شیخ وقاص کا اے لیول سرٹیفکیٹ جعلی قرار

[کنعان]

شیخ وقاص کا اے لیول سرٹیفکیٹ جعلی قرار​

[SUP]دی نیوز ٹرائب :Web Desk Apr 4th, 2013 [/SUP]

شیخ وٖقاص اکرم تصویر​

اسلام آباد : پاکستان کے سابق وفاقی وزیر تعلیم شیخ وقاص اکرم کا اے لیول کا سرٹیفکیٹ جعلی قرار دے دیا گیا ہے۔

ایچ ای سی یعنی ہائر ایجوکیشن کمیشن نے شیخ وقاص اکرم کی ڈگریاں تصدیق کے لیے کمیبرج یونیورسٹی بھجوائی تھیں۔

کیمبرج یونیورسٹی کے ذرائع کے مطابق شیخ وقاص اکرم کی اے لیول کی ڈگری جعلی ہے جب کہ ان کا آئی بی سی سی کا سرٹیفکٹ بھی غیر مستند ہے۔

یاد رہے کہ سابق وفاقی وزیر شیخ وقاص اکرم نے چند روز قبل مسلم لیگ ق کو چھوڑ کر مسلم لیگ ن میں شمولیت اختیار کی تھی۔

شیخ وقاص اکرم کو جعل سازی پر اب حالیہ انتخابات میں حصہ نہیں لے سکیں گے اور انہیں تاحیات نااہلی اور بطور سزا جیل اور جرمانے کا بھی سامنا کرنا ہوگا۔

 

[کنعان]

مزید 11 سابق ارکان پارلیمٹ کی ڈگریاں جعلی, مقدمات درج کرنیکا حکم

مزید 11 سابق ارکان پارلیمٹ کی ڈگریاں جعلی, مقدمات درج کرنیکا حکم​

[SUP]دی نیوز ٹرائب :Hadi Aziz Apr 8th, 2013[/SUP]

اسلام آباد: الیکشن کمیشن آف پاکستان نے مزید 11 سابق ارکان پارلیمنٹ کی ڈگریاں جعلی قرار دیتے ہوئے ان کیخلاف فوجداری مقدمات درج کرنے کا حکم دے دیا۔

الیکشن کمیشن نے 15 سابق اور موجودہ ارکان پارلیمنٹ کی ڈگریوں کے معاملے پر محفوظ کیا گیا فیصلہ سنایا جس کے مطابق گیارہ ارکان کی ڈگریاں جعلی، دو کی درست، ایک پر فیصلہ محفوظ جبکہ ایک رکن کو ایک مرتبہ پھر طلب کرلیا گیا ہے۔

جن ارکان کی ڈگریاں جعلی قرار دی گئی ہیں ان میں 3 سینیٹرز ، 8 سابق ارکان صوبائی اسمبلی شامل ہیں۔ سینیٹر ریحانہ یحیٰی بلوچ، سینیٹر میر اسرار اللہ زہری اور سینیٹر میر محبت خان مری کی ڈگریاں جعلی قرار دی گئی ہیں۔

اسی طرح سابق ایم پی ایز ثمینہ خاور حیات، سیمل کامران، شمائلہ رانا، شبینہ خان، رانا اعجاز احمد نون، بشیر احمد خان، نوابزادہ طارق مگسی اور نوابزادہ میر نادر مگسی کی ڈگریاں بھی جعلی ہیں۔

الیکشن کمیشن نے سندھ اسمبلی کے سابق رکن مکیش کمار چاؤلہ اور بلوچستان اسمبلی کی رکن روبینہ عرفان کی ڈگریوں کو درست قرار دیا ہے۔

علاوہ ازیں نوابزادہ اکبر کے معاملے پر فیصلہ بدستور محفوظ ہے جبکہ سندھ اسمبلی کے رکن پتمبر سہوانی کو 11 اپریل کیلئے دوبارہ طلب کیا گیا ہے۔

الیکشن کمیشن نے تمام جعلی ڈگری ہولڈر ارکان پارلیمنٹ کی کامیابی کا نوٹیفکیشن واپس لینے اور ان کے خلاف فوجداری مقدمات قائم کرنے کا حکم دیا ہے۔