سعودی عرب میں تاریخی مساجد زائرین کے لئے کھل گئیں

[کنعان]

سعودی عرب میں تاریخی مساجد زائرین کے لئے کھل گئیں

عمرہ کے لئے آنے والے زیارتوں کے لئے زیادہ وقت نکال کر آئیں​

جمعرات 5 نومبر 2015م
ریاض ۔ العربیہ ڈاٹ نیٹ

سعودی عرب کے کمیشن برائے سیاحت و قومی ورثہ اور 'التراث' فائونڈیشن نے ملک بھر میں تاریخی اہمیت کی حامل 21 مساجد کی ضروری مرمت کے بعد زائرین کے لئے کھول دی ہیں۔

کمیشن نے اپنی 39 ویں اجلاس میں فیصلہ کیا کہ اسلامی امور کی وزارت کی معاونت سے ملک بھر میں دوسری تاریخی مساجد کو بھی جلد زائرین کے کھولا جائے گا۔

التراث فائونڈیشن گذشتہ 17 سالوں سے کمیشن کے تعاون سے مساجد کی بحالی کا کام کر رہے ہیں۔
بحال کی جانے والی مساجد میں ینبع میں الزاویہ مسجد اور اس کے علاوہ الغمامہ اور ابوبکر صدیق مساجد شامل ہیں۔

مدینہ میں عمر بن الخطاب مسجد کو بھی زائرین کے لئے کھول دیا گیا ہے۔

ریاض میں موجود مسجد الشافع مرحوم شاہ عبداللہ کی جانب سے مختص بجٹ کو استعمال میں لاتے بحال کی گئی ہے
جبکہ ریاض ہی کی الاوشازہ مسجد مرحوم شہزادی سلطانہ بنت احمد السدیری کی امداد سے بحال کر دی گئی ہے۔

عصیر میں امام سعود بن عبدالعزیز بن محمد بن سعود جامعہ مسجد کو بھی مرحوم شاہ عبداللہ کی جانب سے جاری کردہ گرانٹ سے بحال کر دیا گیا ہے۔
جبیل اور ینبع کے شاہی کمیشن کی مدد سے مشرقی صوبے کی چھ مساجد بحال کر دی گئی ہیں جن میں سے پانچ الاحساء اور ایک جبیل کے نزدیک موجود ہے۔

اگلے مرحلے میں 87 مساجد کو بحال کیا جائے گا
جن میں مکہ کی چار
مدینہ کی آٹھ
ریاض کی 14
قاسم کی پانچ
عصیر کی 36
تبروک کی چھ
جازان کی چھ
نجران کی چار اور
ابہاء کی چار مساجد شامل ہیں۔

ح

 

[اسحاق سلفی]

سعودی عرب میں تاریخی مساجد زائرین کے لئے کھل گئیں

سعودی عرب میں تو عقیدہ توحید کی برکت سے مساجد کو آباد کرنے کے اقدامات کئے جاتے ہیں ؛
جبکہ پاکستان میں اس کے برعکس مزارات کی تعمیر و تزئین ،کرکے اس کی تشہیر کی جاتی ہے
بلکہ بے شمار جعلی قبروں پر گنبد تعمیر کئے جاتے ہیں ۔۔۔۔اور گھوسٹ بابے کی خودساختہ کرامات کا ڈھنڈورا پیٹا جاتا ہے ،تاکہ کاروبار شرک مستحکم ہو ۔

 

[اسحاق سلفی]

پیارے نبی کریم ﷺ کا ارشاد ہے کہ :
عَنْ أَبِي هُرَيْرَةَ رَضِيَ اللَّهُ عَنْهُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «أَحَبُّ الْبِلَادِ إِلَى اللَّهِ مَسَاجِدُهَا وَأَبْغَضُ الْبِلَاد إِلَى الله أسواقها» . رَوَاهُ مُسلم
سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا:
’’ شہروں میں سب سے پیاری جگہ اللہ تعالیٰ کے نزدیک مسجدیں ہیں اور سب سے بری جگہ اللہ تعالیٰ کے نزدیک بازار ہیں۔(صحیح مسلم المساجد )
اللہ تعالی کو تو مساجد سب جگہوں سے بڑھ کر پسندیدہ ہیں ، لیکن ۔۔۔۔۔
اہل پاکستان کی اکثریت کو سب سے زیادہ پسندیدہ ۔۔قبریں اور ان پر بنے گنبد ہیں ،
اور جہاں مزار بناتے ہیں وہاں ساتھ ہی ایک بازار بھیلازماً وجود میں آتا ہے ،تاکہ مزار پر آنے والے پھولوں کے ہار ، ،قبر پر چڑھانے کیلئے چادریں، خرید سکیں
اور تفریح کے اسباب بھی مہیا ہوتے ہیں جیسے بچوں کے کھلونے ،کاسمیٹکس کا سامان ،
اور کھیل کود کے مواقع ،اور سیر وتفریح کے مواقع بڑے اہتمام سے رکھے جاتے ہیں
یعنی جو چیز اللہ کو ناپسند تھی اس کی فراہمی اور دستیابی پر یہ لوگ کمر بستہ ہیں؛