سعودی عرب میں 29 جون سے رمضان المبارک کا آغاز

[کنعان]

سعودی عرب میں 29 جون سے رمضان المبارک کا آغاز​

سعودی عرب کے ماہرین فلکیات نے کہا ہے کہ ماہ صیام رمضان المبارک کا 29 جون اتوار سے آغاز ہوگا۔

سعودی عرب کے رؤیت ہلال کے ذمے دار اسلامی منصوبے میں شامل تیس ماہرین فلکیات نے کہا ہے کہ رمضان المبارک کا چاند 27 جون کو دیکھا نہیں جا سکے گا۔ اس لیے 28 جون کو شعبان المعظم کی آخری تاریخ ہوگی۔

ان سعودی ماہرین فلکیات نے اتوار کو اپنے دستخطوں سے جاری کردہ ایک بیان میں اسلامی ممالک کی رؤیت ہلال کمیٹیوں یا اسلامی مہینے کا چاند دیکھنے کے ذمے دار اداروں سے کہا ہے کہ وہ چاند نظر آنے کی تصدیق کریں۔

انھوں نے وضاحت کی ہے کہ 27 جون کو آنکھوں سے یا خاص ٹیلی سکوپس کے ذریعے بھی رمضان المبارک کا چاند نظر نہیں آئے گا۔ واضح رہے کہ رمضان کے آغاز کا انحصار چاند کی رؤیت پر ہے۔ اس ماہ کے دوران مسلمان سحری سے لے غروب آفتاب تک روزہ رکھتے ہیں۔ اس دوران وہ کچھ نہیں کھاتے پیتے اور بعض حلال امور سے بھی اجتناب کرتے ہیں۔ روزہ اسلام کے پانچ ارکان میں سے دوسرا رکن ہے۔

العربیہ ڈاٹ نیٹ اتوار 17 شعبان 1435هـ - 15 جون 2014م

 

[یوسف ثانی]

اس کا مطلب یہ ہوا کہ پاکستان میں ماہ صیام کا آغاز ان شاء اللہ العزیز سوموار 30 جون سے ہوگا۔ اور اغلباً عید الفطر منگل 29 جولائی کو ہوگی۔

بیرون شہر یا بیرون ملک ملازمت کرنے والے احباب ہوم ٹاؤن میں عید منانے کے لئے ابھی سے چھٹیوں کی منصوبہ بندی کرلیں (ابتسامہ)

 

[یوسف ثانی]

 

[کنعان]

سعودی عرب میں پہلا روزہ اتوار کو ہو گا​

سعودی عرب میں جمعہ کی شام چاند نظر آنے کا امکان نہیں اس لیے پہلا روزہ ہفتہ کو نہیں بلکہ اتوار کو ہو گا۔

عرب یونین برائے فلکیات کے رکن خالد الزاق کے مطابق جمعہ کو غروب آفتاب سے پہلے چاند آسمان سے مکمل طور پر غائب ہو جائے گا چنانچہ مصر اور سوڈان وغیرہ میں بھی چاند نظر نہیں آئے گا۔ ہر اسلامی ملک میں چاند دیکھنے کا طریقہ اور معیار مختلف ہے۔ بعض ملکوں میں چاند کو آنکھوں سے دیکھ کر نئے مہینے کے چاند کا تعین کیا جاتا ہے جبکہ دیگر ممالک میں فلکیاتی حساب لگایا جاتا ہے۔

انہوں نے بتایا کہ جغرافیائی محل وقوع کی بنیاد پر خط استوا کے شمالی جانب واقع ممالک میں دن کا دورانیہ رات سے زیادہ ہوتا ہے۔ اس مرتبہ رمضان سال کے طویل اور گرم ترین دنوں میں آ رہا ہے۔

روس اور جرمنی میں روزہ 20 گھنٹے،
ترکی میں 17 گھنٹے،
پاکستان، بھارت، چین اور عرب ممالک میں 15 سے 16 گھنٹے،
امریکہ میں 15،
برطانیہ میں ساڑھے 16،
فرانس میں 16،
ہالینڈ میں ساڑھے 18،
ڈنمارک میں 21 جبکہ برازیل میں 12،
چلی میں 10 اور ارجنٹائن میں صرف ساڑھے نو گھنٹے کا ہو گا۔

یاد رہے سعودی عرب میں نجی شعبے کے ملازمین رمضان المبارک کے دوران صرف 6 گھنٹے کام کریں گے۔ وزارت محنت نے اس سلسلے میں حکم نامہ جاری کر دیا ہے۔

اسپائلر: مختلف ملکوں میں روزے کا دورانیہ مختلف ہو گا

http://vid.alarabiya.net/images/2014/06/25/c8c04c41-9e42-4f6a-a25e-1a42eb0cbcf1/c8c04c41-9e42-4f6a-a25e-1a42eb0cbcf1_4x3_296x222.jpg

العربیہ ڈاٹ نیٹ اردو، سعودی گزٹ: جمعرات 26 جون 2014م