سوشل سیکیورٹی کے تحت رجسٹرڈ افراد کی فوری مدد کی جائے: شاہی فرمان

[حسن شبیر]

العربیہ ڈاٹ نیٹ
سعودی عرب کے فرمانروا شاہ عبداللہ بن عبدالعزیز السعود نے 1۔4 ارب سعودی ریال [373 ملین امریکی ڈالر] ملک کے سوشل سیکیورٹی سسٹم کے تحت رجسٹر خاندانوں میں فوری طور پر تقسیم کرنے کا حکم دیا ہے۔
اس امر کا اظہار سعودی عرب میں سماجی امور کے وزیر ڈاکٹر یوسف بن احمد العثيمين نے اتوار کے روز ایک بیان میں کیا۔ سرکاری خبر رساں ادارے 'ایس پی اے' کہ سوشل سیکیورٹی سسٹم کے تحت جو لوگ فائدہ اٹھا سکتے ہیں ان میں بزرگ شہری، بیوائیں، بچوں کی کفالت کرنے والی مائیں اور یتامی شامل ہیں۔
رپورٹ کے مطابق سوشل سیکیورٹی سسٹم کے تحت رجسٹرڈ خاندانوں کی رمضان المبارک کے دوران ضررویات کی تکمیل بنانا لازمی امر ہے۔ ایس پی اے کے مطابق سعودی فرمانروا تمام شہریوں، بالخصوص نادار طبقوں کی تمام ضروریات پوری کرنا چاہتے ہیں۔ انہوں نے حکم دیا ہے کہ مستحق افراد کے اکاونٹس میں طے شدہ رقم 72 گھنٹوں میں منتقل کی جائے تاکہ ایسے افراد رمضان المبارک کے دوران اپنی ضروریات باعزت طریقے سے پوری کر سکیں.

 

[کنعان]

السلام علیکم

بھائی یہ سوشل سکیورٹی ایک ادارہ ہوتا ھے جسے عربی میں "بیت المال" کہتے ہیں۔ انگلش ممالک میں یہاں ٹیکس اکٹھا ہوتا ھے یعنی جو لوگ ٹیکس دیتے ہیں اور جو کام نہیں کرتے، بچے، بیمار، بوڑھے، ان کو یہاں سے ان کی زندگی کے لئے خرچہ ملتا ھے۔ اور عرب ممالک میں یہاں زکٰوۃ اکٹھی ہوتی ھے یا اور بھی کوئی ذرائے سے رقم یہاں اکٹھی ہوتی ھے تو اس سے غریب لوگوں کی مدد کی جاتی ھے مگر ان پر جو وہاں کے شہری ہیں۔ جو کام کرنے ویزہ پر گئے ہوئے ہیں ان کے لئے اس میں کوئی حصہ نہیں ہوتا۔

والسلام

 

[انس]

السلام علیکم

بھائی یہ سوشل سکیورٹی ایک ادارہ ہوتا ھے جسے عربی میں "بیت المال" کہتے ہیں۔ انگلش ممالک میں یہاں ٹیکس اکٹھا ہوتا ھے یعنی جو لوگ ٹیکس دیتے ہیں اور جو کام نہیں کرتے، بچے، بیمار، بوڑھے، ان کو یہاں سے ان کی زندگی کے لئے خرچہ ملتا ھے۔ اور عرب ممالک میں یہاں زکٰوۃ اکٹھی ہوتی ھے یا اور بھی کوئی ذرائے سے رقم یہاں اکٹھی ہوتی ھے تو اس سے غریب لوگوں کی مدد کی جاتی ھے مگر ان پر جو وہاں کے شہری ہیں۔ جو کام کرنے ویزہ پر گئے ہوئے ہیں ان کے لئے اس میں کوئی حصہ نہیں ہوتا۔

والسلام

متفق!

حالانکہ اسلام میں رفاہِ عامہ کا جو تصور ہے اس میں ملکی، غیر ملکی کی تقسیم نہیں ہے۔ ایک مسلمان خواہ وہ رہائشی یا بدیسی ہو، برابر کا حقدار ہے، فرمانِ باری ہے:
﴿ إِنَّ الَّذينَ كَفَر‌وا وَيَصُدّونَ عَن سَبيلِ اللَّـهِ وَالمَسجِدِ الحَر‌امِ الَّذى جَعَلنـٰهُ لِلنّاسِ سَواءً العـٰكِفُ فيهِ وَالبادِ ۚ ... ٢٥ ﴾ ... سورة الحج
’’جن لوگوں نے کفر کیا اور اللہ کی راه سے روکنے لگے اور اس حرمت والی مسجد سے بھی جسے ہم نے تمام لوگوں کے لئے مساوی کر دیا ہے وہیں کے رہنے والے ہوں یا باہر کے ہوں۔‘‘

مسلمان تو مسلمان ایک غیر مسلم بھی ضرورت مند ہو تو بیت المال سے اس کیلئے بھی رقم مقرر کی جا سکتی ہے۔ جیسے سیدنا عمر﷜ سے مروی ہے کہ انہوں نے ایک بوڑھے ضرورت مند یہودی کو دیکھا تو یہ کہتے ہوئے اس کیلئے بھی بیت المال سے رقم مقرر کردی کہ ’’تمہاری جوانی میں ہم نے تم سے جزیہ لیا اب تمہیں بوڑھے ہونے پر ہم تمہاری مدد کریں گے۔ (مفہوم)‘‘

بلکہ مسافروں کیلئے کتاب وسنت میں الگ سے احکامات ہیں، اللہ تعالیٰ نے زکوٰۃ وصدقات اور غنائم وغیرہ میں انہیں الگ سے ایک مد کے طور پر ذکر کیا ہے، خواہ اپنے علاقوں میں وہ مالدار ہی کیوں نہ ہوں۔

اللہ تعالیٰ ہمیں کما حقہ کتاب وسنت پر عمل کرنے کی توفیق عطا فرمائیں!