سعودی پاسپورٹ ڈپارٹمنٹ نے ایک سال میں ایک ایگزیٹ انٹری پر تردید کر دی

[کنعان]

’اس میں کوئی حقیقت نہیں‘ سعودی حکومت نے پاکستانیوں کو بڑی خوشخبری سنا دی​

روزنامہ پاکستان، 29 اپریل 2016

جدہ (مانیٹرنگ ڈیسک) سعودی پاسپورٹ ڈیپارٹمنٹ نے ایسی رپورٹس کی تردید کر دی ہے کہ وہ پاکستانی شہریوں کیلئے ایک سال میں صرف ایک ایگزیٹ انٹری ویزا جاری کریں گے اور واضح کیا کہ پاکستانیوں کیلئے ویزا سٹیٹس میں کوئی تبدیلی نہیں کی گئی ۔

عرب نیوز کے مطابق جدہ میں پاسپورٹ ڈیپارٹنمنٹ کے میڈیا منیجر میجر طلال الشلہوب نے کہا کہ اطلاعات غلط ہیں اور یہ فیصلہ کفیل یا کمپنی کرے گی کہ وہ اپنے ملازمین کو کتنی بار ویزا جاری کرتے ہیں، اس کی تصدیق ابشیر سسٹم کی ویب سائٹ سے بھی کی جا سکتی ہے ۔

ان کا موقف ایک ایسے وقت پر سامنے آیا ہے جب گزشتہ ہفتوں پاکستان میں یہ اطلاعات تھیں کہ پابندی لگا دی گئی جس کی وجہ سے پاکستانی کمیونٹی میں بے چینی پائی جاتی تھی ۔

پاکستانی قونصلیٹ نے بھی ایسی رپورٹس کی تردید کرتے ہوئے کہا کہ سعودی حکام کی طرف سے پابندی سے متعلق کوئی ہدایت نامہ موصول نہیں ہوا۔

 

[خضر حیات]

اس کی تصدیق ابشیر سسٹم کی ویب سائٹ سے بھی کی جا سکتی ہے ۔

یہ غالبا ’ ابشر ‘ ( أبشر ) ہے ، جو کہ سعودی وزارت داخلہ کی ویب سائٹ پر موجود الیکٹرانک سروسز میں سے ایک سروس ہے ۔