سعودی کابینہ میں ردو بدل، 9 نئے وزراء شامل

[کنعان]

سعودی کابینہ میں ردوبدل، 9 نئے وزراء شامل

ڈاکٹر محمد آل هيازع وزیر صحت اور عبدالعزیز الخضيری وزیر اطلاعات مقرر
​

سعودی عرب کے فرمانروا شاہ عبداللہ بن عبدالعزیز

الریاض ۔ العربیہ ڈاٹ نیٹ: پیر 15 صفر 1436هـ - 8 دسمبر 2014م

سعودی عرب کے فرمانروا شاہ عبداللہ بن عبدالعزیز نے اپنی کابینہ میں بڑے پیمانے پر ردو بدل کیا ہے۔ انھوں نے چھ وزراء کو تبدیل کر دیا ہے اور نو نئے وزراء کا تقرر کیا ہے۔

خادم الحرمین الشریفین نے ایک شاہی فرمان کے ذریعے ڈاکٹر محمد آل هيازع کو وزیر صحت، عبدالعزیز الخضيری کو وزیر اطلاعات و ثقافت مقرر کیا ہے اور انجنئیر وليد الخريجی کو وزارت زراعت کا قلم دان سونپا ہے۔

جن وزارتوں میں نئی ترقیاں، تعیناتیاں یا نئے تقرر کیے گئے ہیں، ان میں وزارتِ اسلامی اور معاشرتی امور، ٹرانسپورٹ، مواصلات اور فنی معلومات، اعلیٰ تعلیم، زراعت، صحت، ثقافت و میڈیا شامل ہیں۔

شاہی فرمان کے مطابق شہری دفاع کے عمومی ڈائریکٹر میجر جنرل سلیمان بن عبداللہ العمرو کو لیفٹیننٹ جنرل کے عہدے پر ترقی دے دی گئی ہے۔ محکمہ پبلک سیکیورٹی کے عمومی ڈائریکٹر عثمان بن ناصر المحرج کو بھی میجر جنرل سے ترقی دے کر لیفٹیننٹ جنرل بنا دیا گیا ہے۔

شاہی فرمان کے ذریعے:

وزیر سماجی امورڈاکٹر یوسف العثیمین کا استعفیٰ منظور کرتے ہوئے ان کی جگہ سلیمان الحمید کو سماجی امور کا وزیر مقرر کیا گیا ہے۔

ڈاکٹر فھد بالغنیم کا استعفی منظور کرتے ہوئے ان کی جگہ انجینئر ولید الخریجی کو وزارت زراعت کا قلمدان سونپا گیا ہے۔

انجینئر عبداللہ المقبل کو ڈاکٹر جبارہ الصریصری کی جگہ وزیر ٹرانسپورٹ مقرر کیا گیا ہے۔ ڈاکٹر جبارہ نے خود عہدے سے مستعفی ہونے کی درخواست کی تھی۔

ڈاکٹر عبد العزیز الخضیری کو وزیر اطلاعات مقرر کیا گیا ہے۔

ڈاکٹر خالد السبتی کو ڈاکٹر خالد العنقری کی جگہ اعلی تعلیم کی وزارت کا قلمدان سونپا گیا ہے۔ ڈاکٹر العنقری نے اپنے عہدے سے مستعفی ہونے کی درخواست کی تھی۔

انجنیئر محمد جمیل احمد ملا نے وزیر مواصلات اور فنی معلومات کے عہدے سے استعفیٰ دیا ہے اور ان کی وزارت کا قلم دان ڈاکٹر فھاد الحمد کو سونپا گیا ہے۔

ڈاکٹر سیلمان ابا الخیل کو صالح آل الشیخ کی جگہ اموراسلامیہ کا وزیر مقرر کیا گیا ہے۔

ڈاکٹر محمد آل ھیازع کو وزارت صحت کا قلمدان سونپا گیا ہے۔

ڈاکٹر عصام بن سعید کو کابینہ ایکسپرٹ کونسل کا سربراہ مقرر کیا گیا ہے، ان کا عہدہ وزیر مملکت کے مساوی ہو گا۔

ح

 

[محمدنذیر المدنی]

اس خبر کا ہم سے کیا تعلق ؟
لیکن یہ ضرور ہے کہ وقت کے طواغیت اپنے بچاؤ کے لئے فل ہاتھ پاؤں مار رہے ہیں
لیکن اب بچاؤ کو وقت نکل چکا ہے
اب اسلام غالب آئے گا ۔۔۔۔۔۔۔۔۔۔۔ ولوکرہ الکافرون

ولو کرہ الکافرون

​