شاہین اونٹ فٹ بال کےعالمی فاتح کی پیشین گوئی کرے گا

[کنعان]

شاہین اونٹ فٹ بال کے عالمی فاتح کی پیشین گوئی کرے گا

اماراتی اخبار اس مرتبہ اونٹ کو فاتح ٹیم کی پیشین گوئی کے لیے استعمال کرے گا​

دنیا کے مقبول کھیل فٹ بال کے گذشتہ عالمی کپ ٹورنا منٹ کے میچوں کے دوران پال دی آکٹوپس کی پیشین گوئیوں کا بڑا چرچا رہا تھا اور اس پر تکیہ کرنے والوں نے اس مرتبہ شاہین نامی ایک اونٹ سے اپنی امیدیں وابستہ کرلی ہیں۔

متحدہ عرب امارات سے تعلق رکھنے والے ایک فوٹو گرافر نے پیشین گوئی کرنے والے اس ''نایاب'' اونٹ کو دریافت کیا ہے اور وہ دبئی کے صحرا میں پایا جاتا ہے۔ شاہین اونٹ برازیل میں ہونے والے عالمی کپ ٹورنا منٹ کے میچوں کی پیشین گوئی کے لیے تیار ہے۔

وہ ایسا کیسے کرے گا؟ دبئی سے شائع ہونے گلف نیوز نے اپنی منگل کی اشاعت میں بتایا ہے کہ یہ بھاری بھرکم چوپایہ اپنی آنکھوں کی بڑی بڑی بھنوؤں کے اشاروں سے فاتح ٹیم کے بارے میں بتائے گا۔

اخبار نے لکھا ہے کہ وہ اس اونٹ کے ذریعے جمعرات کو شروع ہونے والے عالمی کپ کے میچوں کی پیشین گوئی کرے گا۔ گذشتہ عالمی کپ میں پال دی آکٹوپس کا پیشین گوئی کا ریکارڈ بہتر رہا تھا۔ اس مرتبہ اونٹ کی پیشین گوئی کرنے کی جدید ٹیکنالوجی کو بروئے کار لایا جائے گا اور یہ بتایا جائے گا کہ فٹ بال عالمی کپ کون سا ملک جیتے گا۔

اسپائلر: حوالہ

منگل 12 شعبان 1435هـ - 10 جون 2014م
العربیہ ڈاٹ نیٹ