روس شام میں بلا امتیاز کارروائی کر رہا ہے: امریکہ کا انتباہ

[محمد نعیم یونس]

امریکہ نے کہا ہے کہ روس شام میں موجود شدت پسندوں کے خلاف بلا امتیاز کارروائی کر رہا ہے اور اس سے خطرہ ہے کہ مزید روس بحران میں پھنس جائے گا۔

وائٹ ہاؤس کے ترجمان جوش ارنسٹ نے جمعرات کو کہا کہ روس شام میں شدت پسندوں کے خلاف بے ترتیب انداز میں فضائی حملے کر رہا ہے۔
ادھر پیرس میں روسی صدر ولادی میر پوتن اپنے فرانسیسی ہم منصب فرانسوا ہولاند سے ملاقات کر رہے ہیں۔ توقع ہے کہ ملاقات جس کا ایجنڈا تو یوکرین تھا تاہم اس میں شام پر بھی بات چیت ہوگی۔

جوش ارنسٹ نے کہا کہ شام میں روس کی بلا امتیاز کارروائی خطرناک ہے اور اس سے اگر شامی جنگ لامحدود نہ بھی ہوئی تو وہاں جاری فرقہ ورانہ لڑائی مزید طویل ہوگی۔
خیال رہے کہ جمعرات کو بھی روس نے مسلسل دوسرے دن شام میں شدت پسند تنظیم دولتِ اسلامیہ کے خلاف فضائی حملے کیے۔

نیویارک میں جنرل اسمبلی سے حطاب کرتے ہوئے روس کے صدر نے کہا کہ ان کا ملک النصر اور القاعدہ کے حامیوں سمیت دیگر دہشت گرد گروہوں کے خلاف کارروائی کرے گا۔

ان کا کہنا تھا کہ ’ہم ان کے لوگوں کے خلاف کسی کی حمایت نہیں کر رہے۔‘

انھوں نے بتایا کہ روس فضائی حملوں کے ہدف کے لیے شامی فوج سے رابطہ کرتا ہے۔ تاہم روسی صدر نے کہا کہ ان کا ملک فری سیرین آرمی کو دہشت گرد گروہ نہیں سمجھتا اور اس وہ چاہتا ہے کہ اس گروہ کو سیاسی عمل میں شامل ہونا چاہیے۔

امریکی فوج سے تربیت حاصل کرنے والے باغی گروہ لیوا سوکور الجبل کے کا کہنا ہے کہ صوبہ ادلیب میں اس کے ایک ٹرینگ کیمپ کو روسی حملے میں نشانہ بنایا گیا۔

گروپ کے رکن حسن حاج علی نے خبر رساں ادارے روئٹرز کو بتایا کہ شامی ایئر فورس کے ایک پائلٹ جو کہ اب ان کے گروہ کے ممبر ہیں نے روسی جیٹ طیاروں کی نشاندہی کی۔
حوالہ

 

[ابن قدامہ]

خیال رہے کہ جمعرات کو بھی روس نے مسلسل دوسرے دن شام میں شدت پسند تنظیم دولتِ اسلامیہ کے خلاف فضائی حملے کیے۔

مبارک ہو

 

[کنعان]

داعش کے خلاف جنگ میں حصہ لینے کے لئے ایران نے فوجیں شام میں اتار دیں​

جمعـہء 2 اکتوبر 2015

شام اس وقت غیر ملکی فوجوں کے نرغے میں آیا ہوا ہے اور اب روس کے بعد ایران نے بھی اپنی فوجیں شام میں اتار دیں ہیں،

دمشق: شام اس وقت غیر ملکی قوتوں کے نشانے پر ہے اور یورپی اور امریکی فوجوں کے بعد گزشتہ روز روس نے یہاں بمباری شروع کی اور اب ایران نے بھی اس کے نقش قدم پر چلتے ہوئے شام میں اپنی فوجیں اتار دیں ہیں جو داعش کے خلاف کارروائیوں میں حصہ لیں گی۔

غیر ملکی خبر رساں ادارے کے مطابق سیکڑوں ایرانی فوجیں شام کی سرحد میں داخل ہو گئی ہیں جو شام کے صدر بشار الاسد کی حمایت میں داعش کے خلاف میدانی آپریشن میں حصہ لیں گی۔ خبر رساں ادارے کے مطابق لبنانی حکام کے ذرائع کا کہنا ہے کہ شام کی جنگ اب خطے سے نکل کر بین الاقوامی رنگ اختیار کرتی جا رہی ہے اس لیے گزشتہ 10 روز میں ایران کے سیکڑوں فوجی میدانی آپریشن کا حصہ بننے کے لیے یہاں پہنچ گئے ہیں جو جدید اسلحہ سے لیس ہیں۔ ذرائع کا کہنا ہے کہ ان فوجیوں کو شام کے صدر کی لبنان میں حمایت یافتہ حزب اللہ اور عراق کے شیعہ ملیشیا کی بھر پور حمایت حاصل ہے جب کہ روس انہیں فضائی اسپورٹ فراہم کرے گا۔

خبر رساں ادارے کے مطابق اس سے قبل شامی فوجوں کو ایرانی فوجوں کی مشاورتی حمایت حاصل تھی لیکن پہلی بار اس نے اسلحہ سے لیس فوجی شام روانہ کئے ہیں ۔

واضح رہے کہ اتحادی اور امریکی فوجیں شام کے صدر بشارالاسد کے خلاف لڑنے والے جنگجوؤں کی حمایت کر رہی ہیں جب کہ روس اور ایران کی فوجیں شامی صدر کی حامی فوجوں کی مدد کر رہی ہیں۔

ح

 

[محمد عامر یونس]

شام پر روسی فضائی حملے کا شکار عام شہری بن رہے ہیں، انسانی حقوق کی تنظیم
ویب ڈیسک 2 گھنٹے پہلے

شام میں بشارالاسد کی جانب سے فضائی حملے کے بعد ایک علاقے میں تباہی نمایاں ہے۔ فوٹو: فائل

انقرہ: شام میں صدر بشار الاسد کے مخالف اور مغربی ممالک کے حمایت یافتہ باغیوں کے ٹھکانوں پر روسی فضائیہ کے حملوں میں عام شہری کی ہلاکتوں کی خبریں آرہی ہیں۔

برطانیہ، فرانس، جرمنی، قطر، سعودی عرب، ترکی اور امریکہ کی جانب سے جاری ایک مشترکہ بیان میں کہا گیا ہے کہ ’ ہمیں شام میں روسی فوجی کارروائیوں پر شدید تشویش ہے اور بالخصوص روسی فضائیہ کے حملوں پر شدید اعتراض ہے۔‘ انقرہ کی جانب سے جاری کردہ ایک بیان میں کہا گیا ہے کہ ان حملوں کا شکار عام شہری بن رہے ہیں۔

اس مشترکہ بیان میں کینیڈا بھی شامل ہے جس میں یہ بھی کہا گیا ہے کہ فوجی کارروائی سے خطے میں دہشتگردی اور شدت پسندی میں مزید اضافہ ہوگا اور روس پر فوری طور پر کارروائی بند کرنے کو کہا گیا ہے کیونکہ اس میں شامی اپوزیشن کے ساتھ ساتھ عام شہری بھی ہلاک ہورہے ہیں۔

مختلف علاقوں میں موجود رضاکاروں کے مطابق روسی طیاروں نے جمعرات کو ادلیب اور حاما میں فضائی حملے کیے جن میں بے گناہ شہری بھی ہلاک ہوئے ہیں۔ اپوزیشن رہنما ہادی عبداللہ کے مطابق حبیت کے علاقے میں صبح ہونے والے ایک حملے میں 5 سالہ بچی سمیت تین افراد ہلاک اور 12 افراد زخمی ہوئے ہیں۔ اسی طرح ادلیب میں جبل الزاویہ کے علاقے میں مشتبہ روسی فضائیہ کے حملے میں دو بچوں سمیت سات افراد لقمہ اجل بنے ۔ اسی شہر کے علاقے جسرالسغور کی ایک مسجد پر حملے میں دو افراد ہلاک ہوئے ہیں۔ دوسری جانب برطانیہ کی ایک رضاکار تنظیم نے روسی حملوں کے بعد سے اب تک 28 افراد کی ہلاکت کی تصدیق کی ہے۔

واضح رہے کہ 2011 میں شروع ہونے والی شامی خانہ جنگی میں اب تک ڈھائی لاکھ سے زائد افراد ہلاک ہوچکے ہیں جبکہ کئی ممالک اور مختلف خیالات کے شدت پسندوں اور داعش جنگجوؤں کے خوف سے دسیوں لاکھوں افراد ملک چھوڑ چکے ہیں

 

[محمد عامر یونس]

حقيقت

​

سوریا شام میں پچهلے کئی سالوں سے لاکهوں سنی عوام کو قتل کرنے والے ڈکٹیٹر شیعہ رافضی بشار الاسد کے پیچهے امریکہ . روس اور اسرائیل نہ ہوتا تو کب کی انکی حکومت ختم ہوجاتی

 

[کنعان]

شام پر روسی فضائی حملے کا شکار عام شہری بن رہے ہیں، انسانی حقوق کی تنظیم

شام میں بشار الاسد کی جانب سے فضائی حملے کے بعد ایک علاقے میں تباہی نمایاں ہے۔ فوٹو: فائل​

​

شام کے سرحدی شہر کوبانی پر امریکی فضائی حملے کے بعد دھواں بلند ہو رہا ہے​

امریکا اور اس کے اتحادی ممالک کے لڑاکا طیاروں نے عراق اور شام میں سخت گیر جنگجو گروپ دولت اسلامی (داعش) کے ٹھکانوں اور تنصیبات پر جمعرات کو چوبیس فضائی حملے کیے ہیں۔
ح

سمائل! مختلف اینگل سے کھینچی گئی دونوں تصاویر ایک ہی جگہ کی ہیں، اس میں بھی شہری آبادی نظر آ رہی ھے جس پر دعوی ھے کہ داعش کے ٹھکانے ہیں۔

شام میں اس وقت روس اور ایران ایک طرف اور دوسری طرف امریکہ، برطانیہ اور سعودی عرب ایک طرف یہ تینوں ممالک شام پر ان دو کی آمد پر مخالفت کر رہے ہیں، آگے دیکھتے ہیں کیا ہوتا ھے۔

 

[کنعان]

بشار الاسد مختصر مدت کے لیے صدر رہ سکتے ہیں: کیمرون

بشار الاسد کو شامی حکومت چھوڑنا ہو گی: اوباما

بشار الاسد کو جانا ہو گا، نہیں تو فوجی آپشن :سعودی وزیر خارجہ

روس نے امریکی تربیت یافتہ شامی کارکنوں کو نشانہ بنایا: جان مکین

روس، شام میں فضائی حملے روک دے: سعودی عرب

داعش۔۔۔۔؟؟؟؟؟

 

[کنعان]

شام میں کون کس سے لڑ رہا ھے؟​

جمعہ , 2 اکتوبر , 2015

بغداد (ڈنکا ڈاٹ کام) شام میں عجیب و غریب کھچری پک چکی ہے، کوئی معلوم نہیں کون کس سے لڑ رہا ہے۔

بھارتی اخبار ٹائمز آف انڈیا کے مطابق امریکہ ایک اتحاد کی قیادت کر رہا ہے جو شام میں داعش کے ٹھکانوں پر فضائی بمباری کرتا ہے جبکہ معتدل جنگجو گروپوں کی حمایت کی جا رہی ہے اور امریکی حکام تربیت بھی فراہم کر رہے ہیں جبکہ امریکی صدر اوباما کہہ چکے ہیں کہ صدر بشارالاسد کو اقتدار چھوڑنا ہوگا۔

دوسری جانب روس نے بھی کچھ روز قبل شام میں فضائی حملوں کا آغاز کر دیا ہے اور میڈیا کے مطابق ان فضائی حملوں کا نشانہ بشار الاسد کے مخالفین بن رہے ہیں۔

روسی صدر پیوٹن بار بشارالاسد کی حمایت کر چکے ہیں۔

برطانیہ خطے میں امریکی اتحاد کا حصہ ہے۔

ایران بشار الاسد حکومت کی بھرپور حمایت کر رہا ہے اور اب خبریں آرہی ہیں کہ اس کی فوجیں بھی شام پہنچ چکی ہیں۔

ترکی اصولی طور پر بشار الاسد حکومت کا مخالف ہے اور وہ ایسے معتدل جنگجو گروپوں کی حمایت کر رہا ہے جو اسد حکومت اور کردوں کیخلاف لڑ رہے ہیں۔

سعودی عرب اور قطر بھی بشارالاسد حکومت کیخلاف ہیں اور سنی جنگجوﺅں کو مدد فراہم کر رہا ہے۔

فرانس بھی بشاد الاسد حکومت کے مخالف ہے۔