سعودی شہری کا پانچ عشروں بعد اپنے خاندان سے ملاپ

[کنعان]

سعودی شہری کا پانچ عشروں بعد اپنے خاندان سے ملاپ

اہل خانہ نے عبداللہ التویجری کو پاکستان سے ڈھونڈ نکالا​

ریاض ۔ ترکی الدوسری: اتوار 4 ذوالحجہ 1435هـ - 28 ستمبر 2014م

کسی شخص کا اپنے خاندان سے بچھڑ جانا بلا شبہ ایک المناک واقعہ ہوتا ہے اور جب تک بچھڑے شخص کو تلاش نہ کر لیا جائے خاندان کے افراد چین سے نہیں بیٹھتے چاہے اس میں طویل مدت ہی کیوں نہ گذر جائے۔

سعودی شہری عبداللہ التویجری کی بھی کچھ ایسی ہی داستان ہے۔ وہ اپنے خاندان سے 47 سال تک بچھڑا رہا لیکن اہل خانہ نے اس کی ایک بار پھر ملاقات کی امید کی شمع بجھنے نہیں دی اور آخر کار وہ اسے ڈھونڈ نکالنے میں کامیاب ہو ہی گئے۔

یہ کوئی افسانوی کہانی نہیں بلکہ حقیقی واقعہ ہے کہ 67 سالہ عبد اللہ سنہ 1388ھ میں سعودی عرب میں ایک پرائمری اسکول میں ترک تعلیم کے بعد اچانک لاپتا ہو گیا۔ اہل خانہ نے اندرون اور بیرون ملک جہاں کہیں اس کے بارے میں خبر یا افواہ سنی تلاش کی مقدور بھر کوشش کی۔

عبداللہ کے چچا زاد ایڈووکیٹ صالح نے"العربیہ ڈاٹ نیٹ" سے گفتگو کرتے ہوئے اس کی گمشدگی اور سینتالیس سال بعد دوبارہ ملاپ کی تفصیلات بتائیں۔ انہوں ‌نے کہا کہ اسکول سے فرار کے بعد ان کے خاندان کے تمام افراد نے عبداللہ کو اسپتالوں اور ملک بھر کے پبلک مقامات پر تلاش کرنے کی کوشش کی۔ جب کوئی پتا نہ چلا تو سب تھک ہار کر بیٹھ گئے لیکن عبداللہ کی اچانک کسی دن آ موجود ہونے کی امید پھر بھی قائم رہی۔

عبداللہ کے غائب ہونے کے 16 سال بعد 1404ھ میں سرحدی علاقے عرعر میں ایک عزیز نے بتایا کہ عبداللہ کو عراق میں دیکھا گیا ہے۔ ہم اس کے ممکنہ ٹھکانے کی تلاش کے لیے نکل پڑے لیکن اس کا عراق میں بھی کچھ پتا نہ چلا۔

کوئی ایک ماہ قبل وٹس آپ کے ذریعے عبداللہ التویجری نامی ایک شخص کی تصویر اس کے اہل خانہ کی نظر سے گذری تو انہوں نے اسے پہچان لیا۔ اس وقت عبداللہ پاکستان میں تھا اور پچھلے کئی سال سے یہیں رہ رہا تھا۔ اہل خانہ نے پاکستانی سفارت خانے کے ذریعے اس تک رسائی کی کوشش کی اور بالآخر اس تک پہنچنے میں کامیاب ہو گئے۔

صالح نے بتایا کہ پیرانہ سالی کے باوجود عبداللہ کی یاداشت اچھی ہے۔ اس نے پاکستان میں قریبا ربع صدی کا عرصہ گذرا ہے۔ پاکستان میں اس کی کفالت ایک برطانوی خاتون کر رہی تھی۔ اس کا کہنا ہے کہ وہ اپنے خاندان سے بچھڑنے کے بعد عراق اور ایران سے ہوتا ہوا پاکستان پہنچا تھا۔

ح

 

[Dua]

جزاک اللہ خیرا بھائی! ۔۔۔ مقامی اخبار کے مطابق غالبا رمضان سے پہلے موصوف اپنے اہل خانہ کو ملے تھے، میڈیا کو اب پتا چلا ہے! ابتسامہ

 

[کنعان]

السلام علیکم

جزاک اللہ خیر! ہو سکے تو اپنے پتہ چلنے کے بعد اس کا لنک بھی دے دیا کریں، تاکہ ریکارڈ رہے۔

والسلام

 

[Dua]

السلام علیکم

جزاک اللہ خیر! ہو سکے تو اپنے پتہ چلنے کے بعد اس کا لنک بھی دے دیا کریں، تاکہ ریکارڈ رہے۔

والسلام

وعلیکم السلام !۔۔۔۔ سعودی اخبارات میں جو خبر زیادہ شہرت اختیار کر جائے ، وہ اکثر پاکستانی میڈیا میں آ جاتی ہے ، پر کم از کم تو 4 ماہ پرانی ضرور ہوتی ہے۔یہاں اردو اخبار میں بھی وہ خبر 15 سے 20 دن بعد شائع ہوتی ہے۔لہذا اگر آپ خبر کو تازہ ہی دیکھنا اور پڑھنا چاہتے ہیں ، تو سعودی اخبارات کا مطالعہ کر سکتے ہیں !

 

[کنعان]

السلام علیکم

سسٹر جب آپ کے پاس کوئی لنک موجود نہیں تو پھر ایسے جنک میل کرنے کا کیا فائدہ، میں نے جہاں سے یہ خبر لی ھے وہ کوئی پاکستان اردو اخبار نہیں، لنک آپ کو شائد نظر نہیں آیا سب سے نیچے چھوٹا سا لال رنگ میں ح لکھا ہوا ھے اسے کلک کریں، میں بغیر لنک کے کبھی کوئی پوسٹ نہیں کرتا۔ ہو سکے تو اپنی بات سچ ثابت کرنے کے لئے ایک مرتبہ پھر کوشش کریں اور سب کو اس عربی اخبار کا لنک پیش کریں جس میں یہ خبر 4 مہینے پرانی ھے میرے علم میں بھی اضافہ ہو کیونکہ کل بھی آپ ایک خبر میں ایسا لکھ چکی ہیں جسے میں نے اگنور کر دیا تھا مگر اب سوچا پوچھ ہی لوں۔

کوئی ایک ماہ قبل وٹس آپ کے ذریعے عبداللہ التویجری نامی ایک شخص کی تصویر اس کے اہل خانہ کی نظر سے گذری تو انہوں نے اسے پہچان لیا

یہ عربی اخبارات کے لنکس بھی پیش کر دیتا ہوں

العربیہ

القطیف الاخباریہ

غزۃالان

الوائم

والسلام