سعودی عرب میں دنیا کی سب سے اونچی عمارت کی تعمیر

[کنعان]

سعودی عرب میں دنیا کی سب سے اونچی عمارت کی تعمیر​

​

​

جدہ (مانیٹرنگ ڈیسک) گزشتہ کچھ دہائیوں سے مختلف ممالک کے درمیان دنیا کی سب سے اونچی عمارت بنانے کا مقابلہ جاری ہے کبھی یہ اعزاز امریکہ کے پاس چلا جاتا ہے تو کبھی چین تو پھر کبھی دبئی اس ریکارڈ کو چھین لیتا ہے۔​

​

تاہم اب سعودی عرب کو بھی یہ ریکارڈ اپنے نام کرنے کی دھن سوار ہوئی ہے۔ سعودی عرب کے اقتصادی شہر جدہ میں دنیا کی سب سے بڑی عمارت بنانے کی تیاری شروع ہو چکی ہے۔ یہ پراجیکٹ کافی عرصے سے طوالت کا شکار ہوتا چلا آ رہا ہے تاہم اب اس پراجیکٹ پر زور و شور سے کام جاری ہے۔​

​

ایک برطانوی کمپنی نے اس پر باقاعدہ کام کا آغاز کر دیا ہے اور اس عمارت کی تعمیر کا تخمینہ 1.2 ارب ڈالر (102 ارب روپے) لگایا گیا ہے جبکہ اس پر اگلے مہینے کام بھی شروع ہو جائے گا۔​

​

یہ عمارت تقریباً 3000 فٹ بلند ہوگی۔ ابتدائی طور پر اس کا نام"کنگ ڈم ٹاور" رکھا گیا ہے اور اس کی لمبائی 3,280 فٹ ہوگی اور یہ دنیا کی سب سے بڑی عمارت برج الخلیفہ سے بھی اونچا ہوگا، برج الخلیفہ کی اونچائی 2717 فٹ ہے۔​

​

26 مارچ 2014 (22:56)​

​

​

​

​

​

​