رمضان کے بعد کرنے کے کام

[ابو عکاشہ]

اگرچہ رمضان کا مہینہ ختم ہو چکا ہے

لیکن

نیک اعمال سارے سال کے لیے باقی ہیں

اور میرا خیال ہے کہ آپ نیکی کے لیے اب بھی حریص ہوں گے
اور نیکی کے کاموں میں ایک دوسرے پر سبقت کے لیے کوشاں
ہوں گے

اس لیے عزیز دوستو !!
میں اپنے آپ کو اور آپ سب کو درج ذیل نیک کاموں کی نصیحت
کروں گا

پانچوں نمازوں کی باجماعت مساجد میں پابندی سے ادائیگی

مؤکدہ سنتوں کی پابندی کرنا

صبح و شام کے اذکار کرنا

قیام اللیل اور وتر کی پابندی کرنا

صدقہ و خیرات کثرت کے ساتھ دینا

صلہ رحمی ،والدین ،رشتہ داروں سے اچھا سلوک کرنا

اور

شوال کے چھ روزے رکھنا مت بھو لیے گا

عن أبي أيوب الأنصاري رضي الله عنه أنه حدثه أن رسول الله صلی الله عليه وسلم قال من صام رمضان ثم أتبعه ستا من شوال کان کصيام الدهر


سیدنا ابوایوب انصاری رضی اللہ تعالٰی عنہ سے روایت ہے کہ انہوں نے بیان کیا کہ اللہ کے رسول صلی اللہ علیہ وآلہ وسلم نے فرمایا کہ جو آدمی رمضان کے روزے رکھے پھر اس کے بعد شوال کے چھ روزے رکھے یہ ہمیشہ روزے رکھنے کی طرح ہے۔

صحیح مسلم:جلد دوم:حدیث نمبر 264 کتاب الصیام


بہت سے لوگ صرف رمضان میں اللہ کو پہچانتے ہیں

اور رمضان کے بعد اللہ کو بھول جاتے ہیں

میرے بھائیو !

نیکی اور نیک کام رمضان اور رمضان کے بعد باقی گیارہ مہینوں میں کرنے ہیں

بلکہ ساری زندگی کہ جب تک جسم میں سانس کی آمد ورفت باقی ہے

اللہ مالک الملک نے رسول مقبول صلی اللہ علیہ وآلہ وسلم کو مخاطب کرکے فرمایا :

وَاعْبُدْ رَبَّكَ حَتَّىٰ يَأْتِيَكَ الْيَقِينُ ﴿الحجر: ٩٩﴾


اور اپنے رب کی عبادت کرتے رہیں یہاں تک کہ آپ کو موت آجائے (99)



اللہ مالک الملک ہمیں نیکی کے کام کرنے اور برائی سے باز رہنے کی
توفیق عطا فرمائے ۔
آمین

۔۔۔