متعلق اولیاء اللہ ہونے کے مدعی ہونے کے باوجود سب کے سب کفار ہیں۔ اولیاء اللہ صرف وہ ہیں جن کی توصیف اللہ تعالیٰ نے خود اپنے اس قول سے فرما دی ہے:
أَلَا إِنَّ أَوْلِيَاءَ اللَّـهِ لَا خَوْفٌ عَلَيْهِمْ وَلَا هُمْ يَحْزَنُونَ ﴿٦٢﴾ الَّذِينَ آمَنُوا وَكَانُوا يَتَّقُونَ ﴿٦٣﴾ یونس
حوالہ’’یاد رکھو! کہ اللہ کے دوست ایسے ہیں کہ نہ ان پر خوف طاری ہوگا اور نہ وہ کسی طرح آزردہ خاطر ہوں گے۔ یہ وہ لوگ ہیں جو ایمان لائے اور اللہ سے ڈرتے رہے۔‘‘