سعودی عرب کا پہلا اور سب سے بڑا برف کا شہر

[کنعان]

سعودی عرب کا پہلا اور سب سے بڑا برف کا شہر​

جمعرات 14 جولائی 2016م
رياض ۔ العربیہ ڈاٹ نیٹ

سعودی عرب کے صوبے ریاض کے گورنر نے بدھ کے روز مملکت کے پہلے اور سب سے بڑے "برف کے شہر" کا افتتاح کر دیا۔
ریاض شہر کے علاقے الربوہ میں العثیم مول میں بنائے گئے اس شہر کا رقبہ 5000 مربع میٹر ہے اور اس پر مجموعی طور پر 10 کروڑ ریال کے قریب لاگت آئی ہے۔
برف کے اس شہر میں فی گھنٹہ 350 افراد کی گنجائش ہے۔
اس میں 12 مختلف نوعیت کی تفریحی سرگرمیوں کا انتظام کیا گیا ہے۔
ان میں مُعلّق پُل ، آئس اسکیٹنگ ، سیڑھیوں اور رسیوں کے راستے ، چڑھنے کی دیواریں ، آئس بمپر کارز ، اسکائی زون اور مختلف لمبائی کی ڈھلوانیں شامل ہیں۔

ریاض کے گورنر شہزادہ فیصل بن بندر نے باور کرایا ہے کہ مملکت میں جنرل اتھارٹی فار انٹرٹینمنٹ مستقبل میں اہم کردار ادا کرے گی۔ انہوں نے مزید کہا کہ سعودی حکومت داخلی سیاحت کو سپورٹ کرنے کی شدید خواہش رکھتی ہے اور تمام لوگ ملک اور اس کے باسیوں کی خدمت کے واسطے مصروف عمل ہیں۔

برف کے اس شہر میں دلچسپ اور مختلف نوعیت کی سرگرمیوں کو منفرد انداز سے پیش کیا گیا ہے۔ یہ موقع محل کی خوبصورتی اور نفیس ڈیزائننگ کا حسین امتزاج ہے۔ ساتھ ہی اعلی معیار کی خدمات بھی فراہم کی گئی ہیں جن سے آنے والے خواتین و حضرات کو مکمل سکون و راحت کے ساتھ تفریح میسر آئے گی۔ منصوبے کا مقصد تمام لوگوں کو نئی جدت کے حامل کھیلوں کے ذریعے خوش گوار ماحول میں وقت گزارنے کا بہترین موقع فراہم کرنا ہے۔ اس سلسلے میں برف کی شخصیات اور بطریق (Penguine) کا بھی شان دار انداز سے پہلی مرتبہ استعمال کیا گیا ہے جو آنے والوں کے خیرمقدم کے حوالے سے بھرپور اور متحرک کردار ادا کرتے ہیں۔

ح

 

[کنعان]

السلام علیکم

دبئی میں بھی ایسا تفریحی مقام ہے پہلے سے ہے جسے Ski Dubai Mall کے نام سے جانا جاتا ہے۔ سعودی والا گورنمنٹ نے جو بنوایا ہے یہ دبئی سکائی سے شائد بہت بڑا ہے۔ خیال رہے اس میں داخلی فیس بہت زیادہ ہوتی ہے۔

والسلام

 

[خضر حیات]

طائف میں ایک ’ مدینہ مائیہ ‘ یعنی ’ پانی کا شہر ‘ ہے ، اس میں بھی اس طرح کی چیزیں ہیں ، معلق پل ، اور پانی میں کھیل کود کے لیے تعمیرات و سہولیات وغیرہ ۔

 

[جنید حسین]

میں ریاض میں رہتا ہوں ۔ ابھی ادھر گیا نہیں لیکن سنا ہے کہ اس کی داخلہ فیس 150 ریال ہے جو کہ دبئی سے بہت کم ہے۔

Sent from my SM-N920C using Tapatalk

 

[کنعان]

السلام علیکم

دبئی کے لئے ٹکٹ بہت زیادہ ہے جبکہ یہاں تفریحی سرگرمیاں بھی کم ہیں، سعودی عرب کے لئے ٹکٹ اگر 150 ریال ہے تو مناسب ہے حالنکہ اس میں 12 مختلف نوعیت کی تفریحی سرگرمیوں کا انتظام کیا گیا ہے، مدینہ السلج۔ بدھ کے روز اس کا افتتاح ہوا ہے، العثیم مول

 

[خضر حیات]

، مدینہ السلج۔

مدينة الثلج
برف کا شہر