ریپ کیسز میں ڈی این اے ٹیسٹ بطور بنیادی شہادت قبول نہیں

[کنعان]

ریپ کیسز میں ڈی این اے ٹیسٹ بطور بنیادی شہادت قبول نہیں ‭ ​

ریپ کے مقدمات میں ڈی این اے ٹیسٹ ملزمات تک پہنچنے کا اہم طریقہ ہو سکتا ہے۔

اسلامی نظریاتی کونسل نے جنسی زیادتی کے مقدمات میں ڈی این اے ٹیسٹ کو بنیادی شہادت کے طور پر قبول کرنے اور توہین رسالت کا جھوٹا الزام لگانے والے کو سزائے موت دینے کی تجاویز کو رد کر دیا ہے۔

سرکاری خبررساں ایجنسی اے پی پی کے مطابق اسلامی نظریاتی کونسل کے چیئرمین مولانا محمد خان شیرانی نے ایک پریس کانفرنس میں کونسل کے فیصلوں کا اعلان کرتے ہوئے کہا کہ جنسی زیادتی کے مقدمات میں ڈی این اے ٹسیٹ کو واحد اور بنیادی ثبوت کے طور پر قبول نہیں کیا جا سکتا۔

پریس کانفرنس میں جمعیت علمائے اسلام سے تعلق رکھنے والے اسلامی نظریاتی کونسل کے چیئرمین نے ڈی این اے ٹیسٹ کو اضافی شواہد پر پیش کرنے کی اہمیت کا اعترات کیا لیکن یہ واحد اور بنیادی ثبوت کے طور پر پیش نہیں کیا جا سکتا۔

انھوں نے کہا کہ عدالت میں ڈی این اے ٹیسٹ کو معاون یا اضافی شواہد کے طور پر پیش کیا جا سکتا ہے لیکن صرف اس کی بنیاد پر کوئی مقدمہ قائم نہیں کیا جا سکتا۔

انھوں نے مزید کہا کہ کونسل نے خواتین کے حقوق کے بارے میں وومن پروٹیکشن ایکٹ آف دو ہزار چھ کو بھی رد کر دیا ہے اور کہا ہے کہ یہ اسلامی اقدار سے مطابقت نہیں رکھتا۔ ساتھ ہی یہ بھی کہا گیا کہ حدود آرڈننس میں ان تمام جرائم کا احاطے کیا گیا ہے۔

انھوں نے کہا کہ اسلام میں جنسی زیادتی کے مقدمات سے نمٹنے کے تمام طریقے موجود ہیں۔

قبل ازیں کونسل کا اجلاس ریپ کے مقدمات میں ڈّی این اے ٹیسٹ کو بنیادی شہادت کے طور پر قبول کرنے اور توہین رسالت کی جھوٹی گواہی دینے پر سزائے موت دینے کی تجاویز پر غور کرنے کے لیے منعقد ہوا۔

مولانا شیرانی نے کہا کہ توہین رسالت کے موجودہ قوانین میں ترمیم نہیں کی جانی چاہیےاور پاکستان کے ضابطہ فوجداری میں ایسی دفاعات موجود ہیں جو جھوٹا الزام لگانے یا جھوٹی گواہی دینے کا احاطہ کرتی ہیں۔

بی بی سی: پير 23 ستمبر 2013

 

[شاکر]

کنعان بھائی،
یہ پراپیگنڈا ہے۔ مسئلہ کی بہترین توضیح اور علمائے کرام کا اس ضمن میں مدلل مؤقف جاننے کے لئے یہ دھاگا ملاحظہ کریں:

اسلامی نظریاتی کونسل کی سفارش بسلسلہ ڈی این اے
سیکولر پروپیگنڈے کا تجزیہ اور مسئلہ کی قانونی وشرعی حیثیت

 

[کنعان]

السلام علیکم

میرا موقف بھی یہی ھے کہ "ریپ کیسز میں ڈی این اے ٹیسٹ بطور بنیادی شہادت قبول نہیں"۔ آپکا کیا موقف ھے اس بارے میں۔

والسلام