سحر کا انتخاب

[نسرین فاطمہ]

سحر کا انتخاب

جلتا ہے جن کا خون چراغوں‌میں رات بھر
ان غم زدوں سے پوچھے کوئی قیمت سحر


اس کے باوصف کہ ہر سمت اندھیرا ہے محیط
ہم ہیں وہ لوگ جو امید سحر رکھتے ہیں


خال خال اس قوم میں اب تک نظر آتے ہیں وہ
کرتے ہیں اشک سحر گاہی سے جو ظالم وضو


میں نے پایا ہے اسے اشک سحر گاہی میں
جس در نایاب سے خالی ہے صدف کی آغوش


اعجاز ہے کسی کا یا گردش زمانہ
ٹوٹا ہے ایشیا میں سحر فرنگیانہ


تیرگی عالم کو آخر ایک دن چھٹ ہی جانا ہے
سحر کے عاشق سحر کی خاطر خود سورج بن جاتے ہیں


بڑا مبارک جہاد ہے یہ سحر کی امید رکھنا زندہ
نہ چین عظمتوں کو لینے دینا شبوں کی نیند اڑائے رکھنا


دیکھنا یہ ہے کہ اس باطل وحق کے دن میں
رات مرتی ہے کہ زنجیر سحر ہوتی ہے
آخری فتح میری ہے میرا ایمان ہے یہ
جس طرح ڈوبتے سورج کو خبر ہوتی ہے ۔